លោក តន់ ចាន់​ធី ​មេ​គយ​ច្រកទ្វារ​ព្រែក​ចាក ​ស្រវឹង​បើករថយន្ដ​ បុក​​ប្រជា​ពលរ​ដ្ឋ​ហើយ​មិន​ទទួលខុសត្រូវ

, , Leave a comment

​រាជធានី​ភ្នំពេញ ៖ ដោយ​ឃើញ​នូវ​សភាព​ទើសភ្នែក​ពេក ប្រជាពលរដ្ឋ​ម្នាក់​បាន​រាយការណ៍​ប្រាប់​ភ្នាក់ងារ​សារព័ត៌​មានកំណើត អំពី​សកម្មភាព​របស់​លោក តន់ ចាន់​ធី ប្រធាន​ទីស្នាក់ការ​គយ​មាត់ច្រក​ព្រែក​ចាក ផឹកស្រា ស្រវឹង ហើយ​បើករថយន្ដ​បង្ក​គ្រោះថ្នាក់​ចរាចរណ៍ ដោយ​ធ្វើឱ្យ​ប្រជាពលរដ្ឋ​ម្នាក់​រងរបួស​ធ្ងន់ធ្ងររួចហើយ​រត់គេចខ្លួន​មិន​ទទួលខុសត្រូវ ។​

 

​ប្រភពពី​ប្រជាពលរដ្ឋ​បាន​អះអាងថា លោក​មេ​គយ​ព្រែក​ចាក​ឈ្មោះ តន់ ចាន់​ធី បាន​បើករថយន្ដ​ម៉ាក​ហ្វ័​រ​រឺ​នឺ​ពណ៌​ស​មួយគ្រឿង ដោយមាន​ដឹក​ស្រី​ស្នេហ៍​ផងដែរ​នោះ ចេញពី​ច្រៀង​នៅ​ហាង​ខារ៉ាអូខេ រួចហើយ​បាន​បើកបរ ជ្រុល​ទៅបុក​ប្រជាពលរដ្ឋ​ម្នាក់ នៅ​ខេត្ដ​កែប​បណ្ដាលឱ្យ​រង របួស​ធ្ងន់ធ្ងរ បន្ទាប់មក​ក៏​បើករថយន្ដ​ទាំង បែក​កង់​រត់​រហូតដល់​ធ្លាក់​ផ្លូវ​ទៅមុខ​លែងរួច​ទើប​បើកទ្វារ​រថយន្ដ​រត់គេច​ខ្លួន​បាត់ ។ មិនតែប៉ុណ្ណោះ​ពេល​សមត្ថកិច្ច​ហៅ​ឱ្យចូល​ខ្លួន​ទៅ​ដោះស្រាយ​បែរជា​លោក តន់ ចាន់​ធី បដិសេធថា រូបគាត់​មិនមែនជា​អ្នកបើក​បង្ក​ទេ គឺ​អ្នកផ្សេង​ជា​អ្នកបើក​ទៅវិញ។​

 

​ជុំវិញ​បញ្ហា​ខាងលើ​មិនទាន់មាន​ការបកស្រាយ​បញ្ជាក់​បំភ្លឺ​ពី​លោក តន់ ចាន់​ធី ប្រធាន​ទីស្នាក់ការ​គយ​មាត់ច្រក​ព្រែក​ចាក នោះឡើយ​ទេ​៕

 

Leave a Reply

(*) Required, Your email will not be published