លោក​ផ្កាយ​២​យោធា​ត្រូវ​ជនជាតិ​វៀតណាម​ទំនើង​ម្នាក់​ដាល់ ប៉ោង​ភ្នែក គ្រាន់តែ​រឿង​ស្ទះចរាចរណ៍​

, , Leave a comment

​រាជធានី​ភ្នំពេញ ៖ កាលពីវេលា​ម៉ោង​៩​ព្រឹក ថ្ងៃទី​១៤ ខែមីនា ឆ្នាំ ២០១៤ នៅ​ចំណុច​មុខក្រសួង​ការពារ ជាតិ ឋិត​ក្នុង​សង្កាត់​មិ​ត្ដ​ភាព ខណ្ឌ​៧​មករា រាជធានី​ភ្នំពេញ ។​ គ្រាន់តែ​រឿង​ស្ទះចរាចរណ៍​ប៉ុណ្ណោះ​បុរស​ជនជាតិ​វៀតណាម​ចិ​ត្ដ​ខ្លាំង​ម្នាក់​បាន​វាយ​ទៅលើ​លោក​ឧត្ដមសេនីយ៍ទោ​ (​ផ្កាយ​២​យោធា​) ​ម្នាក់ បណ្ដាលឱ្យ​ហើម​មុខ​ពោរ ហើយ​ភ្លាមៗ​នោះ​ជនសង្ស័យ​ត្រូវបាន​សមត្ថកិច្ច​កងរាជអាវុធហត្ថ​ខណ្ឌ​៧​មករា​ឃាត់ខ្លួន​បាន​ភ្លាមៗ​ផងដែរ​។​សមត្ថកិច្ច​បានឱ្យដឹង​ថា ជនរងគ្រោះ​មានឈ្មោះ​ងី វ៉ាន់​ឌុ​ក ភេទ​ប្រុស អាយុ​៦៤​ឆ្នាំ មាន​ឋានន្ដរស័ក្ដិ​ឧត្ដមសេនីយ៍ទោ​(​ផ្កាយ​២​យោធា​) បម្រើ​ការងារ​នៅ​ក្រសួងការពារជាតិ​។​ចំណែក​ជនដៃដល់​មានឈ្មោះ​ចាំង គីមហេង ភេទ​ប្រុស អាយុ​២៦​ឆ្នាំ ជនជាតិ​វៀតណាម ។​

 

​សមត្ថកិច្ច​បានឱ្យដឹង​ថា មុនពេល​កើតហេតុ ជនរងគ្រោះ​បានធ្វើ​ដំណើរ ម្នាក់ឯង​ដោយ​ម៉ូតូ​ម៉ាក​ហុងដា​ឌ្រី​ម​សេ ១២៥​ពាក់​ស្លាក​លេខ​ភ្នំពេញ 1CD-6009  រីឯ​ជនដៃដល់​២​នាក់​ប្ដី​ប្រពន្ធ ធ្វើដំណើរ ដោយ​រថយន្ដ​កូរ៉េ​មួយគ្រឿង ពណ៌​ខ្មៅ ពាក់​ស្លាក​លេខ​ភ្នំពេញ 2O-6009 ។ ជន រងគ្រោះ និង​ជនដៃដល់​បានធ្វើ​ដំណើរ ស្រប​ទិស​គ្នា​តាម​បណ្ដោយ​ផ្លូវ​សហព័ន្ធរុស្ស៊ី​។  លុះ​មកដល់​ចំណុច​មុខក្រសួង​ការពារជាតិ  ក៏បាន​បត់​ដូចគ្នា ។

 

​បន្ទាប់ពី​ធ្វើដំណើរ​ទៅមុខ​បាន​ចម្ងាយ​ប្រហែល​១០ ម៉ែត្រ ជនដៃដល់​ក៏បាន​បើករថយន្ដ​ទៅ ហួស​ម៉ូតូ​ជនរងគ្រោះ​បន្ដ ក៏បាន​ចុះមក ពី​រថយន្ដ​ដើរ​សំដៅ​មក​ចាប់​កអាវ​ជន រងគ្រោះ និង​ដាល់​ចំ​ផ្ទៃមុខ​ជនរងគ្រោះ ជាច្រើន​ដៃ​មិនមាន​ការសួរនាំ​អ្វី​ទៅំ​ង​អស់​។  ប្រភព​បន្ដថា បន្ទាប់ពី​ដាល់​ជនរងគ្រោះ រួចហើយ រូបគេ​បំណង​ឡើង​ជិះ​រថយន្ដ គេចខ្លួន ក៏ត្រូវ​សមត្ថកិច្ច​កង​រាជ​អាវុធ ហត្ថ​ដែល​យាម​នៅលើ​សួនច្បារ​ជិត កន្លែងកើតហេតុ​អន្ដរាគមន៍​ឃាត់ខ្លួន ជនដៃដល់​បាន​ភ្លាមៗ​ផងដែរ ៕

14-3-2014

 

Leave a Reply

(*) Required, Your email will not be published