រថយន្ត​ហ៊ីយ៉ាន់ដាយ​ដឹកទំនិញ​លើស​ចំណុះ ឡើង​ស្ពាន​មិន​រួច​ក្រឡាប់ចាក់​ឥ​វ៉ាន់​ពេញ​គល់ស្ពាន​

, , Leave a comment

​រាជធានី​ភ្នំពេញ ៖ កាលពី​វេលា​ម៉ោង​២​និង​៤០​នាទី​រំលង​អា​ធ្រា​ត្រ​ឈានចូល​ថ្ងៃទី​១ ខែមេសា ឆ្នាំ​២០១៤ មាន​ករណី​ឧបទ្ទវហេតុ​មួយ​ខណៈដែល​រ​ថ​យ​ន្ត​​ហ៊ីយ៉ាន់ដាយ ធុន​ធំ​ចំណុះ​៥​តោនដឹក​សម្ភារៈ​គ្រឿងទេស​ពេញ​បាន​បើក​ឡើង​ស្ពាន​ជ្រោយចង្វារ​មិន​រួច ត្រង់ចំណុច​គល់ស្ពាន​ជ្រោយចង្វារ​ត្រើ​យ​ម្ខា​ង ស្ថិតក្នុង​សង្កាត់​ជ្រោយចង្វារ ខណ្ឌឫស្សីកែវ រាជធានី​ភ្នំពេញ​។​

 

​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​គេ​ឃើញ​រថយន្ត​ខាងលើ​ពាក់​ស្លាក​លេខ​ស៊េរី​ចាស់ ម​០១៨៤​ភព​៣ បាន​ដឹក​សម្ភារៈ​គ្រឿងទេស​ពេញ ក្នុង​បំណង​ដឹក​ឆ្ពោះទៅកាន់​ខេត្តកំពង់ចាម ខណៈ​ចេញពី​ដំណើរ​ឡើង​ពី​គល់ស្ពាន​ជ្រោយចង្វារ​ត្រើយម្ខាង​បាន​ប្រហែល​៣០​ម៉ែត្រ រ​ថ​យន្ត​បាន​ដាច់​កាឡេ​ថយក្រោយ ហើយ​គាត់​ព្យាយាម​ជាន់​ហ្វ្រាំង​ដែរ ប៉ុន្តែ​មិនជា​ប់​ក៏​បណ្ដាលអោយ​រថយន្ត​ក្រឡាប់ចាក់​សម្ភារៈ​ពេញ​គល់ស្ពាន សំ​ណា​ង​ដែល​ពុំមាន​មនុស្ស​រងរបួស​។​

 

​បន្ទាប់ពី​កើតហេតុ​សមត្ថកិច្ច​មូល​ដ្ឋា​ន​បាន​ចុះមក​អន្តរាគមន៍​ធ្វើ​កំណត់ហេតុ​និង​នាំយក​រថយន្ត​ទៅ​រក្សាទុក​នៅ​ប៉ុស្ដិ៍នគរបាល​ជ្រោយចង្វារ​ដើម្បី​ដោះស្រាយ​តាមផ្លូវ​ច្បាប់​៕

02-4-2014 (1) 02-4-2014 (2) 02-4-2014 (3)

 

Leave a Reply

(*) Required, Your email will not be published