មុខសញ្ញា​ប្លន់​ប្រដាប់អាវុធ ត្រូវបាន​សមត្ថកិច្ច​ចាប់បាន​ក្រោយ​ធ្វើ​សកម្ម​ភាពមិន​បានសម្រេច​

, , Leave a comment

​រាជធានី​ភ្នំពេញ ៖ ​មុខសញ្ញា​ប្លន់​ប្រដាប់អាវុធ​២​នាក់ ត្រូវបាន​សមត្ថកិច្ច​ធ្វើការ​ឃាត់ខ្លួន​ក្រោយ​ពេលដែល​ក្រុម​ជន​នោះ​ធ្វើ​សកម្មភាព​ភ្ជង់​គំរាម​យក​ម៉ូតូ​ជនរងគ្រោះ កាលពី​វេលា​រំលងអធ្រាត្រ​មិនបាន​សម្រេច ដោយ​ការប្រតាយប្រតប់​ជាមួយ​ម្ចាស់​ម៉ូតូ ហើយ​បាន​បើក​ម៉ូតូ​គេចខ្លួន ។ ការឃាត់ខ្លួន​នេះ​ធ្វើឡើង​កាលពី​ថ្ងៃទី​២២ ខែកុម្ភៈ ឆ្នាំ​២០១៤ ឋិត​នៅ​បន្ទប់​ជួល​ផ្ទះ​លេខ​៦១៧F ឋិត​នៅក្នុង​សង្កាត់​ទួល​សង្កែ ខណ្ឌឫស្សីកែវ រាជធានី​ភ្នំពេញ​។​

 

​ប្រភពពី​សមត្ថកិច្ច​បា​ន​ឲ្យ​ដឹងថា ជនសង្ស័យ​ទាំង​២​នាក់​មានឈ្មោះ សុខ ពាង ភេទ​ប្រុស អាយុ​២០​ឆ្នាំ មាន​ទីលំនៅ​ក្នុង​សង្កាត់​ទួល​សង្កែ និង​ឈ្មោះ វ៉ា គឹម​អៀង ភេទ​ប្រុស អាយុ​២០​ឆ្នាំ ស្នាក់នៅ​ផ្ទះជួល​ខាងលើ មាន​ស្រុកកំណើត​ខេត្តកំពង់ចាម ។​

 

​ប្រភព​ដដែល​បាន​បន្តទៀតថា ករណី​ប្លន់​ប្រដាប់អាវុធ​យក​ម៉ូតូ​មិន​បាស​ម្រេច ហើយ​ឈានដល់​ការឃាត់ខ្លួន​ជន សង្ស័យ​ទាំង​២​នាក់​នេះ ជនល្មើស​បានធ្វើ​សកម្មភាព​នៅលើ​បណ្តោយ​ផ្លូវជាតិ​លេខ​៥ កែង​ផ្លូវ លេខ​៥៩៨ នៅវេលា​ម៉ោង​២​និង​៣០​នាទី​រំលងអធ្រាត្រ ក្នុង​សង្កាត់​ច្រាំង​ចំរេះ​១ ខណ្ឌឫស្សីកែវ ។ ក្នុងការ​ឃាត់ខ្លួន​ជនសង្ស័យ​ទាំង​២​នាក់​នេះ សមត្ថកិច្ច​បាន​ដកហូត​ម៉ូតូ​២​គ្រឿង ជា​របស់ ជនសង្ស័យ​ជិះ​ធ្វើ​សកម្មភាព ១​គ្រឿង​ម៉ាក​ស្គូ​ពី ពណ៌​ឈាមជ្រូក ពាក់​ស្លាក​លេខ​ភ្នំពេញ​1BV-9979 រួម​ជាមួយនឹង​អាវុធខ្លី​មួយ​ដើម​ផងដែរ ។​

 

​បច្ចុប្បន្ន​ជនសង្ស័យ​រួម​នឹង​វត្ថុតាង ត្រូវបាន​សម្ថ​កិច្ច​ជំនាញ កំពុង​កសាង​សំណុំរឿង​បញ្ជូនទៅ​តុលាការ ដើម្បី​ចាត់ការ​តាម​នីតិវិធី​ច្បាប់​៕​

23-2-2014 23-2-2014 (1)

 

Leave a Reply

(*) Required, Your email will not be published