សមត្ថកិច្ច​ចាប់​ឃាត់ខ្លួន​កូន​អកតញ្ញូ ចិត្ត​តិរច្ឆាន​ម្នាក់ ដែល​ចាក់សោ​បង្ខាំង​ម្តាយ​ក្នុងផ្ទះ ហើយ​បម្រុង​ចាក់​សាំង​ដុត​

, , Leave a comment

​ខេត្តបន្ទាយមានជ័យ ៖ កូន​អកតញ្ញូ ចិត្ត​តិរច្ឆាន​ម្នាក់ ត្រូវ​សមត្ថកិច្ច​ធ្វើការ​ឃាត់ខ្លួន​ភ្លាមៗ ខណៈ​ជននេះ​ចាក់សោ​បង្ខាំង​ម្តាយបង្កើត​ទុក​ក្នុងផ្ទះ ហើយ​បម្រុង​ចាក់​សាំង​ដុត ។ ហេតុការណ៍​ភ្ញាក់ផ្អើល​មួយ​នេះ​បាន​កើតឡើង​កាលពី​វេលា​ម៉ោង​១០ និង​៤០​នាទី​ព្រឹក ថ្ងៃទី​១២ ខែមីនា ឆ្នាំ​២០១៤ ឋិត​នៅក្នុង​ភូមិ​ជំទាវ ឃុំ​ប្ញ​ស្សី​ក្រោក ស្រុក​មង្គលបុរី ខេត្តបន្ទាយមានជ័យ​។​

 

​បើតាម​សម្តី​រៀបរាប់​របស់​ស្ត្រី​រងគ្រោះ​ជា​ម្តាយ​ឈ្មោះ អោក ទៀង អាយុ​៦៤​ឆ្នាំ បាន​ឲ្យ​ដឹងថា កូនប្រុស​របស់គាត់​មានឈ្មោះ ណៅ ប៊ុន​រ័ត្ន ហៅ​ទាវ អាយុ​៣៦​ឆ្នាំ មុខរបរ​មិន​ពិតប្រាកដ រស់នៅ​ភូមិ​ខាងលើ និង​មាន​ប្រពន្ធ និង​កូន​២​នាក់ តែដោយសារ​រូបគេ​ស្រវឹងខួប និង​វាយ​ធ្វើបាប​ប្រពន្ធ​ពេក នាង​ក៏​នាំ​កូន​ចុះចោល​ទៅ​រស់នៅ​ស្រុកកំណើត​នៅឯ​ខេត្តកណ្តាល​។​

 

​ស្ត្រី​ជា​ម្តាយ​បាន​ឲ្យ​ដឹង​ទៀតថា នៅ​ថ្ងៃកើតហេតុ​កូនប្រុស​របស់គាត់​បាន​ផឹកស្រា​ស្រវឹង គ្រា​ដែល​មកដល់​ផ្ទះ​បាន​រករឿង​គាត់ និង​ចាក់សោ​បង្ខាំង​គាត់​ទុក​នៅក្នុង​ផ្ទះ​រួចហើយ​យក​សាំង​មកចាក់​បម្រុង​ដុត​ផ្ទះ​ចោល តែ​ត្រូវ​ប្រជាពលរដ្ឋ​ជិតខាង​ប្តឹង​សមត្ថកិច្ច​ឱ្យ​ចាប់ខ្លួន និង​រំដោះ​រូបគាត់​ជា​ម្តាយ​ចេញពី​ក្នុងផ្ទះ​មកវិញ​។​

 

​ជុំវិញ​ករណីនេះ​ឪពុកម្តាយ​ជនសង្ស័យ​បាន​សំណូមពរ​សមត្ថកិច្ច​យក​កូនប្រុស​ស្រវឹងខួប​ចិត្ត​តិរច្ឆាន​រូបនេះ​ទៅ​ដា​ក់នៅ​មណ្ឌល​កែប្រែ ដើម្បី​អប់រំ​៕

14-3-2014

 

Leave a Reply

(*) Required, Your email will not be published