ភ្លើង​ប្រចណ្ឌ ធ្វើ​ឲ្យ​ប្តី​លើកដៃ​សម្លាប់​ប្រពន្ធ​យ៉ាង​ព្រៃផ្សៃ​

, , Leave a comment

​ខេត្ដ​កំពង់ចាម ៖ អំណាច​នៃ​ភ្លើងកំហឹង​មួយ​ឆាវ​បានធ្វើ​ឲ្យ​បុរស​ម្នាក់​ត្រូវបាន​សមត្ថកិច្ច​ចាប់​ឃាត់ខ្លួន បន្ទាប់ពី​ធ្វើ​សកម្មភាព​កាប់​ចិញ្ច្រាំ​ស្ត្រី​ដែលជា​ភរិយា​ជាច្រើន​កាំបិត​បណ្តាល​ឲ្យ​ស្លាប់​ក្នុង​ថ្លុកឈាម ។ ហេតុការណ៍រ​ដ៏​រន្ធត់​នេះ​បាន​កើតឡើង​កាលពី​ម៉ោង​៨​និង​៣០​នាទី​យប់​ថ្ងៃទី​១៧ ខែមីនា ឆ្នាំ​២០១៤ ស្ថិតនៅ​ភូមិ​ចុង​ខ្ញូ​ង ភូមិ​មហាខ្ញូង ស្រុក​កោះសូទិន ខេត្ដ​កំពង់ចាម ។​

 

​តាម​របាយការណ៍​រប​ស់​សមត្ថកិច្ច​បាន​ឲ្យ​ដឹងថា ជនដៃដល់​ជា​ប្ដី​មានឈ្មោះ​សេង សុធា អាយុ​៣៥​ឆ្នាំ មានមុខរ​បរជា​អ្នកចម្ការ​។ ចំណែក​ជនរងគ្រោះ​ជា​ប្រពន្ធ​មានឈ្មោះ ថន សុខ​ទាង អាយុ​៣២​ឆ្នាំ មានមុខ​របរ​លក់​ចាប់ហួយ​នៅផ្ទះ អ្នក​ទាំងពីរ​ស្នាក់​នៅក្នុង​ភូមិ​-​ឃុំ​កើតហេតុ​ខាងលើ​។ ស្ដ្រី​រងគ្រោះ​ត្រូវ​ប្ដី​ប្រើ​កាំបិត​ខ្វែវ​កាប់​ត្រូវ​ចំនួន​៤​កន្លែង​លើ​ក្បាល​២​កាំបិត និង​ដៃ​ឆ្វេង​២​កាំបិត​ស្លាប់​ក្នុង​ថ្លុកឈាម​លើផ្ទះ​។​

 

​ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​ប្រពន្ធ​បាន​ស្ដីបន្ទោស​បន្ដិចបន្ដួច​ទៅលើ​ប្ដី ប៉ុន្ដែ​ពុំ​ដឹង​រឿង​អ្វី​នោះទេ ។ បន្ទាប់មក​ក៏​ផ្ទុះ​ហិង្សា​ខ្លាំង​ប្ដី​បាន​ទាញ​កាំបិត​ខ្វែវ​កាប់​ចិញ្ច្រាំ​ប្រពន្ធ​តែម្ដង ។ ប្រភព​ដដែល​បាន​ឲ្យ​ដឹង​ទៀតថា មុនពេល​កើតហេតុ​ការណ៍​នេះ ជាង​មួយខែ​មុន ស្ដ្រី​រងគ្រោះ និង​ប្ដី​ធ្លាប់បាន​ឈ្លោះប្រកែក​គ្នា​ម្ដង​រួចមកហើយ ប៉ុន្តែ​ពេលនោះ​ប្រពន្ធ​បាន​ចុះ​ចេញពីផ្ទះ​អស់​រយៈពេល​១០​ថ្ងៃ​។ បន្ទាប់មក​ពួកគេ​បាន​ជួបជុំគ្នា​វិញ ទើប​នៅ​យប់កើតហេតុ​មុនពេល​ប្ដី​កាប់​ប្រពន្ធ​សម្លាប់​គេ​បានឮ​សំឡេង​ឈ្លោះប្រកែក គ្នា​ហើយក៏​មាន​ហេតុការណ៍​បែបនេះ​តែម្ដង​ដោយ​គេ​សង្ស័យថា កើតចេញ ពី​រឿង​ប្ដី​ប្រច័ណ្ឌ​ប្រពន្ធ​គ្រា​ដែល​ប្រពន្ធ​ចុះ​ចេញពីផ្ទះ​ចំនួន​១០​ថ្ងៃ ។

 

​ទោះយ៉ាងណា​សមត្ថកិច្ច​បា​ន​ឃាត់ខ្លួន​ជនដៃដល់​ហើយ​គ្រោង​នឹង​បញ្ជូន​សំណុំរឿង​ពីបទ​មនុស្សឃាត​នេះ​ទៅ​តុលាការ​ដើម្បី​ចាត់ការ​តាមផ្លូវ​ច្បាប់ ៕

18-3-2014

 

Leave a Reply

(*) Required, Your email will not be published