មានគំនិត​ខ្លី ខឹង​នឹង​ប្តី សម្ងំ​លេប​ថ្នាំពុល​ដើម្បី​បញ្ចប់ជីវិត​

, , Leave a comment

​ខេត្តកណ្តាល ៖ ភាព​ខឹងសម្បារ និង​អំពើហិង្សា​ជាដើម​ចម​ដែល​ធ្វើ​ឲ្យ​ស្ត្រី​ម្នាក់​គិត​ខ្លី ព្យាយាម​សម្លាប់ខ្លួន ក្រោយពី​កើតមាន​ជម្លោះ​ពាក្យសម្តី​ជា​មួ​យ​​បុរស​ជា​ប្តី​។ ហេតុការណ៍​នេះ​បាន​កើតឡើង​កាលពី​វេលា​ម៉ោង​១២ និង​៣០​នាទី​រសៀល​ថ្ងៃទី​៣១ ខែមីនា ឆ្នាំ​២០១៤ ស្ថិតនៅ​ក្នុងភូមិ​ឈើទាល ឃុំ​ព្រែក​អញ្ចាញ ស្រុក​មុខកំពូល ខេត្ដ​កណ្ដាល ។​

 

​ស្ត្រី​រងគ្រោះ​ឈ្មោះ នាង ឡេង អាយុ​២៦​ឆ្នាំ មុខរ​បរជាកសិករ មាន​ប្តី​និង​កូន​បច្ចុប្បន្ន​ស្នាក់នៅ​ក្នុងភូមិ​ឃុំ​កើតហេតុ​ខាងលើ​។ មុនពេល​កើតហេតុ​បុ​រ​ស​​ជា​ប្ដី​បាន​បើករថយន្ដ​ដឹក​អង្កាម​ឲ្យ​គេ​នៅ​ក្នុងភូមិ ។ ពេលមកដល់​មិនឃើញ​ប្រពន្ធ​នៅផ្ទះ​បុរស​ជា​ប្តី​ក៏​ប្រើ​កូន​ឱ្យទៅ​ដើររក​ម្តាយ និង​ហៅ​ឲ្យ​ត្រ​ឡ​ប់​មកផ្ទះ​។ ក្រោយពី​កូន​ដើររក​ឃើញ​ហើយ​នោះ​ក៏បាន​ប្រាប់​ឲ្យ​មក​ផ្ទះ ។ ពេល​ស្ត្រី​រងគ្រោះ​មកដល់​ផ្ទះ​ក៏​ឈ្លោះប្រកែក​ជាមួយ​ប្ដី​យ៉ាងខ្លាំង​រឿង​បាត់​ចិ​ញ្ចៀន​ទម្ងន់​មាស​១​ជីក​ន្លះ ។ បន្ទាប់ពី​ឈ្លោះប្រកែក​គ្នា​យ៉ាង​តឹង​ស​សៃ​.​ក ស្ត្រី​រងគ្រោះ​ក៏បាន​រត់ឡើង​ទៅលើផ្ទះ​ហើយ​បិទទ្វារ សម្ងំ​លេប​ថ្នាំពុល​ដើ​ម្បី​បញ្ចប់ជីវិត​។ ភ្លាមៗ​នោះ​បុរស​ជា​ប្តី និង​ឪពុកម្តាយ​ដឹង​នាំយកទៅ​សង្គ្រោះ​នៅ​មន្ទីរពេទ្យ តែ​ជា​អកុសល​ពេលទៅដល់​ជនរងគ្រោះ​បាន​ដា​ច់​ខ្យ​ល់​​ស្លាប់​តែម្តង ។​

 

​ស្ត្រី​រងគ្រោះ​ក៍ន្លងមក​ធ្លាប់​លេបថ្នាំ​ធ្វើអត្តឃាត​ចំនួន​៣​លើក​រួច មកហើយ តែ​ត្រូវបាន​បុរស​ជា​ប្តី និង​ឪពុកម្តាយ​ជួយ​ទាន់ពេលវេលា ទើប​មិន​ប​ណ្តា​ល​​ឲ្យ​គ្រោះថ្នាក់​ដល់​អាយុជីវិត​។ តែ​ម្តងនេះ​ពុំមាន​ន​ណា​ម្នាក់​ជួយ​ទាន់​ពែ​ល​វេលា ស្ត្រី​រងគ្រោះ​ក៍បាន​ស្លាប់​តាម​បំណង​តែម្តង ។​

 

​ក្រោយពី​មាន​ហេតុការណ៍​កើតឡើង​សមត្ថកិច្ច​នគរបាល​ស្រុក​មុខកំពូល​បាន​ជុះ​ទៅពិនិត្យ​សាកសព​ជន​រង គ្រោះ​ហើយ​បាន​បញ្ជាក់ថា ជ​ន​រង​គ្រោះ​​ពិតជា​បាន​លេបថ្នាំ​បំពុល​ធ្វើ​អត្ត​ឃាត់​ប្រាកដ​មែន ។ បន្ទាប់ពី​ពិនិត្យ រួចរាល់​ហើយ​នេះ​សាកសព​ស្ត្រី​រងគ្រោះ​ត្រូវបាន​សមត្ថកិច្ច​នគរ​បាល​ប្រ​គ​ល់ ទៅ​ឲ្យ​ក្រុមគ្រួសារ​ចាត់ចែង​ធ្វើបុណ្យ​តាម​ប្រពៃណី ៕

02-4-2014

 

Leave a Reply

(*) Required, Your email will not be published