រថយន្ត​ដឹក​កែស​បើក​បុក​ម៉ូតូ​យុវ​សិស្ស របួសធ្ងន់​ម្នាក់ ស្រាល​ម្នាក់​

, , Leave a comment

​រាជធានី​ភ្នំពេញ ៖ យុវ​សិស្ស​២​នាក់​ត្រូវ​បានទទួល​រងរបួស​ធ្ងន់ និង​ស្រាល ក្នុង​ហេតុការណ៍​គ្រោះថ្នាក់​ចរាចរណ៍​រវាង​រថយន្ត​ដឹក​កែស​ក្រដាស់ បុក​ជាមួយនឹង​ម៉ូតូ​ជនរងគ្រោះ ។ ហេតុការណ៍​នេះ​បាន​កើតឡើង​កាលពី​វេលា​ម៉ោង​១៣​និង​១៥​នាទី​ថ្ងៃទី​២៥ ខែមីនា ឆ្នាំ​២០១៤ នៅមុខ​ច្រកចូល​សាលា​វិទ្យាល័យ​ពងទឹក តាម​បណ្តោយ​ផ្លូវជាតិ​លេខ​៣ ស្ថិតក្នុង​ភូមិ​វត្ត​ស្លែង សង្កាត់​ពងទឹក ខណ្ឌដង្កោ រាជធានី​ភ្នំពេញ ។​

 

​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា មុនពេល​គេ​ឃើញ​រថយន្ត​បង្ក​ម៉ាក KIA ពណ៌​ខៀវ ពាក់​ស្លាក​លេខ ភ្នំពេញ 2S-7951 ជា​កម្ម​សិទ្ធ​របស់​ក្រុមហ៊ុន ស៊ឹង​ហ្គា​ពួរ ផលិត​កែស​ក្រដាស បើកបរ​ដោយ​ឈ្មោះ សំ បញ្ញា ភេទ​ប្រុស អាយុ​១៩​ឆ្នាំ ស្នាក់នៅ​ផ្ទះជួល​ក្បែរ​វត្ត​ជម្ពូ​វ័ន សង្កាត់​ចោមចៅ ខណ្ឌ​ពោធិ​សែន​ជ័យ មាន​ស្រុកកំណើត​នៅ​ភូមិ​វត្ត​ក្តី ឃុំ​វាល​ពង់ ស្រុក​ឧតុង្គ ខេត្តកំពង់ស្ពឺ បើកបរ​ក្នុងទិសដៅ​ពី​ត្បូង​ទៅ​ជើង តាម​បណ្តោយ​ផ្លូវជាតិ​លេខ​៣ ។ លុះ​មកដល់​ចំណុចកើតហេតុ​បាន​ជ្រុល​ទៅបុក​ពីក្រោយ​ម៉ូតូ​ជនរងគ្រោះ​ម៉ាក​សេ​១២៥ ពណ៌​ខ្មៅ ពាក់​ស្លាក​លេខ ភ្នំពេញ 1AS-8966 ដែល​ឌុប​គ្នា​យ៉ាង​ពេញ​បណ្តាល​ឲ្យ​សិស្សស្រី​ទាំងពីរ​នាក់​នោះ​ដួល​បោក​ទៅលើ​ថ្នល់ រងរបួស​ធ្ងន់​ម្នាក់ និង​ម្នាក់ទៀត​របួសស្រាល ដោយឡែក​រថយន្ត​បង្កហេតុ​បាន​បួង​ចង្កូត​ទៅខាង​ឆ្វេង​ដៃ​ជ្រុល​ធ្លាក់​ផ្លូវ ។​

 

​ក្រោយ​កើតហេតុ​សមត្ថកិច្ច​បាន​ចុះ​ធ្វើ​អន្តរាគមន៍​ដោយ​យក​រថយន្ត​បង្ក និង​ម៉ូតូ​ជនរងគ្រោះ​ទៅ​រក្សាទុក​នៅ​អធិការដ្ឋាន រង់ចាំ​ការដោះស្រាយ​ជា​ក្រោយ ។ ចំណែក​ជនរងគ្រោះ​ទាំងពីរ​នាក់​ត្រូវបាន​រថយន្ត​សាមុយ​ដឹកយក​សង្គ្រោះ​នៅ​មន្ទីរពេទ្យ​កាល់ម៉ែ​ត្រ​៕

27-3-2014 (2)

27-3-2014 (1) 

 

Leave a Reply

(*) Required, Your email will not be published