សមត្ថកិច្ច​បើក​ប្រតិបត្តិការ​បំបែកសម្បុក​ចែកចាយ​គ្រឿងញៀន ឃាត់ខ្លួន​បាន​ជនសង្ស័យ​ចំនួន​៨​នាក់​

, , Leave a comment

​រាជធានី​ភ្នំពេញ ៖ មុខ​ស​ញ្ហា​ចែកចាយ​គ្រឿងញៀន​៨​នាក់ ត្រូវបាន​សមត្ថកិច្ច​បើក​ប្រតិបត្តិ​ការបង្ក្រាប​កាលពី​វេលា​ម៉ោង​១១​និង​៤៥​នាទី​ព្រឹក ថ្ងៃទី​២៦ ខែកុម្ភៈ ឆ្នាំ​២០១៤​ត្រង់ចំណុច​ផ្ទះ​លេខ​២៤B ផ្លូវ​លេខ​៦៦៦ ក្រុម​១ ភូមិ​១ សង្កាត់​បឹង​សាឡាង ខណ្ឌទួលគោក រាជធានី​ភ្នំពេញ ។​

 

​ប្រភពពី​សមត្ថកិច្ច​មូល​ដ្ឋា​ន​បាន​ឲ្យ​ដឹងថា ជនសង្ស័យ​ដែល​ត្រូវ​ឃាត់ខ្លួន​រួមមាន ៖ ១-​ឈ្មោះ ណៃ ម៉េង ភេទ​ប្រុស អាយុ​៤២​ឆ្នាំ​, ២- ឈ្មោះ អែល សារិន ភេទ​ប្រុស អាយុ​៣៧​ឆ្នាំ​, ៣-​ឈ្មោះ មាស ចិន្តា ភេទ​ស្រី អាយុ​៣៣​ឆ្នាំ​, ៤-​ឈ្មោះ ច័ន្ទ ម៉ី​ម៉ី ភេទ​ស្រី អាយុ​២២​ឆ្នាំ​, ៥-​ឈ្មោះ សេង សំណាង ភេទ​ប្រុស អាយុ​១៧​ឆ្នាំ​, ៦-​ឈ្មោះ ជុំ កញ្ញា ភេទ​ស្រី អាយុ​១៧​ឆ្នាំ​, ៧- ឈ្មោះ ម៉ៅ លក្ខិណា ភេទ​ស្រី អាយុ​៣៧​ឆ្នាំ និង​៨-​ឈ្មោះ ម៉ៅ ស្រី​ខួច ភេទ​ស្រី អាយុ​២២​ឆ្នាំ ។​

 

​ក្រោយពេល​ឃាត់ខ្លួន​ជនសង្ស័យ​ខាងលើ​សមត្ថកិច្ច​ឆែកឆេរ និង​ដកហូត​វត្ថុតាង​មួយចំនួន​រួមមាន​ថ្នាំញៀន​ប្រភេទ​ម៉ា​ទឹកកក ជាង​២០០​ក្រាម​, ថ្នាំញៀន​ប្រភេទ​យ៉ាម៉ា​១៣២​គ្រាប់​, កាំភ្លើងខ្លី​១​ដើម​ម៉ា​កឡុក​, រថយន្ត​មួយគ្រឿង​ម៉ាក RAV4 មួយគ្រឿង ពណ៌​ខ្មៅ ពាក់​ស្លាក​លេខ​ភ្នំពេញ 2B-3923, ម៉ូតូ​១​គ្រឿង​ម៉ាក​ហុងដា​ឌ្រី​ម សេ​១២៥ ស៊េរី​ឆ្នាំ​២០១៣ មួយគ្រឿង​ពាក់​ស្លាក​លេខ​1CB-2754 ។

 

​បច្ចុប្បន្ន ជនសង្ស័យ និង​វត្ថុតាង​សមត្ថកិច្ច​កសាង​សំណុំរឿង បញ្ជូនទៅ​សាលាដំបូង​រាជធានី​ភ្នំពេញ ដើម្បី​ចាត់ការ​បន្ត​តាម​នីតិវិធី ៕

 27-2-2014 (2)

27-2-2014 (1)

 

Leave a Reply

(*) Required, Your email will not be published