អាង​ផ្លូវ​ស្ងាត់ ជិះ​បញ្ច្រាស បុក​ម៉ូតូ​ស្ត្រី​មាន​ផ្ទៃពោះ​របួសធ្ងន់​

, , Leave a comment

​រាជធានី​ភ្នំពេញ ៖ យ៉ាងហោចណាស់​មនុស្ស​៤​នាក់​បាន​រងរបួស​ធ្ងន់​ស្រាល ក្នុង​ហេតុការណ៍​គ្រោះថ្នាក់​ចរាចរណ៍​រវាង​ម៉ូតូ​ហុងដា​ឌ្រី​ម​បុក​ជាមួយ​ម៉ូតូ​សង់​កូរ៉េ​ក្នុងទិសដៅ​បញ្ច្រាស​គ្នា ។ហេ​តុ​ការណ៍​នេះ​បាន​កើតឡើង​កាលពី​វេលា​ម៉ោង​១១​និង​៣៥​នាទី​យប់​ថ្ងៃទី​២២ ខែមីនា ឆ្នាំ​២០១៤ នៅ​ចំណុច​មុខ​ផ្សារ​ហេង​លី តាម​បណ្តោយ​ផ្លូវ​២៧១ ស្ថិតក្នុង​សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ ។​

 

​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា នៅ​មុនពេល​កើតហេតុ​គេ​ឃើញ​បុរស​ម្នាក់​ជិះ​ម៉ូតូ​ហុងដា​ឌ្រី​ម​សេ​១២៥ ពណ៌​ខ្មៅ ពាក់​ស្លាក​លេខ តាកែវ​1I-1247 ធ្វើដំណើរ​បញ្ច្រស់​ទិសលើ​ផ្លូវ​២៧១ ទិសដៅ​ពី​ត្បូង​ទៅ​ជើង​ក្នុង​ល្បឿន​យ៉ាង​លឿន ។ លុះ​មកដល់​ចំណុចកើតហេតុ​ខាងលើ​ក៏បាន​បុក​គ្នា​ជាមួយ​ម៉ូតូ​សង់​កូរ៉េ​មួយគ្រឿង ពណ៌​ក្រហម ពាក់​ស្លាក​លេខ ព្រៃវែង​1F-0993 ជិះ​គ្នា​៣​នាក់​យ៉ាង​ពេញទំហឹង​បណ្តាល​ឲ្យ​ដួល​រងរបួស​ធ្ងន់​ក្នុងនោះ​មាន​ស្ត្រី​មាន​ផ្ទៃពោះ​ជិត​គ្រប់​ខែ​ទៀត ។​

 

​ក្រោយ​កើតហេតុ​សមត្ថកិច្ច​មូល​ដ្ឋា​ន​បាន​ចុះ​ធ្វើការ​វាស់វែង និង​ម៉ូតូ​ទាំង​២​ទៅ​រក្សា​នៅ​អធិការដ្ឋាន​រង់ចាំ​ការដោះស្រាយ​ជា​ក្រោយ​។ ចំណែក​ជនរងគ្រោះ​ត្រូវបាន​គេ​ដឹក​ទៅ​សង្គ្រោះ​នៅ​គ្លីនិក​ឯកជន​៕

24-3-2014

 

Leave a Reply

(*) Required, Your email will not be published