ប្តី​ចិត្តឫស្យា ពេល​សុរា​ចូលខ្លួន បញ្ចេញ​ឫទ្ធិ វាយដំ​រហូតដល់​ដួល​ដេក​សន្លប់​នឹង​ដី​

, , Leave a comment

​ខេត្ដ​កណ្ដាល ៖ ស្ត្រី​ម្នាក់​ត្រូវបាន​ដេក​សន្លប់​ស្តូកស្តឹង ក្រោម​ស្នាដៃ​នៃ​ប្តី​ចិត្តកំណាច វាយ​ទាត់​ធាក់​របួស​ពេញ​រាងកាយ​ដេក​ដួលសន្លប់​ស្ដូកស្ដឹង​ក្បែ​រ​​គុម្ព​ចេក ។ ករណី​ប្តី​ប្រើ​អំពើហិង្សា​លើ​ប្រពន្ធ​បាន​កើតឡើង​នៅវេលា​ម៉ោង​១០​ព្រឹក​ថ្ងៃទី​៣ ខែមេសា ឆ្នាំ​២០១៤ នៅ​ភូមិ​ពពា​ខែ ឃុំ​ដីឥដ្ឋ ស្រុក​កៀនស្វាយ ខេត្ដ​កណ្ដាល ។​

 

​ជនរងគ្រោះ​មានឈ្មោះ លី អ៊ុន ភេទ​ស្រី អាយុ​៥២​ឆ្នាំ ចំណែក​ប្ដី​ឈ្មោះ យ៉ាន់ យ៉េ​ង អាយុ​៥៤​ឆ្នាំ អ្នក​ទាំង​២​មុខរ​បរជាកសិករ និង​មាន​ទីលំនៅ​ក្នុ​ង​ភូ​មិ​ឃុំ​កើតហេតុ​។  ក្រុមគ្រួសារ​នេះ​ត្រូវ​អ្នកជិតខាង​ប្រាប់ថា ឈ្លោះប្រកែក​គ្នា​រាល់ថ្ងៃ​ពេលខ្លះ​ឈានដល់​ប្រើ​អំពើហិង្សា​មួយសន្ទុះ​ក្រោយមក​ក៏ត្រូវ​គ្នា​វិញ ។​

 

​តាម​របាយការណ៍​រប​ស់​សមត្ថកិច្ច​មូលដ្ឋាន​បាន​ឲ្យ​ដឹងថា នៅ​ថ្ងៃកើតហេតុ​ស្ដ្រី​រងគ្រោះ​បាន​ត្រឡប់​មកពីផ្សារ​ទិញ​ម្ហូប​។ លុះ​ពេល​មក​ជិត​ដល់ផ្ទះ​ឃើញ​ប្ដី​អង្គុយ​ផឹកស្រា​ ជាមួយ​អ្នកភូមិ​ឃើញ​ដូច្នោះ​ស្ដ្រី​ជា​ប្រពន្ធ​ក៏​ស្ដីបន្ទោស​ធ្វើឱ្យ​បុរស​ជា​ប្ដី​ខឹងសម្បា​ស្ទុះ​ទៅ​វាយ​ទាត់​ធាក់​ដូច​បាវ សាក់​សន្លប់​​ស្ដូ​កស្ដឹង​តែម្ដង ។ ក្រោយ​កើតហេតុ​សមត្ថកិច្ច​បាន​ចុះ​ទៅដល់​កន្លែងកើតហេតុ ហើយ​ប្ដី​បាន​គេចខ្លួនបាត់ ហើយ​ស្ដ្រី​ជា​ប្រពន្ធ​ក៏​បានមក​ដាក់ពាក្យ​បណ្ដឹង ។ មួយសន្ទុះ​ក្រោយមក​ក៏​មក​ដក​ពាក្យបណ្ដឹង​វិញ​ដោយ​និយាយថា គ្មាន​អ្នកណា​ជួយ​រកស៊ី​ចិញ្ចឹម​កូន ។​

 

​តាម​ប្រភព​ដដែល​បានឱ្យដឹងថា ករណី​ខាងលើនេះ​សមត្ថកិច្ច​បានទទួល​ពាក្យបណ្ដឹង​ហើយ ប៉ុន្ដែ​ស្ដ្រី​ជា​ប្រពន្ធ​ក៏បាន​ដក​ពាក្យបណ្ដឹង​វិញ ដោយ​គ្រាន់តែ​សុំឱ្យ​សមត្ថកិច្ច​ឃាត់ខ្លួន​បុរស​ជា​ប្ដី​ធ្វើការ​អប់រំ តែ​ពេលនេះ​បុរស​ជា​ប្ដី​បាន​រត់គេចខ្លួន ។ ទោះយ៉ាងណា​ក៏ដោយ​សមត្ថ​កិច្ច​នៅតែ​ចា​ត់​វិ​ធា​ន​កា​រ​តាមផ្លូវ​ច្បាប់​ដដែល ៕

05-4-2014

 

Leave a Reply

(*) Required, Your email will not be published