រថយន្ត​ដឹក​ប្រេង​ក្រុមហ៊ុន PETRONAS បើក​បុក​យុវជន​ម្នាក់​ស្លាប់​យ៉ាង​អាណោចអាធ័ម​

, , Leave a comment

​ខេត្តមណ្ឌលគិរី ៖ បុរស​ម្នាក់​បាន​ស្លាប់​ភ្លាមៗ យ៉ាង​អាណោចអាធ័ម​នៅនឹងកន្លែង​កើតហេតុ ក្នុង​ហេតុការណ៍​គ្រោះថ្នាក់​ចរាចរណ៍​មួយ​ដែល​បណ្តាលមកពី​រថយន្ត​ដឹក​ប្រេង​របស់​ក្រុមហ៊ុនPETRONAS បើក​បុក​យ៉ាង​ពេញទំហឹង ។ ហេតុការណ៍​គ្រោះថ្នាក់​ដ៏​រន្ធត់​នេះ​បាន​កើតឡើង​កាលពី​វេលា​ម៉ោង​៣​និង​៣០​នាទី ថ្ងៃទី​១១ ខែមីនា ឆ្នាំ​២០១៤ ត្រង់ចំណុច​គីឡូម៉ែត្រ​លេខ​៣៥​ស្ថិតក្នុង​ភូមិ​ឆ្នែង ឃុំ​ស្រែ​ខ្ទម ស្រុក​កែ​សីមា ខេត្តមណ្ឌលគិរី​។​

 

​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា ជនរងគ្រោះ​ដែល​ស្លាប់បាត់​បង់ជីវិត​មានឈ្មោះ មិន ធឿ អាយុ​២៣​ឆ្នាំ មាន​ទីលំនៅ​ភូមិ​ពូ​ចា ឃុំ​ស្រែ​ព្រះ ស្រុក​កែវ​សីមា ខេត្តមណ្ឌលគិរី ។ ចំណែករ​ថត​យន្ត​បង្ក​ជា​ប្រភេទ​រថយន្ត​ដឹក​ប្រេង​ក្រុមហ៊ុន​PETRONAS​។​

 

​ប្រភព​ដដែល​បាន​បន្តទៀតថា មុនពេល​កើតហេតុ​ជនរងគ្រោះ​បាន​ជិះ​ម៉ូតូ​វីវ៉ា​មួយគ្រឿង អត់​ពាក់​ស្លាក​លេខ ក្នុងទិសដៅ​ពី​លិចទៅ​កើត លុះ​មកដល់​កន្លែងកើតហេតុ​ត្រូវ​រថយន្ត​ដឹក​ប្រេង​របស់​ក្រុមហ៊ុន PETRONAS ដែល​បើកបរ​បញ្ច្រាស់ទិស​គ្នា​ក្នុង​ល្បឿន​យ៉ាង​លឿង បាន​បុក​យ៉ាង​ពេញទំហឹង បណ្តាល​ឲ្យ​ជនរងគ្រោះ​ខ្ទាត​ប្រមាណ​២០​ម៉ែត្រ បោក​ក្បាល​នឹង​ថ្នល់​ស្លាប់​ភ្លាមៗ​នៅនឹងកន្លែង​តែម្តង ។ ពេល​ឃើញ​ហេតុការណ៍​បែបនេះ អ្នកបើករថយន្ត​បង្ក​បាន​ចុះ​រត់គេចខ្លួន​បាត់ស្រមោល​ដោយ​បន្សល់ទុក​រថយន្ត​នៅ​កន្លែងកើតហេតុ​។​

 

​ក្រោយ​កើតហេតុ​សមត្ថកិច្ច​ចុះ​ទៅដល់​កន្លែងកើតហេតុ នាំយក​រថយន្ត​បង្ក និង​ម៉ូតូ​ជនរងគ្រោះ ទៅ​រក្សាទុក​នៅ​អធិការដ្ឋាន រង់ចាំ​ការដោះស្រាយ​ជា​ក្រោយ ។ ចំណែក​សព​ជន​គ្រោះ​ត្រូវបាន​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​៕

 12-3-2014 (1)

12-3-2014 12-3-2014 (2)

 

Leave a Reply

(*) Required, Your email will not be published