តារាចម្រៀង សុខា ឌី​ហ្សា​ណូ ស្នេហា​មិន​ប្រកាន់​វ័យ ឲ្យ​តែមាន​ចិត្ត​ស្មោះ មិន​ថា ក​ម្លោះ ឬ​ពោះម៉ាយ​

, , Leave a comment

​រាជធានី​ភ្នំពេញ ៖ តារាចម្រៀង​វ័យក្មេង​ប្រចាំ​ផលិតកម្ម​រស្មី​ស្ទឹងសែន​កញ្ញា សុខា ឌី​ហ្សា​ណូ ដែល​មហាជន​ស្គាល់​វត្តមាន​របស់​នាង​នៅក្នុង​វិស័យ​ចម្រៀង​តាមរយៈ​បទ “​ដោះចេញ​នាង​”បាន​បង្ហើប​ប្រាប់​ពី​ជីវិត​ឯកជន​ឲ្យ​ដឹងថា ប្រសិនបើ​មាន​ស្នេហា​ក្នុងពេល​ណាមួយ នាង​មិន​រើស មាន ក្រ ស ខ្មៅ​នោះទេ លើសពីនេះ​រិត​តែ​មិន​ប្រកាន់​វ័យចាស់​នោះដែរ សំខាន់​ឲ្យ​តែ​បុរស​នោះ​នៅ​ក​ម្លោះ ប៉ុន្តែ​បើជា​ពោះម៉ាយ​វិញ ក៏​ពោះម៉ាយ​លែងលះ​ភ​រិ​យា​​ដាច់ស្រឡះ​ដែរ​។ បើទោះជា​មាន​វ័យ​ច្រើន​ទៅហើយ​ក្តី ប៉ុន្តែ​នាង​អះអាងថា នៅ​មិនទាន់មាន​សង្សារ ឬ​គូ​កំណាន់ចិត្ត​នៅឡើយ តែ​នាង​ប​ញ្ជា​ក់​ថា ក៏​មិន​ខ្វះ​អ្នក​ស្រលាញ់​នោះដែរ​។ ការ​មិនទាន់​សម្រេចចិត្ត​យក​គូស្រករ​ដោយសារ​នាង​នៅ​គិតថា ចង់​ជួយ​ជ្រោមជ្រែង​គ្រួសារ​សិន ប៉ុន្តែ​ក៏​មិន​អូ​ស​បន្លាយ​យូរ​ឆ្នាំ​ទៅទៀត​ដែរ​។​

 

​កញ្ញា សុខា ឌី​ហ្សា​ណូ បាន​បង្ហើប​ប្រាប់ថា ប្រសិនបើ​នាង​ត្រូវមាន​ស្នេហា ឬ​គូស្រករ​ក្នុងពេល​ណាមួយ​នាង​មិន​រើស មាន ក្រ ស ខ្មៅ នោះទេ​។ លើ​សពីនេះ​នាង​អះអាងថា រិត​តែ​មិន​ប្រកាន់​វ័យចាស់ ឬ​ពោះម៉ាយ​នោះដែរ សំខាន់​បើ​បុរស​នោះ​នៅ​ក​ម្លោះ​ឲ្យ​ក​ម្លោះ​ពិត ប៉ុន្តែ​បើជា​ពោះម៉ាយ​វិញ ក៏​​ពោះម៉ាយ​លែងលះ​ភរិយា​ដាច់ស្រឡះ​ដែរ​។ បើ​និយាយ​ពី​និស្ស័យ​ចម្រៀង​កញ្ញា សុខា ឌី​ហ្សា​ណូ បាន​រម្លឹក​ឲ្យ​ដឹងថា នាង​ចូលចិត្ត​ច្រៀង​តាំងតែ​ពី​វ័យ​៩​ឆ្នាំ​ម្ល៉េះ​។ មិន​ថា​ពេលទំនេរ ឬ​ពេល​កំពុង​បំពេញការងារ​ផ្ទះ​ដូចជា លាងចាន ឬ​ដាំបាយ​នោះទេ នាង​តែងតែ​ច្រៀង​លេង​ជាប្រចាំ​រហូតដល់​ចូលរៀន​នៅ​សាលាបឋមសិក្សា​បាន​ក្លាយជា​អ្នកចម្រៀង​ប្រចាំ​សាលា​ទៀតផង​។​

 

​កញ្ញា ឌី​ហ្សា​ណូ ដែល​បាន​ហែល​កាត់​ជីវិត​ជា​កូនកំព្រា​ឪពុក​ក្នុង​វ័យ​ជាង​១០​ឆ្នាំ នាង​ត្រូវ​ជួប​ការលំបាក​ផ្សេងៗ ក្នុង​គ្រួសារ​ដែលមាន​ជីវភាព​ខ្ស​ត់​ខ្សោ​យ ប៉ុន្តែភារៈកិច្ច​ដែល​ទ្រទ្រង់​គ្រួសារ​នាពេលនោះ​ត្រូវ​ទទួលបន្ទុក​ដោយ​ម្តាយ​នាង និង​បង​។ យ៉ាងណាក្តី​ជីវភាព​គ្រួសារ​ក្នុងពេលនោះ​ក៏​មិ​ន​បា​ន​​ស្ទួយ​ឲ្យ​នាង​រៀនសូត្រ​បាន​ច្រើន​នោះដែរ ទើប​នាង​បង្ខំចិត្ត​ឈប់រៀន​ទាំង​សោកស្តាយ​នៅត្រឹម​ថ្នាក់​ទី​៩ នៃ​វិទ្យាល័យ​ចម្ការ​សំរោង ខេត្តបាត់ដំបង​។​

 

​កញ្ញា ឌី​ហ្សា​ណូ មាន​ស្រុកកំណើត​នៅ​ភូមិ វត្ត​រំដួល ឃុំ​ចំការ​សំរោង ស្រុក​បាត់ដំបង ក្រុង​បាត់ដំបង​។ មាន​ឪពុក​ឈ្មោះ ហែម សុខា (​ស្លាប់​) ម្តាយ​ឈ្មោះ ហ៊ុល ចាន់ថុល អាយុ​៦៥​ឆ្នាំ ជា​មេផ្ទះ​។ នាង​មាន​បងប្អូន​៥​នាក់ ស្រី​៣​នាក់ នាង​ជា​កូន​ទី​៤ ហើយក៏​គ្មាន​បងប្អូន​មួយណា​មាន​និស្ស័យ​សិ​ល្បៈ​​ដូច​នាង​ដែរ​។ ទៅ​ថ្ងៃ​អនាគត​នាង​ចង់​ក្លាយជា​តារាចម្រៀង​ល្បី​មួយរូប និង​ចង់​មាន​មុខរបរ​បើកហាង​កាត់ដេរ​សមល្មម​មួយ​សម្រាប់​ចិញ្ចឹមជីវិត​៕

03-4-2014 (1) 03-4-2014 (2) 03-4-2014 (3)

 

Leave a Reply

(*) Required, Your email will not be published