រថយន្ត​ដឹក​ដី​បុក ហើយ​កិន​បុរស​ម្នាក់​បែកក្បាល​ធ្លាយ​ខួរ ស្លាប់​យ៉ាង​អាណោចអាធ័ម នៅនឹងកន្លែង​កើតហេតុ​

, , Leave a comment

​រាជធានី​ភ្នំពេញ ៖ បុរស​ម្នាក់​បាន​ដេកស្លាប់​ក្នុង​ថ្លុកឈាម​យ៉ាង​អាណោចអាធ័ម ក្នុង​ហេតុការណ៍​គ្រោះថ្នាក់​ចរាចរណ៍​មួយ​ដែល​បណ្តាលមកពី​រថយន្ត​បែន​ដឹក​ដី​បុក ហើយ​កិន​បែកក្បាល។ ហេតុការណ៍​នេះ​បាន​កើតឡើង​កាលពី​វេលា​ម៉ោង​៣ និង​៣០​នាទី​រសៀល ថ្ងៃទី​១៥ ខែកុម្ភៈ ឆ្នាំ​២០១៤  នៅ​ចំណុច​ផ្លូវលំ ទល់មុខ​ឡឥដ្ឋ ស្ថិតក្នុង​ភូមិ​ក្ដី​ចាស់ សង្កាត់​បាក់​ខែង ខណ្ឌ​ឬ​ស្សី​កែវ រាជធានី​ភ្នំពេញ​។​

 

​ប្រភពពី​សមត្ថកិច្ច​មូល​ដ្ឋា​ន​បាន​ឲ្យ​ដឹងថា ជន​រង​គ្រង​គ្រោះ​ដែល​ស្លាប់​នោះ​មានឈ្មោះ ឡូញ ឡុ​ច ភេទ​ប្រុស អាយុ​៣៣​ឆ្នាំ មុខរបរ​អ្នកនេសាទ​ត្រី ស្នាក់នៅ​ភូមិ​ព្រែក​ថ្មី ឃុំ​ព្រែក​ថ្មី ស្រុក​មុខកំពូល ខេត្តកណ្ដាល ។  ចំណែក​រថយន្ត​បង្ក​ជា​រថយន្ត​ដឹក​ដី ម៉ាក​ហ៊ី​ណូ ពណ៌​ខ្មៅ​លា​យស ពាក់​ស្លាក​លេខ​ភ្នំពេញ​3A-0432​។​

 

​ប្រភព​ដដែល​បាន​បន្តទៀតថា មុនពេល​កើតហេតុ​ជនរងគ្រោះ​បាន​ជិះ​ម៉ូតូ​ម៉ាក​សង់​កូរ៉េ ពណ៌​ក្រហម​អត់​មាន​ស្លាក​លេខ​ឌុប​ត្រី​ពីក្រោយ ក្នុងទិសដៅ​ពី​ជើង​ទៅ​ត្បូង ។  លុះ​មកដល់​ចំណុចកើតហេតុ​មាន​រថយន្ត​បង្ក​ដែល​បើកបរ​ក្នុងទិសដៅ​ច្រាស​គ្នា បាន​បុក​ពេញ​មួយ​ទំហឹង ហើយ​កិន​បែកក្បាល ស្លាប់​ភ្លាមៗ នៅក្នុង​កន្លែងកើតហេតុ ។ ដោយ​ឃើញ​សភាព​បែបនេះ​អ្នកបើកបរ​រថយន្ត​បង្ក​បាន​រត់គេចខ្លួន​បាត់ស្រមោល ដោយ​បន្សល់ទុក​រថយន្ត​នៅនឹងកន្លែង​កើតហេតុ​។​

 

​ក្រោយ​កើតហេតុ​សមត្ថកិច្ច​ចុះ​ធ្វើការ​វាស់វែង និង​យក​រថយន្ត​បង្ក ម៉ូតូ​ជនរងគ្រោះ ទៅ​រក្សាទុក​នៅ​អធិការដ្ឋាន​នគ​បាល​ចរាចរណ៍​ជើងគោក​រាជធានី​ភ្នំពេញ ដើម្បី​រង់ចាំ​ការដោះស្រាយ​តាមផ្លូវ​ច្បាប់​។ ចំណែក​សព​ជនរងគ្រោះ​ត្រូវបាន​សាច់ញាតិ យកទៅ​ធ្វើបុណ្យ​តាម​ប្រពៃណី​៕

16-2-2014

16-2-2014 (2)  16-2-2014 (1)

 

Leave a Reply

(*) Required, Your email will not be published