ចេញ​ប្រតិបត្តិ​ការបង្ក្រាប​កន្លែង​បញ្ជល់មាន់​ខុសច្បាប់ ដែលជា​ដើមចម​នៃ​ភាពអសន្តិសុខ ឃាត់ខ្លួន​បាន​៥​នាក់​

, , Leave a comment

​រាជធានី​ភ្នំពេញ ៖ កាលពី​រសៀល​ថ្ងៃទី ០២ ខែមីនា ឆ្នាំ​២០១៤ កម្លាំង​នគរបាល​ខណ្ឌ​សែន​សុខ បាន​ចុះទៅ​បង្ក្រាប​សង្វៀន​បញ្ជល់មាន់​ខុសច្បាប់​មួយកន្លែង​ឋិត​នៅ​ចំណុច​ក្រុមទី​៥ ផ្លូវលំ ភូមិ​ទំនប់ សង្កាត់​ភ្នំពេញ​ថ្មី ខណ្ឌ​សែន​សុខ ដោយ​ឃាត់ខ្លួន​អ្នកញៀន​ល្បែង​ជល់​មាន់ ចំនួន ៥​នាក់ ។​

 

​ប្រភពពី​របាយការណ៍​សមត្ថកិច្ច​មូលដ្ឋាន​បានឱ្យដឹងថា មនុស្ស​ទាំង​៥​នាក់​ដែល​ត្រូវ​ចាប់ខ្លួន​រួមមាន ទី​១ ឈ្មោះ លន ធា អាយុ ២៥​ឆ្នាំ មុខរបរ នៅផ្ទះ ស្នាក់នៅ ផ្ទះជួល ក្រុមទី​៥ ផ្លូវលំ ភូមិ​ទំនប់ សង្កាត់​ភ្នំ ពេញ​ថ្មី ទី​២ ឈ្មោះ លាង ហេង អាយុ​២៥ ឆ្នាំ មុខរបរ នៅផ្ទះ រស់នៅ​ផ្ទះជួល ផ្លូវ​រ៉ា​ដា ភូមិ​ទំនប់ សង្កាត់​ភ្នំពេញ​ថ្មី ទី​៣ ឈ្មោះ​ស៊ុន វិចិត្រ អាយុ ២៩​ឆ្នាំ មុខរបរ ជាង​ជួសជុល រថយន្ដ ស្នាក់នៅ​ក្នុង​យាន្ដ​ដ្ឋា​ន សង្កាត់​បឹង សាឡាង ខណ្ឌទួលគោក ទី​៤ ឈ្មោះ លី កា អាយុ​២៧​ឆ្នាំ មុខរបរ ជាងភ្លើង រស់នៅ ភូមិ​អូរ​បែកក្អម សង្កាត់​ទឹកល្អក់​ទី​៣ ខណ្ឌ ទួលគោក និង​ទី​៥​ឈ្មោះ អែល អង្គា អាយុ ៣៤​ឆ្នាំ មុខរបរ យោធា រស់នៅ​សង្កាត់ កា​កាប ខណ្ឌ​ពោធិ៍​សែន​ជ័យ ។​

 

​ក្រោយ​ការបង្ក្រាប និង​ចាប់ខ្លួន​រួចមក​កម្លាំង​សមត្ថកិច្ច​បាន​ដកហូត​វត្ថុតាង​រួមមាន​មាន់​ឈ្មោល​ជល់​៥​ក្បាល ជញ្ជីង​សម្រាប់​ថ្លឹង​មាន់ ១​លុយ​ដុល្លារ​៦៤០​ដុល្លារ និង​ម៉ូតូ​ចំនួន​៥​គ្រឿង ព្រមទាំង​សម្ភារៈ មួយចំនួនទៀត​នាំទៅ​អធិការដ្ឋាន​នគរបាល​ខណ្ឌ​សែន​សុខ ដើម្បី​មាន​វិធានការ​តាមផ្លូវ​ច្បាប់ ៕

03-3-2014 03-3-2014 (1) 03-3-2014 (2) 03-3-2014 (3)

 

Leave a Reply

(*) Required, Your email will not be published