ចេញពី​គុក​មិនបាន​ប៉ុន្មាន អត់​កែ​ទម្លាប់ ជាប់​បន្ត​

, , Leave a comment

​រាជធានី​ភ្នំពេញ ៖ សមត្ថកិច្ច​នគរបាល​ខណ្ឌដូនពេញ​ចាប់​ឃាត់ខ្លួន​ក្រុម​ឆក់​ដ៏​សកម្ម ខណៈដែល​ពួកគេ​ធ្វើ​សកម្មភាព​ឆក់​ទូរស័ព្ទ​ជនបរទេស​មិនបាន​សម្រេច ។ ហេតុការណ៍​នេះ​បាន​កើ​ត​ឡើង​​កាលពី​វេលា​ម៉ោង ១០ និង​៤៥​នាទី​ព្រឹក​ថ្ងៃទី​២៧ ខែកុម្ភៈ ឆ្នាំ​២០១៤ នៅ​ខាងត្បូង​ផ្សារ​ទំនើប​សូរិយា តាម​បណ្ដោយ​ផ្លូវ​លេខ​៦៣ កែង​ផ្លូវ​លេខ​១៥៤ សង្កាត់​ផ្សារ​ថ្មី​ទី ១ ខណ្ឌដូនពេញ​។​

 

​ប្រភពពី​សមត្ថកិច្ច​មូល​ដ្ឋា​ន​បាន​ឲ្យ​ដឹងថា ជនសង្ស័យ​ដែល​ចាប់​ឃាត់ខ្លួន​បាន​នោះ​មាន ទី​១. ឈ្មោះ កន ជី​វ័​ន្ត អាយុ ២០​ឆ្នាំ មុខរបរ​មិន​ពិតប្រាកដ ស្នាក់នៅ ផ្ទះ លេខ ១០៦ ផ្លូវ​លេខ ៨០ សង្កាត់​ស្រះចក​។ ជនសង្ស័យ​រូបនេះ ធ្លាប់​ជាប់គុក​រយៈពេល ១​ឆ្នាំ​ម្តង​រួចមកហើយ  កាលពី​ឆ្នាំ​២០១៣​។ ជនសង្ស័យ​ទី​២. ឈ្មោះ ប៉ិច វណ្ណ​ណេ​ត អាយុ ២២​ឆ្នាំ មុខរបរ​លក់​ចង្រិត ស្នាក់​នៅផ្ទះ​លេខ ១៤៣ ផ្លូវ​លេខ​៥៧ ភូមិ​ដើម​ចាន់ សង្កាត់​ច្បារអំពៅ​២ ។ ក្រោយ​ឃាត់ខ្លួន​ជនសង្ស័យ​ទាំងពីរ​សមត្ថកិច្ច​បាន​រឹបអូស​ម៉ូតូ​ជនសង្ស័យ​មួយគ្រឿង​ម៉ាក​សេ​១២៥ ពណ៌​ខ្មៅ ស៊េរី​២០១៤ គ្មាន​ស្លាក​លេខ ។​

 

​បច្ចុប្បន្ន​ជនសង្ស័យ​ទាំងពីរ ត្រូវបាន​សមត្ថកិច្ច​នាំ​ទៅ​សាកសួរ និង​ឃុំខ្លួន​បណ្តោះអាសន្ន​នៅ​អធិការដ្ឋាន នគរបាល​ខណ្ឌដូនពេញ ដើម្បី​កសាង​សំណុំរឿង​បញ្ជូនទៅ​ស្នងការដ្ឋាន​នគរបាល​រាជធានី​ភ្នំពេញ​៕

27-2-2014

 

Leave a Reply

(*) Required, Your email will not be published