របួសធ្ងន់ ស្រាល ៥​នាក់ ក្នុង​ហេតុការណ៍​គ្រោះថ្នាក់​ចរាចរណ៍​បុក​បន្តបន្ទាប់​រវាង​ម៉ូតូ និង​កង់​

, , Leave a comment

​រាជធានី​ភ្នំពេញ​ ៖ យ៉ាងហោចណាស់​មនុស្ស​៥​នាក់​បាន​រងរបួស​ធ្ងន់ និង​ស្រាល​ក្នុង​ហេតុការណ៍​គ្រោះថ្នាក់​ចរាចរណ៍​បុក​បន្តបន្ទាប់​រវាង​ម៉ូតូ និង​កង់ ។ ហេតុការណ៍​នេះ​បាន​កើតឡើង​កាលពី​ថ្ងៃទី​១៨ ខែកុម្ភ​: ឆ្នាំ​២០១៤ ស្ថិតនៅ តាម​បណ្តោយ​ផ្លូវ​ព្រះ​នរោត្តម នៅមុខ​បុរី​ចំការមន ក្នុង​សង្កាត់​ទន្លេបាសាក់ ខណ្ឌចំការមន រាជធានី​ភ្នំពេញ ។​

 

​ប្រភពពី​សមត្ថកិច្ច​នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​គេ​ឃើញ​យុវជន​មួយក្រុម​នេះ បើក​ម៉ូតូ​ម៉ាក​សេ​១២៥ ពណ៌​ខ្មៅ​ពាក់​ស្លាក​លេខ​ភ្នំពេញ​1BK-9782​មាន​គ្នា​៣​នាក់ ក្នុងទិសដៅ​ពី​ត្បូង​ទៅ​ជើង​ពោល គឺ​បើក​ចុះ​ពី​ស្ពាន​អាកាស​ក្បាលថ្នល់​ក្នុង​ល្បឿន​យ៉ាង​លឿន លុះ​មកដល់ ចំណុចកើតហេតុ​បាន​ជ្រុល​ទៅបុក​កង់​ជិះ​ដោយ​នារី​ម្នាក់​ពេញ​មួយ​ទំហឹង​បណ្តាល​នារី​រងគ្រោះ ផ្លោង​ទៅបុក​នឹង​ម៉ូតូ មួយគ្រឿង​ទៀត ម៉ាក គុប​ជ្រុង ពណ៌​ទឹក​ប៊ិក ពាក់​ស្លាក​លេខ ភ្នំពេញ 1I-0570 ដែល​បណ្តាល​ឲ្យ​រងរបួស​មនុស្ស​ចំនួន​៥​នាក់ ក្នុងនោះ​២​នាក់​រងរបួស​ធ្ងន់​។​

 

​ប្រភព​ដដែល​បាន​បន្តទៀតថា ជនបង្ក​មានឈ្មោះ ហេង វុ​ទ្ឋី អាយុ ២៦​ឆ្នាំ រងរបួស​ធ្ងន់ និង​អ្នកជិះ​ពីក្រោយ ២​នាក់ រងរបួស ស្រាល ហើយ​ពួកគេ​ទាំងនេះ ស្នាក់នៅ​សង្កាត់ ចាក់អង្រែលើ ខណ្ឌមានជ័យ ។ ចំណែក​នារី​រងគ្រោះ​ដែល​ជិះ​កង់​ឈ្មោះ ចែម សូ​នី​តា អាយុ ២២​ឆ្នាំ លក់ដូរ ស្នាក់នៅ​សង្កាត់​ព្រែកប្រា ខណ្ឌមានជ័យ​រងរបួស​ធ្ងន់ ។ ដោយឡែក នារី​រងគ្រោះ​ម្នាក់ទៀត ឈ្មោះ កូវ ពៅ អាយុ ៤០​ឆ្នាំ ស្នាក់​នៅផ្ទះ​លេខ​១៦៤១ ភូមិ​ទួល​រកា សង្កាត់​ចាក់អង្រែ​ក្រោម ខណ្ឌមានជ័យ បើក​ម៉ូតូ​ម៉ាក គុប​ជ្រុង រងរបួស​ស្រាល​។​

 

​ក្រោយ​កើតហេតុ​សមត្ថកិច្ច​ចុះ​ធ្វើ​អន្តរាគមន៍ និង​យក​ម៉ូតូ​ជនបង្ក ម៉ូតូ​ជនរងគ្រោះ និង​កង់​ជនរងគ្រោះ​ទៅ​រក្សាទុក​នៅ​អធិការដ្ឋាន រង់ចាំ​ការដោះស្រាយ​ជា​ក្រោយ​៕

19-2-2014

 

Leave a Reply

(*) Required, Your email will not be published