ស្លាប់​ម្នាក់ របួសធ្ងន់​ម្នាក់ ដោយ​ការធ្វេសប្រហែស​ជិះ​ទៅបុក​គូទ​រថយន្ត​ដឹក​ឥដ្ឋ​

, , Leave a comment

​ខេត្តបន្ទាយមានជ័យ ​៖ យ៉ាងហោចណាស់​ស្ត្រី​ម្នាក់​បាន​ស្លាប់​ភ្លាមៗ​នៅនឹងកន្លែង​កើតហេតុ និង​ម្នាក់ទៀត​បាន​រងរបួស​ធ្ងន់ ដឹក​ទៅ​សង្គ្រោះ​នៅ​មន្ទីរពេទ្យ ក្នុង​ហេតុការណ៍​គ្រោះថ្នាក់​ចរាចរណ៍​មួយ​ដែល​បណ្តាលមកពី​រថយន្ត​ដឹក​ឥដ្ឋ ។ ហេតុការណ៍​គ្រោះថ្នាក់​នេះ​បាន​កើតឡើង​កាលពី​វេលា​ម៉ោង​២​និង​៣០​នាទី ថ្ងៃទី​៣១ ខែមីនា ឆ្នាំ​២០១៤ លើ​កំណាត់​ផ្លូវជាតិ​លេខ​៥ មុខ​វត្ត​ម៉ុង​ចិន ក្នុងភូមិ​គីឡូម៉ែត្រ​លេខ​៤ សង្កាត់​ផ្សារកណ្តាល ក្រុង​ប៉ោយប៉ែត ខេត្តបន្ទាយមានជ័យ​។​

 

​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា ជនរងគ្រោះ​ដែល​ស្លាប់​មានឈ្មោះ ស្រី​ម៉ី ភេទ​ស្រី អាយុ​៣៣​ឆ្នាំ បាន​ស្លាប់បាត់​បង់ជីវិត​នៅ​កន្លែងកើតហេតុ​ភ្លាមៗ និង​ម្នាក់ទៀត​ឈ្មោះ បូ​សា សម្រស់ ភេទ​ស្រី អាយុ​១៨​ឆ្នាំ រងរបួស​ធ្ងន់ អ្នក​ទាំង​២​ជា​បុគ្គលិក​បម្រើការ​នៅ​ហាង​នំ​ភី​ស្សា នៅ​ផ្សារ​រ៉ា​ត្រី ប៉ោយប៉ែត​។​

 

​ប្រភព​ដដែល​បាន​បន្ថែមទៀតថា មុនពេល​កើតហេតុ​ជនរងគ្រោះ​បាន​បាន​ជិះ​ម៉ូតូ​ស្កូ​ប​ពី​គ្មាន​ស្លាក​លេខ​មួយគ្រឿង បើកបរ​យ៉ាង​លឿន​ក្នុងទិសដៅ​ពី​លិចទៅ​កើត ដែល​ក្នុងស្ថានភាព​ស្រវឹង​ផង​នោះ បាន​ជ្រុល​ទៅបុក​គូទ​រថយន្ត​បែន​ដឹក​ឥដ្ឋ​មួយគ្រឿង​របស់​ហាង​សំណង់​យីហោ លី គឹម​ឆុង ដែល​ស្ថិត​ក្នុងទិសដៅ​ស្របគ្នា យ៉ាង​ពេញទំហឹង​បណ្តាល​ឲ្យ ឲ្យ​ខ្ទាតចូល​ក្រោម​រថយន្ត​នោះ​កិន​ស្លាប់​ម្នាក់ របួសធ្ងន់​ម្នាក់់​តែម្តង​។​

 

​ក្រោយ​កើតហេតុ​សមត្ថកិច្ច​មូល​ដ្ឋា​ន​បាន​ចុះទៅ​វាស់វែង និង​យក​រថយន្ត ម៉ូតូ​ទៅ​រក្សា​នៅ​អធិការដ្ឋាន​រង់ចាំ​ដំណោះស្រាយ​ជា​ក្រោយ​។ ចំណែក​ជនរងគ្រោះ​ដែល​របួសធ្ងន់ ត្រូវបាន​រថយន្ត​សង្គ្រោះ​ដឹក​ទៅ​សង្គ្រោះ​នៅឯ​មន្ទីរពេទ្យ រីឯ​សាកសព​ជនរងគ្រោះ​ដែល​ស្លាប់​នៅ​កន្លែងកើតហេតុ ត្រូវ​បានប្រគល់​ក្រុមគ្រួសារ​៕

01-4-2014 (2)

01-4-2014 (3) 01-4-2014  01-4-2014 (1)

 

Leave a Reply

(*) Required, Your email will not be published