ក្រោយ​ការរង់ចាំ​ព័ត៌មាន​ពី យន្តហោះ MH370 ច្រើន​ថ្ងៃ គ្រួសារ​អ្នកដំណើរ​ចិន ទទួលដំណឹង​ដ៏​ឈឺចាប់ ខ្លោចផ្សារ​បំផុត​

, , Leave a comment

ក្រុង​ប៉េកាំង ៖ លោកនាយក​រដ្ឋមន្ត្រី​ម៉ាឡេស៊ី Najib Razak បាន​ថ្លែង​ក្នុង​សន្និសីទ​សារព័ត៌មាន​នៅ​យប់​ថ្ងៃ​ច័ន្ទ​​ថា ការវិភាគ​របស់​ផ្កាយរណប​បានបង្ហាញ​ថា យន្តហោះ​ក្រុមហ៊ុន​ ​អាកាសចរ​ម៉ាឡេស៊ី MH370 បាន​ហោះ​តាម​បណ្ដោយ​ច្រករបៀង​ភាគខាងត្បូង​។​ ​ដោយមានការ​សន្និដ្ឋាន យ៉ាងច្បាស់​លាស់ ពី​ព័ត៌មាន​ចុងក្រោយ នៃប្រតិបត្តិ​ការរុករក នៅ​ទីបំផុត​នាយករដ្ឋមន្ត្រី​ម៉ាឡេស៊ី លោក Najib Razak និយាយ​នៅ​ថ្ងៃ​ចន្ទ​នេះ​ថា យន្តហោះ MH370 ដែល​បាត់​រយៈពេល ១៦​ថ្ងៃ​មកហើយ​នោះ បាន​ធ្លាក់​នៅក្នុង​សមុទ្រ​ឥណ្ឌា ហើយ​អ្នកធ្វើដំណើរ​ទាំងអស់ ប្រ​ហែ​ល​ជា​ស្លាប់​នៅ​ទីនោះ​។

 

​នេះ​ជា​ដំណឹង​ដ៏រ​ន្ឋ​ត់​ដែល​គ្រួសារ​ចិន​រង់ចាំ ព័ត៌មាន​អស់​រយៈពេល​ជិត​៣​សប្តាហ៍​ក្រុមគ្រួសារ​របស់​អ្នកដំណើរ​លើ​យន្តហោះ ម៉ាឡេស៊ី Malaysia Airlines ជើងហោះហើរ​លេខ MH370 បាន​ស​ង្ឃឹម​ក្នុង​ចិត្ត​ថា​ពួក​អ្នកដំណើរ​ទាំងនោះ​នៅ​រស់រានមានជីវិត​។ ក៏ប៉ុន្តែ​សេចក្តីសង្ឃឹម​ទាំងឡាយបាន​រលាយ​សាបសូន្យ​នៅ​ល្ងាច​ថ្ងៃ​ច័ន្ទ​នៅពេលដែល​ប្រទេស​ម៉ាឡេស៊ី​បាន បញ្ជាក់ថា​យ​ន្ត​ហោះ​នោះបាន​ធ្លាក់​ក្នុង​តំបន់​ដាច់​ស្រ​យ៉ា​ល​មួយ​នៅ​ភាគ ខាងត្បូង​នៃ​មហាសមុទ្រ​ឥណ្ឌា​។​បន្ទាប់ពី​ការទន្ទឹងរង់ចាំ​យ៉ាង​អ​ន្ទៈ​សារ​អស់​ពេល​១៧​ថ្ងៃ​រួចមក ទុក្ខសោក​របស់​ពួកគេ​មាន​ស​ភា​ព​​ធ្ងន់ធ្ងរ​មិនអាច​ស៊ូទ្រាំ​បាន​។​

 

​បុគ្គលិក​ពេទ្យ​បាន​ប្រចាំការ​នៅ​សណ្ឋាគារ​លី​ដូ​នៅ​ទីក្រុង​ប៉េកាំង​ដែល​នៅ ទីនោះ​ក្រុមគ្រួសារ​ចិន​ជាច្រើន​បាន​ប្រមូលគ្នា​តាំងពី​យន្តហោះ​បាន​បាត់ ខ្លួន​រក​មិនឃើញ​នៅ​ដើមខែ​មិនា​មក​។ ប​ន្ទា​​ប់ពី​​បានទទួល​ដំណឹង​ហើយ មនុស្ស​មួយចំនួន​ត្រូវគេ​សែង​ចេញ​ ។​ ក្នុង​គ្រា​កំពុង​កើតទុក្ខសមាជិកគ្រួសារ​ជនរងគ្រោះ​ខ្លះ​បាន​ស្រែក​ដាក់​ពួក​អ្នកយកព័ត៌មាន​ ។ ខណៈដែល​ស​មា​ជិ​ក​គ្រួ​សា​​រ​​ម្នាក់​កំពុង​ស្រែកយំសមាជិកគ្រួសារ​ម្នាក់ទៀត​ស្រែកប្រាប់​អ្នកយកព័ត៌មាន​ម្នាក់​ឲ្យ​ឈប់​សួរសំណួរ​ ។​

 

​អ្នក​ផ្សាយ​ព័ត៌មាន​ម្នាក់​នៃ​ប៉ុស្តិ​ទូរទស្សន៍​រដ្ឋាភិបាល​ចិន​កាន់កាប់ CCTV បាន​និយាយថា អ្នកខ្លះ​បាន​គប់​ដប​ទឹក​លើ​ពួក​អ្នកយកព័ត៌មាន ដែល​ឈរ​នៅក្បែរនោះ​។ ទិដ្ឋភាព​នៅ​សណ្ឋាគារ​នោះ​​មាន​ភាពច្របូកច្របល់ ដោយមាន​មនុស្ស​ជាច្រើន​ស្រែកយំ ហើយ​អ្នក​ខ្លះទៀត​សន្លប់​។​

 

​អាថ៌កំបាំង​នៃ​ការបាត់​យន្តហោះ​នេះ​បាន​នាំ​ឲ្យ​មានការ​ចាប់អារម្មណ៍ទូទាំង​ពិភពលោក​។ ហើយដោយ​សារ​អ្នកដំណើរ​ភាគច្រើន​ជា​ជន​ជាតិចិន​នោះ ទើប​សាធារណជន​នៅក្នុង​ទីក្រុង​ប៉េ​កាំ​ង​​កំ​ពុង​តាមដាន​យ៉ាង​ដឹ​តដល់​ក្នុងក្តី​សង្ឃឹមថា អ្នកដំណើរ​ក្នុង​យន្តហោះ​នោះ ប្រហែលជា​អាច​នៅរស់​។​ ​នៅតាម​បណ្តាញ​ព័ត៌មាន​សង្គម​របស់​ចិន អ្នកខ្លះ​កំពុង​អំពាវនាវ​ឲ្យ​រដ្ឋាភិបាល​ចិន ក​ត់សម្គាល់​ថ្ងៃ​កាន់ទុក្ខ​ជាតិ​មួយ​សម្រាប់​អ្នកដំណើរ​លើ​យន្តហោះ​ជើង ហោះហើរ MH 370​។​

 

​ក្រោយពី​សេចក្តីប្រកាស​របស់​ម៉ាឡេស៊ី ក្រសួងការបរទេស​ចិន​បានចេញ​សេចក្តីថ្លែងការណ៍​ខ្លី​មួយ​ទាមទារ​ឲ្យ រដ្ឋាភិបាល​ម៉ាឡេស៊ី​ផ្តល់​ភស្តុតាង​និង​ផ្តល់ព័ត៌មាន​បន្ថែម​ដើម្បី គាំទ្រ​កា​រ​រ​ក​ឃើ​ញ​​របស់ខ្លួន​។ សេចក្តីថ្លែងការណ៍​នោះ ក៏បាន​និយាយ​ដែរ​ថា ប្រទេស​ចិន​សង្ឃឹមថា ប្រទេស​ឯទៀត​និង​បន្ត​ស្វែងរក​យន្តហោះ​ដែល​នៅ​បាត់​ខ្លួន​នោះ​។​

 

​ម​នុស្ស​២​ភាគ​៣​នៃ​មនុស្ស​២៣៩​នាក់​ដែល​ស្ថិតនៅលើ​យន្តហោះ​នោះ ជា​ជន​ជាតិចិន ហើយ​សមាជិក​ក្រុមគ្រួសារ​របស់គេ​ជាច្រើន និយាយថា ពួកគេ​នឹងមិន​ជឿ​ការសន្និដ្ឋាន​របស់​រដ្ឋា​ភិ​បាល​ម៉ាឡេស៊ី​ទេរ​ហូត​ទាល់ តែ​ពួក​មន្ត្រី​ផ្តល់​ភស្តុតាង​។ ​សមាជិក គ្រួសារ​អ្នកដំណើរ​លើ​យន្តហោះ​ម៉ាឡេស៊ី MH370 ស្រែកយំ​ក្នុងអំឡុងពេល​តវ៉ា​នៅមុខ​ស្ថានទូត​ម៉ាឡេស៊ី​នៅ​ទីក្រុង ប៉េកាំង កាលពី​ថ្ងៃ​អង្គារ​ទី​២៥ ខែមីនា ឆ្នាំ​២០១៤​៕

26-3-2014 (3) 26-3-2014 (2) 26-3-2014 (1) 26-3-2014

 

Leave a Reply

(*) Required, Your email will not be published