ផឹកស៊ី​ក្លែមសម្តី មិត្ត​ចិត្ត​អប្រិយ ចាក់​៤​ដែកឆាប​បណ្តាល​ឲ្យ​របួសធ្ងន់​

, , Leave a comment

​រាជធានី​ភ្នំពេញ ៖ បុរស​ម្នាក់​ត្រូវបាន​មិត្តភក្តិ​យក​ដែកឆាប​ចាក់​បណ្តាល​ឲ្យ​រងរបួស​ធ្ងន់​សន្លប់​ស្តូកស្តឹង​នៅ​កន្លែងកើតហេតុ ដែល​បណ្តាលមកពី​ឌឺដង​ពា​ក្យសម្តី​ក្នុង​វង់​ផឹកស៊ី ។ ហេតុការណ៍​នេះ​បានកើត​ឡើង​កាល​វេលា​ម៉ោង​១​និង​៤០​នាទី​រំលងអធ្រាត្រ​ឈានចូល​ថ្ងៃទី​១៩ ខែមីនា ឆ្នាំ​២០១៤ ស្ថិតនៅ​ប​ណ្តោយ​ផ្លូវលំ ក្នុងភូមិ​ទួល​ពង្រ សង្កាត់​ចោមចៅ ខណ្ឌ​ពោធិ៍​សែន​ជ័យ រាជធានី​ភ្នំពេញ ។​

 

​ប្រភពពី​កន្លែងកើតហេតុ​បាន​ឲ្យ​ដឹងថា ជនរងគ្រោះ​ដែល​ត្រូវ​មិត្តភក្តិ​ចាក់​ចំនួន​៤​ដែកឆាប​មានឈ្មោះ ប្រុស ហៅ​ទឹកកក អាយុ​១៨​ឆ្នាំ ស្នាក់​ផ្ទះជួល​ភូមិ​កើតហេតុ​ខាងលើ ។​

 

​ប្រភព​ព័​ត៌​ដដែល​បាន​ឲ្យ​ដឹង​ទៀតថា មុនពេល​កើតហេតុ​ជនរងគ្រោះ ​និង​ជនដៃដល់​ជា​មិត្តភក្តិ​នឹង​គ្នា​បាន​ជិះ​ម៉ូតូ​មួយគ្រឿង​មកពី​កន្លែង​ផឹកស៊ី​មួ​យ​ក​ន្លែង ។ ពេល​កំពុង​ផឹកស៊ី​ស្រាប់តែ​ជនសង្ស័យ និង​ជនរងគ្រោះ​បាន​ទាស់​ពា​ក្សស​ម្តី​ឌឺដង​ដាក់គ្នា ក្រោយមក​ស្រាប់​ជនសង្ស័យ​បាន​យក​ដែកឆាប​ចាក់ទៅលើ​ជនរងគ្រោះ​ចំនួន​៤​ដែកឆាប គឺ​ចំ​ក្រោម​ដោះ​១ និង​ខាង​ក្រោយខ្នង​៣ ធ្វើ​ឲ្យ​ជនរងគ្រោះ ប្រកាច់​សន្លប់​ស្តូកស្តឹង​នៅ​កន្លែងកើតហេតុ ។ បន្ទាប់ពី​ចាក់​ជនរងគ្រោះ​ហើយ​ជនសង្ស័យ​បាន​ជិះ​ម៉ូតូ​គេចខ្លួន​បាត់ស្រមោល ។​

 

​ក្រោយ​កើតហេតុ​សមត្ថកិច្ច​មូល​ដ្ឋា​ន​បាន​ចុះ​ទៅដល់​កន្លែងកើតហេតុ​ដើម្បី ធ្វើ​កំណត់ហេតុ និង​ស្រាវជ្រាវ​ស្វែងរក​ចាប់​ជនសង្ស័យ​យកមក​ផ្ត​ន្ទា​ទោ​ស​​តាមច្បាប់ ៕

20-3-2014

 

Leave a Reply

(*) Required, Your email will not be published