ផ្ទះ​គ្រូបង្រៀន​ស្នាក់​នៅក្នុង​វិទ្យាល័យ​ហ៊ុន សែន ពញាក្រែក ឆេះ​ម៉ដ្ឋ

, , Leave a comment

​ខេត្តកំពង់ចាម ៖ ​កាលពី​វេលា​ម៉ោង​ជិត​៤ រសៀល​ថ្ងៃទី ២៨ មីនា ២០១៤ អាគារ​ស្នាក់នៅ​របស់​គ្រូបង្រៀន មាន​ទំហំ​ទទឹង ១៥​ម៉ែត្រ​គុណ​១៣​ម៉ែត្រ សាងសង់​អំពី​ឈើ​ប្រក់​ក្បឿង​ស្ថិតនៅក្នុង​បរិវេណ វិទ្យាល័យ​ហ៊ុន សែន ពញាក្រែក ភូមិ​ពោធិ​ស្រុក ឃុំ​កោង​កាង ស្រុក​ពញាក្រែក ត្រូវបាន​អគ្គិភ័យ​លេប​ត្របាក់​អស់ ។ ដោយសារតែ​ទុស្សេ​ខ្សែភ្លើង​តែ​មិនមាន​នរណាម្នាក់ រងគ្រោះថ្នាក់​នោះទេ​ហើយ​ការឆេះ​នេះ​មិន​រំខាន​ដល់​សមត្ថកិច្ច​ណា​ជួយ​ពន្លត់​នោះទេ​បន្ទាប់ពី​​ឆេះ​រាប​ដល់​ដី​សូម្បីតែ​សមត្ថកិច្ច​PM​ដែលមាន​មូលដ្ឋាន​មិន​ដល់​១០០​ម៉ែត្រ​នោះ​ក៍​មិនឃើញ​ ​មកជួយ​អន្តរា​គម​ពន្លត់​ផង​ទេ​ក្រៅ​ប្រជាពលរដ្ឋ នាំគ្នា​ត​ទុយ​យោ​ទឹក ដាក់​ម៉ូ​ទ័ មកជួយ​បាញ់​ពន្លត់​តែ​ទប់ទល់​មិន​ឈ្នះ​នោះ​។​

 

​សេចក្តីរាយការណ៍ បាន​ប្រាប់​ឲ្យ​ដឹងថា​ជា​រៀង​ថ្ងៃ​ផ្ទះ​នេះ​តែងតែមាន​គ្រូ​ស្នាក់​នៅជាប់ ជាប្រចាំ តែ​នៅ​ថ្ងៃកើតហេតុ បែរជា​គ្រូ មិនបាន​នៅក្នុង​ផ្ទះ​នោះទេ​ដោយបាន​ចាក់សោរ​ចោល ហើយ​ចេញទៅ​ខាងក្រៅ​បាត់ ។ ស្របពេល​នៅវេលា​ម៉ោង​ខាងលើ​ស្រាប់ តែ​ប្រជាពលរដ្ឋ​រស់នៅ​ក្បែ​រវិ​ទ្យា​ល័យ បានឃើញ​អណ្តាតភ្លើង​ឆេះ​ចេញពីផ្ទះ​គ្រូ ដោយមាន​ផ្សែងហុយ ឡើង​ទ្រលោម​ទៅលើ​អាកាស ។​

 

​មន្ត្រីនគរបាល  ស្រុក​ពញាក្រែក បាន​ឲ្យ​ដឹង​ទៀតថា មកដល់​ល្ងាច ថ្ងៃកើតហេតុ សមត្ថកិច្ច​មិន ទាន់​ដឹង​ពី​តម្លៃ​ខូចខាត នៃ​អគ្គីភ័យ​នោះទេ ដោយសារ​មិនទាន់ បានទទួល​ព័ត៌មាន ពី​គ្រូបង្រៀន ។ ចំណែក​មូលហេតុ នៃ​ការឆេះ សមត្ថកិច្ច​បាន​សន្និដ្ឋាន​ជា ជំ​ហ៊ាន​ដំបូង​ថា អាច​បណ្តាល មកពី​ទុស្សេ​ខ្សែភ្លើង​។

 

​លោក​វរៈ​សេនី​យ៏​ទោ ប្រាក់ ប៊ុន​ណុន អធិការនគរបាល​ស្រុក​ពញាក្រែក បាន​បញ្ជាក់ថា ក្នុងពេល​ដែលមាន​គ្រោះ​អគ្គិភ័យ​កើតឡើង​នោះ ត្រូវបាន​ប្រជាពលរដ្ឋ នាំគ្នា​ត​ទុយ​យោ​ទឹក ដាក់​ម៉ូ​ទ័ មក​បាញ់​ពន្លត់​តែ​ទប់ទល់​មិន​ឈ្នះ​នោះទេ ។ គឺ​ភ្លើង​បាន​ឆេះ​រាលដាល​លឿន​តែម្តង ក្នុង​រដូវប្រាំង​អាកាសធាតុ​ក្តៅហែង​ដែល​ស្លឹកឈើ ត្រូវបាន​ក្រៀម​ស្វិត​ស្រពោន ងាយ​បង្ក​គ្រោះ​អគ្គិភ័យ ៕

29-3-2014 (1) 29-3-2014 (2)

 

Leave a Reply

(*) Required, Your email will not be published