លោក​ប្រធាន​មន្ទីរ​បរិស្ថាន​ខេត្តកំពង់ឆ្នាំង បើករថយន្ត​បុក​ជន​រងគ្រោះ ឆ្លើយ​ដោះសា​រទាំង​បំពាន​

, , Leave a comment

​ខេត្តកំពង់ឆ្នាំង ៖ យ៉ាងណា​ស់មនុស្ស​៣​នាក់​បាន​ទទួលរងរ​បួស ក្នុង​ហេតុការណ៍​គ្រោះថ្នាក់​ចរាចរណ៍​រវាង​រថយន្ត និង​ម៉ូតូ ។ ហេតុការណ៍​នេះ​បាន​កើតឡើង​កាលពី​វេលា​ម៉ោង​១២​និង​០៥​នាទី​ថ្ងៃត្រង់ ថ្ងៃទី​០៥ មីនា នៅ​ចំណុច​សួន​រិទ្ធី​សែន​នា​ងក​ង្រី ស្ថិត​ក្នុងភូមិ​កណ្តាល សង្កាត់​កំពង់ឆ្នាំង ក្រុង​កំពង់ឆ្នាំង ខេត្តកំពង់ឆ្នាំង​។​

 

​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា ជនរងគ្រោះ​ទាំង​០៣​នាក់​មាន​ទី​១-​ឈ្មោះ មាស ពិសី ភេទ​ប្រុស អាយុ​១៧​ឆ្នាំ ជា​អ្នកបើកបរ​ម៉ូតូ ,​ទី​២-​ឈ្មោះ ថាប់ ធីតា ភេទ​ស្រី អាយុ​១៧​ឆ្នាំ និង​ទី​៣-​ឈ្មោះ សឿន ស្រីមុំ  ភេទ​ស្រី អាយុ​២១​ឆ្នាំ អ្នក​ទាំង​០៣​ជាក​ម្មករក​ម្មការ​នី​រោងចក្រ​កាត់ដេរ​តា​បារាំង ។ ចំណែក​ភាគី​បង្ក​ត្រូវបាន​គេ​ដឹងថា ជា​លោក​ប្រធាន​មន្ទីរ​បរិស្ថាន​ខេត្តកំពង់ឆ្នាំង ដោយ​ជិះ​រថយន្ត​បង្ក ម៉ាក​ហ្វ​ត ពណ៌​ស ពាក់​ស្លាក​លេខ​រដ្ឋ​19 2-0033​។​

 

​ប្រភព​ដដែល​បាន​បន្តទៀតថា  មុនពេល​កើតហេតុ​ជនរងគ្រោះ​ទាំង​៣​នាក់​បាន​ជិះ​ម៉ូតូ​មួយគ្រឿង​ម៉ាក​ស្មា​ស់រី​វ៉ូ ពណ៌​ខ្មៅ អត់​ស្លាក​លេខ ។ លុះ​បើក​មកដល់​ចំណុចកើតហេតុ​ក៏ត្រូវ​បង្ក​បុក​បណ្តាលឱ្យ​ពួកគេ​ដួល​រងរបួស ។ ក្រោយពេល​កើត ដោយ​ភាពមិន​ទទួលខុសត្រូវ លោក​ប្រធាន​មន្ទីរ​ក៏បាន​បើករថយន្ត​រត់គេច ទៅ​លាក់ទុក​នៅ​ហាង​លក់​ទឹកត្នោតជូ​យីហោ សៀ លី​ហួរ ឋិត​ក្នុងភូមិ​ចំការ​តា​ម៉ៅ ឃុំ​ស្រែ​ថ្មី ស្រុក​រលាប្អៀរ ដើម្បី​ដូរ​កង់​ក្រោយ ព្រោះថា​ពេល​កិន​ម៉ូតូ​នោះ​រថយន្ត​បាន​បែក​កង់​ក្រោយ​ដែរ ។​

 

​ចំពោះ​បញ្ហា​ខាងលើនេះ មជ្ឈដ្ឋាន​មហាជន​រង់ចាំ​មើលថា តើ​សមត្ថកិច្ច​ចរាចរ​ក្រុង​កំពង់ឆ្នាំង​ដោះស្រាយ​បែបណា​ទៅវិញ​? ចំណែក​ប្រភពពី​លោក​ប្រធាន​មន្ទីរ​បរិស្ថាន​ខេត្ត​បានឱ្យដឹងថា លោក​មិនបាន​បើកឡាន​កិន​ត្រូវ​ម៉ូតូ​អ្នករងគ្រោះ​នោះទេ គឺ​ពួកគាត់​ទេ ដែលជា​អ្នកបើក​ម៉ូតូ​មក​បុក​ចំ​កង់​រថយន្ត​របស់លោក ហើយ​ត្រូវតែ​ចេញ​លុយ​សង​កង់ឡាន​ទើបត្រូវ ។ អ្នក​ដែល​ឃើញ​ហេតុការណ៍​នោះបាន​ខ្សឹបខ្សៀវ​គ្នា​ថា បើសិនជា​លោក​ប្រធាន​មន្ទីរ​មិនមាន​កំហុស​ទេនោះ ចុះ​ហេតុអ្វី​ចាំបាច់​បើករថយន្ត​រត់គេច ពេល​សមត្ថកិច្ច​តាម​ទាន់​បែរជា​ឱ្យ​ភាគី​ម៉ូតូ​ជា​អ្នក​សង​ថ្លៃ​កង់​រថយន្ត​ខ្លួន​ទៅវិញ ៕

 

Leave a Reply

(*) Required, Your email will not be published