តថ្លៃ​ត្រូវរ៉ូវ​គ្នា នាំ​នាង​ទៅ​រួមភេទ គ្មាន​លុយ ឈឺ​ទាំង​ខ្លួន ប្រាក់​ក៏​បង់​

, , Leave a comment

​រាជធានី​ភ្នំពេញ ៖ បុរស​ម្នាក់​ត្រូវបាន​សមត្ថកិច្ច​ឃាត់ខ្លួន​ទៅ​សួរនាំ ក្រោយពី​ស្ត្រី​ម្នាក់​បាន​ទៅប្តឹង​ពីបទ​ប្រើប្រាស់​អំពើហិង្សា ។ ហេតុការណ៍​នេះ​បាន​បង្ក​ការភ្ញាក់ផ្អើល​កាលពី​ម៉ោង​១១​និង​៤០​នាទី​យប់​ថ្ងៃទី​១៧ ខែមីនា ឆ្នាំ​២០១៤ នៅ​ចំណុច​ផ្ទះសំណាក់​យីហោ​លី​ហួរ​ដែលមាន​ទីតាំង​ស្ថិតនៅ​ខាងលិច​រង្វង់​មូល​កួច​កាណុង ផ្លូវ​លេខ​៧០ ភូមិ​១០ សង្កាត់​ស្រះចក ខណ្ឌដូនពេញ រាជធានី​ភ្នំពេញ​។

 

​តាម​របាយការណ៍​រប​ស់ស​ម្ថ​កិច្ច​បាន​ឲ្យ​ដឹងថា បុរស​ដែល​នាំ​ស្ដ្រី​រកស៊ី​ផ្លូវភេទ​ទៅ​ដេក និង​បង្ក​ហិង្សា​រហូតដល់​របួសស្នាម​មានឈ្មោះ នូ កា​ណែ​ល អា​យុ២៩​ឆ្នាំ មុខរបរ​កម្មករសំណង់ ស្នាក់នៅ​ភូមិ​-​សង្កាត់​និរោធ ខណ្ឌមានជ័យ បាន​រងរបួស​ត្រង់​ម្រាមដៃ​ស្ដាំ​កណ្ដាល ។ ចំណែកឯ​ស្រី​រក​ស៊ី​ផ្លូ​វ​ភេ​ទ​​ឈ្មោះ សៀម ភា អាយុ​៣២​ឆ្នាំ មុខរបរ​រកស៊ី​ផ្លូវភេទ ស្នាក់នៅ​ផ្ទះជួល​លេខ​២ ផ្លូវជាតិ​លេខ​៥ សង្កាត់​ស្វាយប៉ាក ខណ្ឌឫស្សីកែវ បាន​រងរបួស​ដាច់​ស្លឹកត្រចៀក​ខាងឆ្វេង ដាច់​ក្ដោងច្រមុះ​ដោយសារ​ព្រោះតែ​ខាង​ប្រុស​ខាំ និង​ដាល់​ភ្នែក​ខាងឆ្វេង​ឡើង​ខៀវ​ប៉ោង ។

 

​ប្រភព​ដដែល​បាន​បន្ដទៀតថា នៅ​មុនពេល​កើតហេតុ​ភាគី​បុរស​បាន​ចេញពី​ផឹកស៊ី​នៅ​ម្ដុំ​ខាងក្រោយ​សណ្ឋាគារ​ប្រេ​ស៊ី​ដង់ ដោយ​នឹកឃើញ​ចង់រក​​ស្រី​ដេក​យប់​ក៏បាន​បើក​ម៉ូតូ​សង់​កូរ៉េ ពណ៌​ក្រហម​ជិះ​តែម្នាក់ឯង​ឆ្ពោះ​មករក​ស្រី​នៅ​ម្ដុំ​ខាងមុខ​ក្រុមប្រឹក្សា​អភិវឌ្ឍន៍​កម្ពុជា (CDC) ។ ពេល​នោះបាន​ជួបនឹង​ស្ត្រី​រកស៊ី​ផ្លូវភេទ​នោះ ​ក៏បាន​តថ្លៃ​ត្រូវរ៉ូវ​គ្នា​ក្នុងតម្លៃ​២០​ដុល្លារ ហើយក៏​ដឹក​គ្នា​ឆ្ពោះ​មក​ជួល​បន្ទប់​លេខ​១០២​ផ្ទះសំណាក់​យីហោ​លី​ហួរ​ហើយ​​ពេល​ចូលដល់​ក្នុង​បន្ទប់​ស្រាប់តែ​ខាង​ស្រី​បាន​ទារលុយ​មុន​២០​ដុល្លារ ។ ពេលនោះ​ខាង​ប្រុស​ហុច​ឱ្យតែ​៣​ម៉ឺន​រៀល​សិន​ព្រោះ​គិតថា ចាំ​រួមភេទ​ចប់​សឹម​ឱ្យ​បង្គ្រប់​ប៉ុន្ដែ​ខាង​ស្រី​មិន​ទទួលយក​បានឡើយ ដោយសារ​ខាង​ប្រុស​ដែល​កំពុងមាន​តណ្ហា​ពុះកញ្ជ្រោល​ខឹងសម្បា​យ៉ាងខ្លាំង​ក៏​បើក​សំឡេង​ទូរទស្សន៍​ឮ​ខ្លាំងៗ ហើយ​ស្ទុះ​ទៅ​ប្រតាយប្រតប់ ខាំ​ស្លឹកត្រចៀក និង​ដាល់​នាង​ប៉ោង​ភ្នែក  ។ ចំណែក​ខាង​ស្រី​វិញ​ក៏​ចាប់​ខាំ​ម្រាមដៃ​ខាងស្ដាំ​ប​ណ្ដា​ល​ឱ្យ​របួស​ហូរឈាម​បង្ក​ការភ្ញាក់ផ្អើល ពេញ​ផ្ទះសំណាក់​តែម្ដង ។

 

​ក្រោយ​កើតហេតុ​សមត្ថកិច្ច​នគ​របាល​មូលដ្ឋាន​បាន​ចុះទៅ​ធ្វើ​អន្ដរាគមន៍​ភ្លាមៗ​រួច ហើយ​នាំ​ពួកគេ​ទាំង​២​នាក់​នោះមក កាន់​ស្នាក់ការ​ប៉ុស្ដិ៍​ស្រះចក​ដើ​​ម្បី​សម្របសម្រួល​គ្នា ។ ដោយ​ខាង​ប្រុស​ដឹងខ្លួន​ថា​ធ្វើ​ខុស​ក៏​សុខ​ចិ​ត្ដ​ចេញ​សំណង​ឱ្យ​នារី រកស៊ី​ផ្លូវភេទ​ដែល​រងរបួស​ច្រើន​កន្លែង នោះ​ចំនួន​៤​០​០​​ដុល្លារ ដើម្បី​បញ្ចប់​បញ្ហា​និង​បាន​ទៅ​ព្យាបាល​របួស​ទាំង​អាការ​ឈឺចាប់​បំផុត ៕

19-3-2014

 

Leave a Reply

(*) Required, Your email will not be published