ឯកឧត្តម ជា សុផារ៉ា អញ្ជើញ​ជា​អធិបតីភាព​ក្នុង​ពិធី​សម្ភោ​ធ​ឧបដ្ឋានសាលា និង​សមិទ្ធផល​នានា ក្នុង​វត្ត​ព្រះ​ពន្លៃ និង បំពាក់​គ្រឿង​ឥស្សរិយយស ជូន​ដល់​ព្រះចៅអធិការ និង​សប្បុរសជន​

, , Leave a comment

ខេត្តកំពង់ចាម ៖ កាលពី​ព្រឹក​ថ្ងៃទី​៣០ ខែមីនា ឆ្នាំ​២០១៤ ឯកឧត្តម ជា សុផារ៉ា រដ្ឋមន្ត្រីក្រសួង​អភិវឌ្ឍន៍ជនបទ និង​ជា​តំណាង​សម្តេច​អគ្គមហាសេនាបតី​តេ​ជោ ហ៊ុន សែន បាន​អញ្ជើញ​ចូលរួម​ក្នុង​ពិធី​សម្ពោធ​ឧបដ្ឋានសាលា និង សមិទ្ធិផល​នានា ក្នុង​វត្ត​ព្រះ​ពន្លៃ​ហៅ​វត្ត​ពន្លៃ​ឃុំ​អ​ញ្ចើ​ម ស្រុក​ត្បូងឃ្មុំ ខេត្ត​ត្បូងឃ្មុំ​។

 

​ជា​កិច្ច​ចាប់ផ្តើម​លោក កេង ប៊ុណ្ណា អភិបាល​នៃ​គណៈ​អភិបាលស្រុក​ត្បូងឃ្មុំ បាន​ឡើង​មានមតិ​ស្វាគមន៍​ជូន​ចំពោះ​គណៈអធិបតី និង​អង្គពិធី​ទាំងមូល ដោយបាន​ថ្លែង​នូវ​អំណរ​អរគុណ​យ៉ា​ង​​ជ្រាលជ្រៅ​ចំពោះ​វត្តមាន​របស់​ឯកឧត្តម ជា សុផារ៉ា ដែល បាន​ចំណាយ​ពេលវេលា​ដ៏​មានតម្លៃ​ចូលរួម​នៅក្នុង​ពិធី​នាពេលនេះ ហើយ​នេះ​សបញ្ជាក់​យ៉ាងច្បាស់ ពី​ទឹកចិត្ត​ប្រកបដោយ​មនោសញ្ចេតនា និង​ភាព​ស្និត​ស្នាល​របស់​ឯកឧត្តម ចំពោះ​ប្រជាពលរដ្ឋ ក្នុងស្រុក​ត្បូងឃ្មុំ​ទាំងមូល ។ លោក កេង ប៊ុណ្ណា ក៏បាន​ថ្លែងអំណរគុណ ចំពោះ​សប្បុរសជន​ទាំងអស់ ជាពិសេស​​​ថ្នាក់ដឹកនាំ​គណបក្ស​ប្រជាជន ដែល​បាន​ជួយ​គាំទ្រ​ទាំង​ថវិកា និង​ស្មារតី​ក្នុង​ការងារ​កសាង​​ ព្រះវិហារ និង​សមិទ្ធិផល​នានា​ក្នុង​វត្ត​នេះ ។ លោក​បាន​បន្តថា ក្រោយ​ថ្ងៃ​រំដោះ ៧ មករា ១៩៧៩ រាជរដ្ឋាភិបាល​កម្ពុជា ក្រោម​ការដឹកនាំ​របស់​គណបក្ស​ប្រជាជន បានធ្វើឱ្យ​ប្រទេស​ទទួលបាន​នូវ សន្តិភាព និង​ស្ថេរភាព​ពេញលេញ ប្រជាពលរដ្ឋ​ទទួលបាន​នូវ​ការអភិវឌ្ឍ​លើ​គ្រប់​វិស័យ​មា​​ន​ផ្លូវថ្នល់ សាលារៀន មន្ទីរពេទ្យ និង​វត្ត​អារាម​ជាដើម ។​ល​។ លោក​បន្ថែមថា ក្នុងនាម​អាជ្ញាធរ​ស្រុក និង​ក្នុងនាម​ប្រជាពលរដ្ឋ លោក​ប្តេជ្ញា​នឹង​បន្ត​គាំទ្រ​គោលនយោបាយ​របស់​រាជ​រ​ដ្ឋា​ភិបា​ល ដែល​ដឹកនាំ​ដោយ​គណបក្ស​ប្រជាជន ដើម្បី​ថែរក្សា​នូវ​អ្វីៗ ដែល​គណបក្ស​ប្រជាជន​បានផ្តល់​ឱ្យ​ដូច​សព្វថ្ងៃនេះ ។​

 

​នៅក្នុង​មតិ​សំណេះសំណាលឯកឧត្តម ជា សុផារ៉ា បាន​ពាំ​នាំនូវ​ការសាកសួរ​សុខទុក្ខ​ប្រកបដោយ​ក្តី​នឹករលឹក​ពី​សំណាក់​សម្តេច​អគ្គ​មហា​ទាំងបី ពិសេស​សម្តេច​អគ្គមហាសេនាបតី​តេ​ជោ ហ៊ុ​ន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ជូន​ចំពោះ​ប្រជាពលរដ្ឋ​នៅ​ឃុំអ​ញ្ចើ​ម ក៏ដូចជា​នៅក្នុង​ទូទាំង​ស្រុក​ត្បូងឃ្មុំ ។ ឯកឧត្តមបន្តថា ព្រះវិហារ និង​សមិទ្ធិផល ដែល​បាន​ក​សា​ង​នៅក្នុង​វត្ត​ព្រះ​ពន្លៃ​ហៅ​វត្ត​ពន្លៃ នេះ គឺជា​កិច្ចខិតខំ​ប្រឹងប្រែង​រប​ស់​សប្បុរសជន និង​ពុទ្ធ​បរិ​ស័​ទ្ធ​ជាច្រើន​ជំនាន់​។ ដូច្នេះ​ឯកឧត្តម សូម​ឧទ្ទិស​កុសលផល​បុណ្យ​ទាំង​ប៉ុន្មាន​នេះ​ជូន​ដល់​សប្បុរជន​ដែល​បាន​ចែក ឋាន​ទៅ​និង​អ្នក​ដែល​នៅរស់ សូម​ឱ្យបាន​ជួបប្រទះ​តែ​ពុទ្ធពរ​ទាំង ៤ ប្រការ គឺ​អាយុ វណ្ណៈ សុ​ខៈ ពលៈ កុំបី​ឃ្លៀងឃ្លាត​ឡើយ ។​ជាមួយគ្នានេះ ឯកឧត្តម ក៏បាន​រំ​ឮ​ក​ពី​ប្រវត្តិសាស្ត្រ​មួយចំនួន​ទាក់ទង​នឹង​ការកសាង​វត្ត​អារាម​ក៏ ដូចជា​ព្រះវិហារ​ក្នុង​ឃុំអ​ញ្ចើ​ម នឹង​នៅ​ទូទាំងប្រទេស​ថា មានការ​លំបាក​ណាស់ ដោយសារ​ប្រជាពលរដ្ឋ ដែលជា​ពុទ្ធ​បរិ​ស័​ទ្ធ ត្រូវ​ខ្វល់ខ្វាយ​ពី​ជីវភាព និង​ម្យ៉ាងទៀត​ត្រូវ​រត់គេច​ចេញពី​សង្គ្រាម ពោលគឺ​មិនមាន​ឱកាស​ធ្វើបុណ្យ​បំពេញ​កុសល ធ្វើ​វត្ត និង​ព្រះវិហារ​បាន​ត្រឹមត្រូវ​ដូច​បច្ចុប្បន្ននេះ​ទេ រហូត​មាន​ព្រះវិហារ​ខ្លះ​ត្រូវ​ចំណាយពេល​ជិត ១០០ ឆ្នាំ​ទើប​ហើយក៏​មាន និង​វត្ត​ខ្លះ​បង្កើត​មកហើយ​ក៏​​រលាយ​ទៅវិញ​ក៏មាន​។ ឯកឧត្តម បន្ថែមថា រយៈពេល ៣៥ ឆ្នាំក្រោយ​ថ្ងៃ​រំដោះ ៧ មករា ១៩៧៩ ប្រទេស​កម្ពុ​ជាមាន​សន្តិ​ភាព​ពេញលេញ ដែលជា​ការផ្តល់​ភាពងាយស្រួល​ដល់​ប្រជាពលរដ្ឋ​ក្នុងការ​រស់នៅ និង​ជាពិសេស​មានឱកាស​ធ្វើបុណ្យ​បំពេញ​កុសល​ទៅតាម​ព្រះពុទ្ធសាសនា និង​សាសនា​ដ៏ទៃទៀត​បាន​ត្រឹមត្រូវ ។ ឯកឧត្តម សង្កត់ធ្ងន់ថា ដរាប​រាជរដ្ឋាភិបាល​កម្ពុជា នៅតែ​ស្ថិតនៅក្រោម​ការដឹកនាំរ​បស់​គណបក្ស​ប្រជាជន​កម្ពុជា នឹង​អាច​ធានាបាន​នូវ​សុខសន្តិភាព ស្ថេរភាព​នយោបាយ និង​ការអភិវឌ្ឍ ហើយ​ប្រជាពលរដ្ឋ​នឹង​នៅរស់​នៅក្នុង​សុខដុមរមនា ។​

 

​ក្នុងឱកាស​នោះ ឯកឧត្តម ក៏បាន​ជម្រាប​ដល់​អង្គពិធី ពី​តថភាព​នយោបាយ​ក្នុងពេល និង​ក្រោយពេល​បោះឆ្នោត​និង​សំណូមពរ​ដល់​ប្រជាពលរដ្ឋ​កុំឱ្យ​ជឿ​លើ​ពាក្យភូតភរ​កុហករបស់​​គ​ណ​ប​ក្សប្រឆាំង ដូចជា​ការសន្យា​ខ្យល់ ការ​ចោទ​គណបក្ស​ប្រជាជន​ពី​ការបន្លំ​លួច​សន្លឹកឆ្នោត ការបាត់​ឈ្មោះ​អ្នកបោះឆ្នោត ការមិន​ចូល​រដ្ឋសភា​ពីព្រោះ​ទង្វើ​ទាំងអស់នោះ​គឺ​គណបក្ស​​​ប្រឆាំង​ជា​អ្នក​ឆ្នៃប្រឌិត​ឡើង ដើម្បី​ទម្លាក់កំហុស​លើ​រដ្ឋាភិបាល និង​ក្នុង​គោលបំណង​តែមួយគត់​គឺ​ចង់បាន​អំណាច ដើម្បី​បំពេញ​ម​ហិ​ច្ឆិ​តា​ខ្លួនឯង​តែប៉ុណ្ណោះ ។​

 

​ជាទី​បញ្ចប់ ឯកឧត្តម ក៏បានបំពាក់​គ្រឿង​ឥស្សរិយយស ព្រះរាជាណាចក្រ​កម្ពុជា​ថ្នាក់​អស្សឫទ្ធិ និង​មេដាយ​ស្ថាបនា​ជាតិ​ថ្នាក់​មាស ប្រាក់ និង​សំរិទ្ធ ជូន​ដល់​ព្រះចៅអធិការ និង​ស​ប្បុ​រ​ស​ជ​ន​​ដែលមាន​ស្នាដៃ​ចូលរួម​ដល់​ការកសាង​សមិទ្ធិផល​នានា​។ ជាមួយនេះដែរ ឯកឧត្តម ក៏បាន​ពាំនាំ​អំណោយ​ដ៏​ថ្លៃថ្លា​របស់​សម្តេច​អគ្គមហាសេនា​ប​តិ​តេ​ជោ ហ៊ុន សែន និង​សម្តេច​កិត្តិ​​ព្រឹទ្ធ​បណ្ឌិត បាន​ឧបត្ថម្ភ​សម្ភារៈ និង​ថវិកា​មួយចំនួន ជូន​ដល់​ព្រះសង្ឃ​យាយជី​តាជី អាជ្ញាធរ​មូលដ្ឋាន លោកគ្រូ​អ្នកគ្រូ និង​សិស្សានុសិស្ស​ផងដែរ ។ បន្ទាប់មក​ឯកឧត្តម ជា សុផារ៉ា រដ្ឋ​ម​ន្ត្រី​ក្រ​សួ​ង​​អភិវឌ្ឍន៍ជនបទ បាន​អញ្ជើញ​កាត់​ខ្សែបូ​សម្ភោ​ធ​ឧបដ្ឋានសាលា​ និង​សមិទ្ធផល​នានា វត្ត​ព្រះ​ពន្លៃ​ហៅ​វត្ត​ពន្លៃ​ឃុំ​អ​ញ្ចើ​ម ស្រុក​ត្បូងឃ្មុំ​ខេត្ត​ត្បូងឃ្មុំ​៕

31-3-2014 (4)

 31-3-2014 31-3-2014 (1) 31-3-2014 (2) 31-3-2014 (3)

31-3-2014 (5) 

 

Leave a Reply

(*) Required, Your email will not be published