ស្ត្រី​ម្នាក់ ត្រូវ​ភ្លើង​ប្រចណ្ឌ​ដុត​រោល រហូត​ក្លាយជា​ឃាតក សម្លាប់​បងស្រី​បង្កើត

, , Leave a comment

​ខេត្តកំពង់ចាម ៖ ភ្លើង​ប្រចណ្ឌ​បាន​ឆេះ​ឡើង​រហូតដល់​ទប់ចិត្ត​មិនបាន ទប់​ប្រាណ​មិន​នឹង ធ្វើឱ្យ​ស្ត្រី​ម្នាក់​បាន​ក្លាយជា​ឃាតក​សម្លាប់​បងស្រី​បង្កើត​របស់ខ្លួន ។ ហេតុការណ៍​នេះ កើតឡើង​កាលពី​វេលា​ម៉ោង​១២​ថ្ងៃត្រង់ ថ្ងៃទី​២៤ ខែមីនា ឆ្នាំ​២០១៤ ក្នុងភូមិ​អូរ​បេង ឃុំ​មេ​.​ស​ជ្រៃ ស្រុក​ស្ទឹងត្រង់ ខេត្តកំពង់ចាម ។​

 

​ស្ត្រី​ជនដៃដល់​មានឈ្មោះ ម៉ាន គាំ អាយុ​៤៦​ឆ្នាំ បាន​ប្រើ​ហិង្សា​វាយ​បងស្រី​បង្កើត​របស់ខ្លួន​ឈ្មោះ ម៉ាន គឹម​ផូ ហៅ​យាយ​គ ជា​ជនពិការ​គ​ថ្លង់ អាយុ​៥២​ឆ្នាំ បណ្តាលឱ្យ​រងរបួស​ធ្ងន់ និង​វាយ​បន្ថែមទៀត​រហូតដល់​ស្លា​ប់​តែម្តង ។​

 

​ប្រភពពី​សមត្ថកិច្ច​នគ​របាល​ស្រុក​ស្ទឹងត្រង់ ឱ្យដឹងថា នៅពេល​កម្លាំង​មូលដ្ឋាន​ប៉ុស្តិ៍​រដ្ឋបាល​ឃុំ​មេ​.​ស​ជ្រៃ បាន​រាយការណ៍​មក​រូបលោក​ថា ស្ត្រី​គ​ថ្លង់​ម្នាក់​ឈ្មោះ ម៉ាន គឹម​ផូ ខ្យល់គរ​បណ្តាលឱ្យ​ដួល​បោក​ក្បាល​ត្រូវ​នឹង​គ្រែ​ស្លាប់ ក៏មាន​ការសង្ស័យ ហើយ​អ្វីដែល​កាន់តែ​គួរឱ្យ​សង្ស័យ​ថែមទៀត​នោះ ពេល​សមត្ថកិច្ច​មិនទាន់​នឹង​ចុះទៅពិនិត្យ និង​ធ្វើ​កោសល្យវិច័យ​ផង បែរជា​ស្ត្រី​ជា​ប្អូនបង្កើត​ឈ្មោះ ម៉ាន គាំ បានរៀបចំ​ចាត់ចែង​ធ្វើ​បុណ្យសព​តាម​ប្រពៃណី និង​យកទៅ​បូជា​នៅ​ថ្ងៃទី​២៤ ខែមីនា ។​

 

​លុះ​មកដល់​វេលា​ម៉ោង​៩​ព្រឹក ថ្ងៃទី​២៥ មីនា ឆ្នាំ​២០១៤  ម្លាំ​ង​ជំនាញ​ព្រហ្មទណ្ឌ​ស្រុក ចុះទៅ​សហការ​ជាមួយនឹង​ប៉ុស្តិ៍​រដ្ឋបាល​មេ​.​ស​ជ្រៃ ឃាត់ខ្លួន​ស្ត្រី​ជា​ប្អូនបង្កើត ដែលជា​ជនសង្ស័យ​ក្នុងករណីនេះ រហូត​បានការ​ឆ្លើយ​សារភាពថា បងស្រី​របស់ខ្លួន​មិនមែន​ខ្យល់គរ​ទេ គឺ​ខ្លួន​បាន​វាយ និង​រឹត​ក​សម្លាប់​កាលពី​ថ្ងៃទី​២៤ មីនា ។ ស្ត្រី​ជា​ឃាតករ​ដែល​សម្លាប់​បងស្រី​ខ្លួនឯង បាន​ឆ្លើយថា កន្លងមក​បងស្រី​រប​ស់​ខ្លួន​ធ្លាប់​លួច​ស្រឡាញ់​ប្តី​គាត់ និង​ស្នាក់​នៅក្រោម​ដំបូលផ្ទះ​តែមួយ ។ ទាក់ទិន​នឹង​ការ​វាយ​សម្លាប់​បងស្រី​នេះ កាលពី​វេលា​ម៉ោង​១១​ព្រឹក ថ្ងៃទី​២៤ មីនា ខ្លួន​បាន​យក​គោ​ទៅ​ឃ្វាល​នៅ​ខាងក្រោយ​ភូមិ ចំណែក​ប្តី​ឈ្មោះ មុត ណាត អាយុ​៤៣​ឆ្នាំ បាន​ចេញទៅ​ស៊ីឈ្នួល​លើក​អុស​ឱ្យគេ​នៅក្នុង​ភូមិ​សូ​ភាស ឃុំ​សូ​ភាស ស្រុក​ស្ទឹងត្រង់ ។ លុះ​រហូតដល់​ម៉ោង​១១ និង​៣០​នាទី​ព្រឹក ក៏​ត្រឡប់មកផ្ទះ​វិញ ស្រាប់តែ​ឃើញ​បងស្រី​កាន់​អង្កត់អុស ដេញ​វាយ​កូនស្រី​ឈ្មោះ ណាត សុខ​គន់ អាយុ​៥​ឆ្នាំ ក្នុងពេលនោះ​ក៏មាន​ការឈ្លោះប្រកែក​គ្នា​យ៉ាង​តឹងសរសៃក​រៀងៗ​ខ្លួន ហើយ​ក៏បាន​រាលដាល​ដល់​ការ​លួច​មាន​សហាយស្មន់​ជាមួយ​ប្តី​របស់ខ្លួន ។​

 

​ភ្លាមនោះ​បងស្រី​បាន​ស្ទុះ​ទៅយក​កាំបិត កាន់​នៅក្នុង​ដៃ ពេល​ឃើញបែបនេះ ខ្លួន​ក៏បាន​រុញ​បងស្រី​ពីក្រោយ​បណ្តាលឱ្យ​បុក​ក្បាល​ទៅនឹង​ជ្រុង​គ្រែ បែក​ហូរឈាម​សន្លប់ ទើប​យក​ខ្សែ​អង្រឹង​មក​ចងដៃ​ចងជើង និង​រឹត​ក​សម្លាប់​តែម្តង ៕

27-3-2014

 

Leave a Reply

(*) Required, Your email will not be published