រថយន្ត​ដឹក​ដី​កៀរ​ស្ត្រី​វ័យ​ចំណាស់ បណ្តាល​ឲ្យ​បាក់ដៃ​

, , Leave a comment

​រាជធានី​ភ្នំពេញ ៖ ហេតុការណ៍​គ្រោះថ្នាក់​ចរាចរណ៍​មួយ បណ្តាល​ឲ្យ​ស្ត្រី​វ័យ​ចំណាស់​ម្នាក់​បាន​រងរបួស​បាក់ដៃ​ខាងឆ្វេង គ្រា​ដែល​រូបគាត់​ធ្វើដំណើរ​តាម​បណ្តោយ​ផ្លូវ​មុនី​រ៉េត ហើយ​ត្រូវ​រថយន្ត​ប្រភេទ​ដឹក​ដី​ធុន​ធំ​បើក​កៀរ​ឲ្យ​ដួល ។ ហេតុការណ៍​នេះ​បាន​កើតឡើង​កាលពី​វេលា​ម៉ោង​៨​និង​៣០​នាទី​ព្រឹក​ថ្ងៃទី​១១ ខែមីនា ឆ្នាំ​២០១៤ ស្ថិត​លើ​កំណាត់​ផ្លូវ​មុនី​រ៉េត ក្នុងភូមិ​ដំណាក់​ធំ​២ សង្កាត់​ស្ទឹងមានជ័យ ខណ្ឌមានជ័យ រាជធានី​ភ្នំពេញ ។​

 

​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា ជនរងគ្រោះ​ឈ្មោះ ញ៉ែម ស្រ៊ី អាយុ ៥៣​ឆ្នាំ ស្នាក់នៅ​ក្នុងភូមិ សង្កាត់​កើតហេតុ​ខាងលើ ។ ចំណែក​អ្នកបើកបរ​រថយន្ត​បង្ក​ឈ្មោះ ណុប ឡាយ ភេទ​ប្រុស អាយុ ៣៣​ឆ្នាំ ស្នាក់នៅ​សង្កាត់​ដង្កោ ខណ្ឌដង្កោ រាជធានី​ភ្នំពេញ​។​

 

​ប្រភព​ដដែល​បាន​បន្តទៀតថា មុនពេល​កើតហេតុ​គេ​បានឃើញ​ស្ត្រី​ម្នាក់​ជិះ​ម៉ូតូ​មួយគ្រឿង ពណ៌​ខ្មៅ ពាក់​ស្លាក​លេខ​ភ្នំពេញ 1AV-2831 ធ្វើដំណើរ​តាម​បណ្ដោយ​ផ្លូវ​មុនី​រ៉េត ក្នុងទិសដៅ​ពី​ជើង​ទៅ​ត្បូង លុះ​មកដល់​ចំណុចកើតហេតុ​ស្រាប់​តែមាន​រថយន្ត​ដឹក​ដី មួយគ្រឿង ពណ៌​បៃតង​ពាក់​ស្លាក​លេខ​ភ្នំពេញ​3A-2287 បើកបរ​ដោយ​បុរស​ម្នាក់ ក្នុង​ទិស​ដោះ​ស្របគ្នា ហើយ​បាន​កៀរ​ម៉ូតូ បណ្តាល​អ្នកបើក​ម៉ូតូ​ដួល ចូល​ក្រោម​រថយន្ត ក៏ត្រូវ​រថយន្ត​កិន​បាក់ដៃ​ឆ្វេង​តែម្តង ។​

 

​ក្រោយពេល​កើតហេតុ​ជនរងគ្រោះ​ត្រូវបាន​រថយន្ត​សង្គ្រោះ​ដឹក​ទៅ​សង្គ្រោះ​ភ្លាមៗ នៅ​មន្ទីរពេទ្យ​មិត្តភាព​ខ្មែរ​-​សូ​វៀត ។ ចំណែក​រថយន្ត​បង្ក និង​ម៉ូតូ​របស់​ជនរងគ្រោះ​ត្រូវបាន​សមត្ថកិច្ច​មូលដ្ឋាន យក ទៅ​រក្សាទុក​នៅ​ការិយាល័យ​នគរបាល​ចរាចរណ៍​រាជធានី​ភ្នំពេញ ដើម្បី​រង់ចាំ​ដោះស្រាយ​ពេល​ក្រោយ​៕

12-3-2014 (1) 12-3-2014

 

Leave a Reply

(*) Required, Your email will not be published