មនុស្ស​១០​បាន​ស្លាប់ ខណៈដែល​អគារ​របស់​មន្ទីរពេទ្យ Ramathibodi Hospital បាក់​សង្កត់ ក្នុងនោះ​ជនជាតិខ្មែរ​ពី​២​នាក់​

, , Leave a comment

​ប្រទេស​ថៃ ៖ យ៉ាងហោចណាស់​មនុស្ស​១០​បាន​ស្លាប់ និង​១៦​នាក់​ផ្សេងទៀត​បានទទួល​រងរ​បួស​ធ្ងន់ និង​ស្រាល ក្នុង​ហេតុការណ៍​បាក់​អគារ​ដែល​កំពុង​សាងសង់ នៅ​ស្រុក​បាង​ភី នៃ​ខេត្ត​សមុទ្រ​ប្រកាន ជិត​ក្រុង​បាងកក នៃ​ប្រទេស​ថៃ ។ នេះ​បើ​យោងតាម​គេហទំព័រ​ការផ្សព្វផ្សាយ​របស់​ទីភ្នាក់ងារ The Nation នៃ​ប្រទេស​ថៃ​។​

 

​ប្រភពពី​ទីភ្នាក់ងារ The Nation បញ្ជាក់ថា មនុស្ស​ដែល​ស្លាប់​១០​នាក់​នោះ​រួមមាន ជនជាតិ​កម្ពុជា​២​នាក់ ជនជាតិ​ថៃ និង​មី​យ៉ាន់​៨​នាក់ ។​ ​ពួក​មន្ត្រី​ជួយសង្គ្រោះ​បាន​និយាយថា ផ្ល​ង់​សេ បាន​ធ្លា​ក់ជាប់​នឹង​អគារ​ទី​១​និង​ទី​២​នៅ​ជា​ន់ទី​។​ផ្ល​ង់​សេ​នោះ មាន​ប្រវែង​២០​គុណ​នឹង​១៥​ម៉ែត្រ និង​កម្រាស់​០,៣​ម៉ែត្រ បាន​ធ្លាក់​ទៅលើ​ជាន់​ទី​២ ហើយ​សង្កត់​លើ​កម្មករ​ដែល​កំពុង​ស្រស់ស្រូប​អាហារ​។ ផ្ល​ង់​សេ​ស៊ីម៉ង់ត៍​បាន​បាក់​ធ្លាក់ ពី​សំណង់​ដែលជា​ផ្នែក​មួយ​នៃ​ការពង្រីក​មជ្ឈមណ្ឌល​វេជ្ជសាស្ត្រ​ចក្រី ណា​រឺ​បូ​ឌី​ន​ដ្រា របស់​មន្ទីរពេទ្យ​Ramathibodi Hospital​។​

 

​សំណង់​អគារ​នេះ នៅ​ផ្នែក​ខាងជើង​មាន​ស្នាម​ប្រេះ និង​រន្ទារ​កោង​។ ពួក​វិស្វករ​បាន​និយាយថា ក្រុម​អ្នក​ជួយសង្គ្រោះ​ប្រឈម​នឹង​គ្រោះថ្នាក់ ពីព្រោះ​អគារ​ទាំងមូល​អាច​នឹង​រលំ​។ សំណង់​អគារ​មួយ​នេះ ក្រុមហ៊ុន​ថៃ​-​អ៊ីតាលី ជា​អ្នកម៉ៅការ​សាងសង់ ហើយ​ក្រុមហ៊ុន​ACSE 110 Consortium​ជា​អ្នកត្រួតពិនិត្យ​គំរោង​។​

 

​អាជ្ញាធរ​ថៃ បាន​សន្យាថា នឹងធ្វើ​ការស៊ើបអង្កេត​ចំពោះ​គ្រោះថ្នាក់​នេះ ហើយ​ធានា​សង​ដល់​គ្រួសារ​ជនរងគ្រោះ​។ មិនទាន់មាន​ព័ត៌មាន​បញ្ជាក់​អំពី​អត្តសញ្ញាណ​ជនរងគ្រោះ​នៅឡើយ​ទេ តែ​សារព័ត៌មាន The Nation បញ្ជាក់ថា អ្នកស្លាប់​ពីរ​នាក់​គឺជា​ជនជាតិ​កម្ពុជា​៕

26-2-2014 (1) 26-2-2014

 

Leave a Reply

(*) Required, Your email will not be published