ដោយសារ​សុរា គោយន្ត​ក្រឡាប់​ផ្ងារ សម្លាប់​មនុស្ស​៥​នាក់ និង​១០​ទៀត​របួសធ្ងន់​ស្រាល​

, , Leave a comment

​ខេត្ដ​បាត់ដំបង ៖ ហេតុការណ៍​គ្រោះថ្នាក់​ចរាចរណ៍​មួយ​បានសម្លាប់​មនុស្ស​៥​នាក់ និង​១០​ផ្សេងទៀត​បានទទួលរ​ង​របួសធ្ងន់​ស្រាល ខណៈដែល​ក្រឡាប់​គោយន្ដ​ចូល​ស្ទឹង ក្រោយពី​បើក​ចេញពី​ហូប​ការ​បងប្អូន ។ ហេតុការណ៍​គ្រោះថ្នាក់​នេះ​បាន​កើតឡើង​កាលពី​វេលា​ម៉ោង​២​និង​២០​នាទី​ថ្ងៃទី​៧ ខែមីនា ឆ្នាំ​២០១៤ នៅ​ចំណុច​រាម​គន់​អាង​ទ្វារ​ទឹក​ទី​១០ (​ស្ទឹង​មោង​) ស្ថិតក្នុង​ភូមិ​ជ្រៃ​១ ព្រំប្រទល់​ភូមិ​ចុង​សំ​ណាយ ឃុំ​ជ្រៃ ស្រុក​មោងឫស្សី ខេត្តបាត់ដំបង ។​

 

​ព័ត៌មាន​ពី​កន្លែងកើតហេតុ​បានឱ្យដឹងថា​អ្នកស្លាប់​នៅ​កន្លែងកើតហេតុ​ទី​១​ឈ្មោះ ច្រឹ​ក វិ​ន ភេទ​ប្រុស អាយុ​៥៧​ឆ្នាំ និង​ទី​២ ឈ្មោះ រ៉ា​យ ឆាយ ភេទ​ស្រី អាយុ ៦៣​ឆ្នាំ ជា​ប្ដី​ប្រពន្ធ​និង​ជា​ឪពុកម្ដាយ​អ្នកបើក​គោយន្ដ​កន្ដ្រៃ ។ ចំណែក​អ្នកស្លាប់​ពេល​ដឹក​ដល់​មន្ទីរពេទ្យ​មោង​៣​នាក់​ទី​១​ឈ្មោះ រ៉េត សារ៉ូ​ត អាយុ​៨​ឆ្នាំ ទី​២​ឈ្មោះ វិ​ន​សា ភេទ​ប្រុស អាយុ​១២​ឆ្នាំ ជា​ប្អូន​ពៅ​របស់​អ្នកបើកបរ​គោយន្ដ និង​ទី​៣​ឈ្មោះ​ប៉ះ​ចក់ អាយុ​៣៣​ឆ្នាំ ។ អ្នក របួសធ្ងន់​៦​នាក់​ទី​១​ឈ្មោះ ចៀម មករា ភេទ​ប្រុស អាយុ​៥​ឆ្នាំ បញ្ជូនទៅ ពេទ្យ​សៀមរាប ទី​២​ឈ្មោះ រ៉េត កញ្ញា អាយុ ៥​ឆ្នាំ​បញ្ជូនទៅ​មន្ទីរពេទ្យ​សៀមរាប ទី​៣ ឈ្មោះ​ឡេ រ៉​ន ភេទ​ស្រី អាយុ​៥១​ឆ្នាំ​របួស ក្បាល​ជើង​ស្ដាំ ទី​៤​ឈ្មោះ ស៊ា​ប​ទូច ភេទ ស្រី អាយុ​២០​ឆ្នាំ ជើង​និង​ត្រគាក ទី​៥ ឈ្មោះ​រ៉េត សារ៉ាត់ ភេទ​ប្រុស អាយុ​១២​ឆ្នាំ របួស​ក្បាល​ដៃ និង​ទី​៦​ឈ្មោះ​រិត ស្រី​ធំ ភេទ​ស្រី អាយុ​៨​ឆ្នាំ​របួស​ដៃ​សងខាង​និង ថ្គាម​អ្នក​ទាំងអស់​កំពុង​ព្យាបាល​នៅ​មន្ទីរ ពេទ្យ​បង្អែក​ខេត្ដ​បាត់ដំបង ។​

 

​រីឯ​អ្នក រងរបួស​ស្រាល​មាន​៤​នាក់​ទី​១​ឈ្មោះ​វិ​ន ដែន ភេទ​ប្រុស អាយុ​២៤​ឆ្នាំ អ្នកបើកបរ​គោយន្ដ​ទី​២​ឈ្មោះ​ស៊ា​ប​សុ​ខេង​ភេទ​ស្រី អាយុ​៦​ឆ្នាំ ទី​៣​ឈ្មោះ ហឿង រុំ ភេទ​ស្រី អាយុ​៣២​ឆ្នាំ ស្នាក់នៅ​មន្ទីរពេទ្យ មោង និង​ទី​៤​ឈ្មោះ រិត ស្រី​តូច ភេទ​ស្រី អាយុ​៧​ឆ្នាំ​កំពុង​ព្យាបាល​នៅ​ពេទ្យ​បង្អែក​បាត់ដំបង ។ ជនរងគ្រោះ​ស្លាប់​និង​របួស ធ្ងន់​ស្រាល​រស់នៅ​ភូមិ​បឹង​អំពិល ឃុំ​ព្រែក ជីក​ស្រុក​រុក្ខ​គិរី​និង​ត្រូវជា​សាច់ញាតិ​បង ប្អូន​កូនក្មួយ​ពូ​មីង​អ៊ំ​និង​សាច់ថ្លៃ​នឹង​គ្នា ។​

 

​ប្រភព​ដដែល​បាន​បន្តទៀតថា ពេល​ចេញពី​ហូប ការ​នៅ​ភូមិ​ម្រេះ​ព្រៅ​បានធ្វើ​ដំណើរ តាម​គោយន្ដ​ពី​កើតមក​លិច​ត្រើយ​ខាងត្បូង​ស្ទឹង​មោង​មក​ជិត​ដល់​ចំណុច​កើត ហេតុ​អ៊ំ​ប្រុស​ស្រី​របស់គេ​ដែលជា​ឪពុកម្ដាយ​អ្នកបើក​គោយន្ដ​កន្ដ្រៃ បាន​ប្រាប់​កូនប្រុស​ថា​ជិត​ដល់​ផ្លូវបត់​ឡើង​ស្ពាន​ហើយ​កុំ​បើក​លឿន​ពេក​ប្រយ័ត្ន​គ្រោះថ្នាក់ ។ លុះ​មកដល់​កន្លែងកើតហេតុ​ដោយសារ​ល្បឿន​លឿន​ផង​នោះ ក៏​ជ្រុល​ចង្កូត​បុក​បង្កាន់ដៃស្ពាន​ធ្លាក់ចូល​ស្ទឹង​តែម្ដង ៕

8-3-20148

 

Leave a Reply

(*) Required, Your email will not be published