ហេតុការណ៍​គ្រោះថ្នាក់​ដ៏​រន្ធត់​បានសម្លាប់​មនុ​ស្សម្នាក់ និង​៧​នាក់ រងរបួស​ធ្ងន់​ស្រាល ខណៈដែល​រថយន្ត​កុងតឺន័រ​បុក​រថយន្ត​កូរ៉េ​

, , Leave a comment

​រាជធានី​ភ្នំពេញ ៖ យ៉ាងហោចណាស់​មនុស្សម្នា​ក់បាន​ស្លាប់ និង​៧​នាក់​ផ្សេងទៀត បានទទួល​រងរបួស​ធ្ងន់ ស្រាល ក្នុង​ហេតុការណ៍​គ្រោះថ្នាក់​ចរាចរណ៍​ដែល​បណ្តាលមកពី​រថយន្ត​កុងតឺន័រ​បើក​បុក​រថយន្ត​កូរ៉េ​ដឹក​ក្រុម​ចម្រៀង​ស្ថិត​លើ​កំណាត់​ផ្លូវជាតិ​លេខ​១ ។ ហេតុការណ៍​គ្រោះថ្នាក់​ដ៏​រន្ធត់​នេះ​បាន​កើតឡើង​កាលពី​វេលា​ម៉ោង​១​និង​៣០​នាទី​រំលង​អា​ធ្រា​ត​ឈានចូល​ថ្ងៃទី​១​ខែមេសា ឆ្នាំ​២០១៤ នៅ​ចំណុច​មុខ​ស្ថានីយ៍​ប្រេង​ឥន​ន្ធៈ​តេ​លា តាម​បណ្ដោយ​ផ្លូវជាតិ​លេខ​១ ស្ថិតក្នុង​សង្កាត់​វាល​ស្បូវ ខណ្ឌមានជ័យ រាជធានី​ភ្នំពេញ ។​

 

​ជនរងគ្រោះ​ដែល​ស្ថិត​ស្លាប់​ក្នុង​ហេតុការណ៍​នោះ​មានឈ្មោះ ស្រី​ណាក់ ភេទ​ស្រី អាយុ​២៥​ឆ្នាំ មាន​ទីលំនៅ​ខេត្តកណ្តាល ។ ចំណែក​អ្នក​ទាំង​៧​នាក់​ដែល​រងរបួស​ធ្ងន់​និង​ស្រាល​រួមមាន​១-​ឈ្មោះ គុណ គ​ន្ធា ភេទ​ស្រី អាយុ​២៥​ឆ្នាំ ២-​ឈ្មោះ ផន ឡា ភេទ​ប្រុស អាយុ​១៩​ឆ្នាំ ៣-​ឈ្មោះ សុខ ភឿន ភេទ​ប្រុស ៤-​ឈ្មោះ ផល សុ​ភី ភេទ​ប្រុស ៥-​ឈ្មោះ សល ពិ​សិទ្ធ ភេទ​ប្រុស ៦-​ឈ្មោះ យ៉ុង យ៉ា​ត់ ភេទ​ប្រុស និង​ម្នាក់ទៀត​មិនទាន់​ស្គាល​អត្តសញ្ញាណ​នោះទេ​។​

 

​ប្រភពព័ត៌មាន​ពី​សមត្ថកិច្ច​នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​គេ​បានឃើញ​រថយន្ត​កូរ៉េ​ពណ៌​ខៀវ ពាក់​ស្លាក​លេខ​ភ្នំពេញ​2R-0446 ធ្វើដំណើរ​ចេញពី​អ្នក​លឿន​ឆ្ពោះទៅ​រាជធានី​ភ្នំពេញ​តាម​បណ្ដោយ​ផ្លួ​វ​ជាតិ​លេខ​១ លុះ​មកដល់​ចំណុច​មុខ​ស្ថានីយ៍​ប្រេង​ឥន​ន្ធៈ​តេ​លា ក៏ត្រូវ​រថយន្ត​កុងតឺន័រ ពណ៌​សលាយ​ខៀវ ពាក់​ស្លាក​លេខ​ភ្នំពេញ​3A-6451 បើកបរ​ក្នុងទិសដៅ​បញ្ច្រាស​គ្នា​បាន​បុក​យ៉ាង​ពេញទំហឹង​បណ្តាល​ឲ្យ​ជនរងគ្រោះ​ដែល​ឋិត​នៅក្នុង​រថយន្ត​រងគ្រោះ ស្លាប់​ម្នាក់ និង​៧​នាក់​ទៀត​រងរបួស​ធ្ងន់ ស្រាល​ហើយ​រថយន្ត​កុងតឺន័រ​ក៏​បន្ត​ជ្រុល​បុក​របង​ផ្ទះ​ប្រជាពលរដ្ឋ​ឲ្យ​បាក់​រាប​ដល់​ដី​។ ភ្លាមៗ​នោះ​ជនបង្ក​បាន​បើកទ្វារ​រថយន្ត​គេចខ្លួនបាត់​ស្រមោល​បន្សល់​ទុក​រថយន្ត​នៅ​កន្លែងកើតហេតុ​។​

 

​ក្រោយពេល​កើតហេតុ​សមត្ថកិច្ច​ចុះ​ធ្វើការ​វាស់វែង ហើយ​យក​រថយន្ត​បង្ក និង​រថយន្ត​រងគ្រោះ ទៅ​រក្សាទុក​នៅ​អធិការដ្ឋាន រង់ចាំ​ភាគី​ទាំងសង្ខាង​ចូលខ្លួន​មក​ដោះស្រាយ​។ ចំណែក​សព​ជនរងគ្រោះ សមត្ថកិច្ច​ស្វែងរក​សាច់​មក​ទទួលយក​ទៅធ្វើ​បុណ្យ​តាម​ប្រពៃណី និង​ជនរងគ្រោះ​ដែល​របួសធ្ងន់ ស្រាល​ត្រូវបាន​រថយន្ត​សង្គ្រោះ​ដឹក​ទៅ​សង្គ្រោះ​នៅ​មន្ទីរពេទ្យ​៕

02-4-2014 (1) 02-4-2014 (2) 

 

Leave a Reply

(*) Required, Your email will not be published