ប្តី​បន្ទោ​សរឿង​ដាំបាយ ខឹង​ចិត្ត​ផឹកថ្នាំ​បាញ់សម្លាប់​សត្វ​ក្រា កម្លា​ប្តី​ជាការ​ព្រមាន​

, , Leave a comment

​ខេត្តកណ្តាល ៖ ស្ត្រី​ចិត្តខ្លាំង​ម្នាក់​ត្រូវបាន​រលត់​ជីវិត ខណៈដែល​មិនទាន់​ទៅដល់​មន្ទីរពេទ្យ ដើម្បី​សង្គ្រោះ​ក្រោយ​លេបថ្នាំ​បំពុល​សត្វ​អស់​មួ​យ​ក​ញ្ច​ប់ គ្រាន់តែ​ជម្លោះ​ពាក្យសំដី​គ្នា​ជាមួយ​ប្តី​រឿង​ដាំបាយហូប​បន្តិច​ប​ន្ទួ​ច​សោះ កាលពី​វេលា​ម៉ោង​១១​និង​១០​នាទី​ព្រឹក ថ្ងៃទី​១១ ខែមីនា ឆ្នាំ​២០១៤ នៅ​ចំ​ណុច​ផ្ទះ​ស្ត្រី​រងគ្រោះ​ស្ថិតក្នុង​ភូមិ​កោះ​រះ​លើ ឃុំ​កោះ​រះ ស្រុក​ល្វាឯម ខេត្តកណ្តាល​។

 

​ស្ត្រី​ដែល​លេ​ថ្នាំ​បញ្ចប់ជីវិត​ព្រោះ​ទំនាស់​គ្នា​ជាមួយ​ប្តី​នោះ​ឈ្មោះ ហែម ហ៊ៀ​វ អាយុ​៤៨ ឆ្នាំ និង​ប្តី​ឈ្មោះ ម៉ម ប្រុស អាយុ​៤៩​ឆ្នាំ អ្នក​ទាំងពីរ​ស្នាក់នៅ​កន្លែងកើតហេតុ​ខាងលើ​។​

 

​តាម​សម្តី​រៀបរាប់​របស់​ប្តី​ប្រាប់​សមត្ថកិច្ច​នគរបាល​ថា នៅវេលា​ព្រឹក​ថ្ងៃទី​១១ ខែមីនា ឆ្នាំ​២០១៤ រូបគាត់ និង​ប្រពន្ធ​បាននាំគ្នា​ទៅ​ស៊ីឈ្នួល​ច្រូតស្រូវ​នៅក្នុង​ភូមិ​ជាមួយគ្នា​រហូតដល់​វេលា​ម៉ោង​ប្រមាណ​១១​ថ្ងៃត្រង់​ក៏បាន​នាំគ្នា​ត្រឡប់មកផ្ទះ វិញ ដើម្បី​ឈប់សម្រាក​ហូបបាយ ។ ពេលមកដល់​ខ្លួន​បាន​ប្រើ​ប្រពន្ធ​ឲ្យ​ដាំបាយហូប តែ​នៅ​គ្រានោះ​ប្រពន្ធ​មិន​ព្រម​ដាំ​ដោយ​សម្អាងថា ហូប​បាយកក​នៅសល់​ពី​ល្ងាច ខណៈនោះ​ខ្លួន​ក៏បាន​ប្រាប់​ទៅ​ប្រពន្ធ​វិញ​ថា បាយកក​នោះ​វា​ផ្អូម​អស់ហើយ ។ បើទោះបីជា​ខ្លួន​បាន​ប្រាប់ថា បាយ​ផ្អូម​យ៉ាងណាក្តី​ប្រពន្ធ​នៅតែ​មិន​ព្រម​ដាំបាយ រហូត​កើតមាន​ទំនាស់​ពាក្យសំដី​គ្នា​មួយ​ប្រាវ ហើយ​ប្រពន្ធ​របស់ខ្លួន​ក៏​រត់​ចុះពីលើផ្ទះ​បាត់ទៅ ។​

 

​ក្រោយពី​បាន​បាត់​ប្រពន្ធ​មួយសន្ទុះ​រូបគាត់​ក៏បាន​តាមរក ខណៈ​នោះបាន​ប្រទះឃើញ​ប្រពន្ធ​ដេក​បែកពពុះមាត់​នៅក្រោម​ផ្ទះ​ក្បែរ​ដប ថ្នាំ​បាញ់​ស​ម្លា​ប់​សត្វ​ក្រា ហើយ​បុរស​ជា​ប្តី និង​ប្រជាពលរដ្ឋ​ជិតខាង​នាំគ្នា​មក ជួយ​ដឹក​យកទៅ​មន្ទីរពេទ្យ តែ​ពេលទៅដល់​មន្ទីរពេទ្យ​ប្រពន្ធ​របស់គាត់​បាន​ដា​ច់​ខ្យ​ល់​​ស្លាប់បាត់ ទៅហើយ ។ ក្រោយ​ធ្វើ​កោសល្យវិច័យ​សមត្ថកិច្ច​ប្រគល់​សាកសព​ជនរងគ្រោះ​ទៅ​ឲ្យ​បុរស​ជា​ប្តី ចាត់ចែង​ធ្វើបុណ្យ​តាម​ប្រពៃណី ៕

13-3-2014

 

Leave a Reply

(*) Required, Your email will not be published