រំលោភ​ក្មេងស្រី​បានសម្រេច​ដល់​៣​ដង ទីបំផុត​ត្រូវបាន​នាង​ដឹង​សមត្ថកិច្ច ចាប់​ញាត់​គុក​

, , Leave a comment

​ខេត្តកំពង់ឆ្នាំង ៖  ជនសង្ស័យ​ម្នាក់​ត្រូវ​សមត្ថកិច្ច​ធ្វើការ​ឃាត់ខ្លួន ក្រោយ​ទទួល​ពាក្យបណ្តឹង​ពី​ក្រុមគ្រួសារ​ក្មេងស្រី​រងគ្រោះ ពីបទ​រំលោភ​សេ​ព​ស​ន្ថ​វៈ​​លើ​កុមារី​អាយុ​១២​ឆ្នាំ បានសម្រេច​រហូតដល់​ទៅ​៣​លើក ។ ករណីនេះ​កើង​ឡើង​កាលពី​វេលា​ម៉ោង​១១​ថ្ងៃទី​២៥ ខែមីនា ឆ្នាំ​២០១៤ នៅក្នុង​ឃុំ​តា​ជេស ស្រុក​កំពង់ត្រឡាច ខេត្តកំពង់ឆ្នាំង ។

 

​តាម​របាយការណ៍​រប​ស់​សមត្ថកិច្ច​មូលដ្ឋាន​បាន​ឲ្យ​ដឹងថា ជនសង្ស័យ ឈ្មោះ ព្រុំ ចិន្តា អាយុ​២៧​ឆ្នាំ មាន​ទីលំនៅ​ភូមិ​ឡ​ពាង ឃុំ​តា​ជេស ស្រុក​កំពង់ត្រឡាច ខេត្តកំពង់ឆ្នាំង ។ ចំណែក​កុមារី​រងគ្រោះ​អាយុ​១២​ឆ្នាំ រស់នៅ​ក្បែរ​ផ្ទះ​ជនសង្ស័យ ។

 

​តាម​ការរៀបរាប់​ពី​ក្មេងស្រី​រងគ្រោះ​បាន​ឲ្យ​ដឹងថា ជនសង្ស័យ​ខាងលើ​បានធ្វើការ​ចាប់រំលោភ​លើ​ក​ទី​១​នៅវេលា​ម៉ោង​១១​ព្រឹក​ថ្ងៃ ទី​២០ ខែមីនា នៅក្នុង​ព្រៃ​ក្រោយ​ផ្ទះ​របស់​នាង ហើយ​បាន​ឲ្យ​លុយ​នាង​៥០០​រៀល លើក​ទី​២​ថ្ងៃទី​២៣ ខែមីនា បាន​ចាប់​នាង​រំលោភ​នៅក្រោយ​ផ្ទះ​កន្លែង​ដដែល ហើយ​និង​លើក​ទី​៣ ចាប់រំលោភ​នៅក្នុង​ផ្ទះ​របស់​នាង ហើយ​ត្រូវ​ម្តាយ​នាង​មក​ទាន់​ពេលនោះ​ជនសង្ស័យ​បាន​ចុះ​រត់​គេចខ្លួនបាត់ ។​

 

​នៅ​ចំពោះមុខ​សមត្ថកិច្ច​ឈ្មោះ ព្រុំ ចិន្តា បាន​សារភាពថា ខ្លួន​ពិតជា​បាន​ដេក​ជាមួយ​កុមារី​រងគ្រោះ​ពិតប្រាកដ​មែន ប៉ុន្តែ​មិនមាន​ការចាប់​បង្ខំ​ឡើយ​។  បន្ទាប់មក​ក្រុមគ្រួសារ​ជនសង្ស័យ​បាន​ចរចា​សម្របសម្រួល​បង់​លុយ​ឲ្យ​គ្រួសារ​កុមារី​រងគ្រោះ​ចំនួន​២៥០​ម៉ឺន​រៀល ដើម្បី​កុំ​ឲ្យ​ប្តឹងផ្តល់ ។​

 

​តែ​ទោះជា​យ៉ាងណា រឿងរ៉ាវ​ប្រុស​ប្រកែក ស្រី​ប្រកាន់ ត្រូវ​សមត្ថកិច្ច​ធ្វើការ​ឃាត់ខ្លួន​ជនសង្ស័យ និង​កសាង​សំណុំរឿង​បញ្ជូន​ទៅកាន់​អធិការដ្ឋាន​នគរបាល​ស្រុក​កំពង់ត្រឡាច ដើម្បី​ចាត់ការ​បន្ត​តាម​នីតិវិធី ៕

31-3-2014

 

Leave a Reply

(*) Required, Your email will not be published