រូប​សេះ​ដុះស្លាប​បង្កើត​ពី​ស្មា​ត​ហ្វូ​ន​៣ ៥០០​គ្រឿង​(​វិ​ដេ​អូ​)

, , Leave a comment

​ប្រទេស​អេ​ស្ប៉ា​ញ ៖ សិល្បៈ​នៃ​ការច្នៃប្រឌិត​មួយ​ដ៏​អស្ចារ្យ​ដែល​បាន​បង្កើត​ឡើងជា​រូប​សេះ​យក្ស​មួយ​ដែល​ផ្គុំ​ឡើង​ពី​ទូរស័ព្ទ​សុទ្ធសាធ ដែល​ត្រូ​វ​បា​ន​​នាំយក​ចេញមក​តាំង​បង្ហាញ​នៅក្នុង​ផ្នែក ​ខាងមុខ​នៃ​ច្រកចូល​ទៅកាន់​កម្មវិធី​សមាជ​ទូរស័ព្ទដៃ​ពិភពលោក​នៅក្នុង​ទីក្រុង​Barcelona ប្រទេស​អេ​ស្ប៉ា​ញ​។ នេះ​បើ​យោងតាម​ការចុះផ្សាយ​រប​ស់​គេហទំព័រ​សង្គម​ក​ម្សា​ន្ត ញូ​ស៊ី​នេ​ត ។​

 

​ពេលនេះ​ការងារ​ផ្នែក​បុរាណវត្ថុ​មើលទៅ​ពិតជា​អស្ចារ្យ និង​រូបចម្លាក់​នេះ​កើតចេញពី​ការតភ្ជាប់​គ្នា​ជា​កំណាត់ៗ ដោយ​ទូរស័ព្ទ​ស្មា​ត​ហ្វូ​ន ដែល​ធ្វើឱ្យ​វា​មាន​ទំហំ និង​កម្ពស់​ទាំងមូល​ស្មើនឹង​១៩​ហ្វី​ត នឹង​ស្លាប​ដ៏​ធំ​មាន​ប្រវែង​១៦​ហ្វី​ត ។ បើ​យោងទៅតាម​អ្នក​ស្ថាបនា​បានឱ្យដឹងថា ការធ្វើ​ឲ្យ​ចេញ​ជា​រូបរាង​សេះមួយ​នេះ​បាន​ចំណាយពេល​វេលា​អស់​ប្រហែល​៧២០​ម៉ោង​។

 

​ក្រុមហ៊ុន​ផលិតផល​ចិន Huawei ដែលជា​អ្នកផ្ដើមគំនិត និង​ជា​អ្នក​ស្ថាបនា​រូបនេះ​ឡើង​បាន​និយាយថា គេ​បាន​ខំប្រឹង​ធ្វើ​រូបនេះ​ឲ្យ​មាន​លក្ខណៈ​ល្អឥតខ្ចោះ​ក្នុងន័យ​ដើម្បី​បង្ហាញ​ពី​ឥទ្ធិពល​នៃ បច្ចេកវិទ្យា​របស់គេ​។ រូប​សេះមួយ​នេះ​ពិតជា​អស្ចារ្យ​វា​បាន​ទាក់ទាញ​ការចាប់អារម្មណ៍​ពី​អ្នកទស្សនា​ជាច្រើន​។ គួររំលឹកថា ការ​បង្ហើ​ត​សេះ​នេះ​ឡើង​បាន​ចំណាយ​ទូរស័ព្ទ​ស្មា​ត​ហ្វូ​ន​ចំនួន​៣៥០០​គ្រឿង ហើយ​វា​ពិតជា​ល្អ​និង​លើកទឹកចិត្ត​សម្រាប់​ក្រុមហ៊ុនទូរស័ព្ទ​ដែល​ពួកគេ​បានទទួល​ជោគជ័យ​លើ​ការផលិត​ក្នុង​ប្រវត្តិសាស្ត្រ​ទូរស័ព្ទដៃ​៕

15-2-2014 (1) 15-2-2014 (2) 15-2-2014 (3) 15-2-2014 (4) 15-2-2014 (5)

 

Leave a Reply

(*) Required, Your email will not be published