របួសធ្ងន់​២​នាក់ ខណៈដែល​ជិះ​ម៉ូតូ​ស៊ុយ​ហ្ស៊ូ​គី​និ​ច ទៅបុក​រថយន្ត​កុងតឺន័រ​ពេញទំហឹង​

, , Leave a comment

​រាជធានី​ភ្នំពេញ ៖​ យ៉ាងហោចណាស់​មនុស្ស​២​នាក់​បាន​រងរបួស​ធ្ងន់ ក្នុង​ហេតុការណ៍​គ្រោះថ្នាក់​ចរាចរណ៍​មួយ​រវាង​ម៉ូតូ​ស៊ុយ​ហ្ស៊ូ​គី​និ​ច ជាមួយនឹង​រថយន្ត​កុងតឺន័រ កាល​វេលា​ម៉ោង​១០​និង​១៥​នាទី​យប់​ថ្ងៃទី​២១ ខែមីនា ២០១៤ នៅត្រង់​ស្តុ​ប​ផ្សារ​ដី​ហុយ ស្ថិតក្នុង​សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ​។​

 

​ប្រភពព័ត៌មាន​បានឱ្យ​ដឹងថា មុនពេល​កើតហេតុ​គេ​ឃើញ​យុវជន​២​នាក់​បាន​ជិះ​ម៉ូតូ​ស៊ុយ​ហ្ស៊ូ​គី​និ​ច​មួយគ្រឿង ពណ៌​ខ្មៅ ពាក់​ស្លាក​លេខ​ភ្នំពេញ 1BF-9310 ក្នុង​ទិស​ពី​កើ​តទៅ​លិច តាមផ្លូវ​សហ​ពន្ធ​រុស្ស៊ី លុះ​មកដល់ ចំណុចកើតហេតុ​ក៏បាន​ទៅបុក​ក្បាល​កុងតឺន័រ​ផ្នែក​ខាងឆ្វេង​ដែល​ពាក់​ស្លាក​លេខ ភ្នំពេញ 3A-5928 ពណ៌​ខៀវខ្ចី លាយ​ពណ៌​ស ធ្វើដំណើរ​ខ្វែងគ្នា​ក្នុងទិសដៅ​ពី​ត្បូង ទៅ​ជើង​តាមផ្លូវ​ភ្នំពេញ​ហាណូយ បណ្តាលឱ្យ​ម៉ូតូ​ចូល​ក្រោម​រថយន្ត ហើយ​រងរបួស​ធ្ងន់ ។​

 

​ក្រោយពេល​កើតហេតុ​ជនរងគ្រោះ​ត្រូវគេ​ដឹក​ទៅ​សង្គ្រោះ​នៅ​មន្ទីរពេទ្យ ចំណែកឯ ម៉ូតូ​ជនរងគ្រោះ អ្នកបើក​កុងតឺន័រ​និង​រថយន្ត​កុងតឺន័រ ត្រូវ​សមត្ថកិច្ច​យកទៅ​រក្សា​នៅ​អធិការ​ដ្នា​ន​នគរបាល​ចរាចរណ៍​ផ្លូវគោក​រង់ចាំ​ការដោះស្រាយ​គ្នា​ជា​ក្រោយ ៕

24-3-2014 (1) 24-3-2014

 

Leave a Reply

(*) Required, Your email will not be published