សមត្ថកិច្ច​ឃាត់ខ្លួន​ជនសង្ស័យ​៦​នាក់ ពាក់ព័ន្ធ​ករណី​ជួញដូរ​គ្រឿងញៀន បញ្ជូនទៅ​តុលាការ​

, , Leave a comment

​ខេត្ដ​កំពង់ចាម ៖ ជនសង្ស័យ​ជួញដូរ​គ្រឿងញៀន​មួយក្រុម​មាន​គ្នា​៦​នាក់ ក្នុងនោះ​ស្រី​៣​នាក់ ត្រូវ​សមត្ថកិច្ច​ធ្វើការ​ឃាត់ខ្លួន ខណៈដែល​ក្រុម​នេះ​កំពុង​ធ្វើ​សកម្មភាព​ចែកចាយ​ថ្នាំញៀន ។ការឃាត់ខ្លួន​នេះ​ធ្វើឡើង​នៅវេលា​ម៉ោង​១៤​និង​៣០​នាទី​ថ្ងៃទី​១២ ខែ កុម្ភៈ ឆ្នាំ​២០១៤ នៅ​ចំណុច​ភូមិ​ជើង​ឡង សង្កាត់​-​ក្រុង​សួង ខេត្ដ​កំពង់ចាម ។​

 

​តាម​របាយការណ៍​រប​ស់​សមត្ថកិច្ច​បាន​ឲ្យ​ដឹងថា ជនសង្ស័យ​ទាំង​៦​នាក់​មានឈ្មោះ​ទី​១.​ឈ្មោះ​សុខ ឡៃហេង ភេទ​ប្រុស អាយុ ២៩​ឆ្នាំ មាន​ទីលំនៅ​ភូមិ​ធ្លក សង្កាត់​- ក្រុង​សួង ខេត្ដ​កំពង់ចាម​, ទី​២.​ឈ្មោះ ព្រំ ចិត្រ ហៅ​ងោ​រ ភេទ​ប្រុស អាយុ​២១    ឆ្នាំ រស់នៅ​ភូមិ​សួង​កើត សង្កាត់​-​ក្រុង​សួង​, ទី​៣.​ឈ្មោះ​សេង សីហា ហៅ​ឡុ​ក ភេទ ប្រុស អាយុ​២៨​ឆ្នាំ រស់នៅ​ភូមិ​១៥ ឃុំ ជប់ ស្រុក​ត្បូងឃ្មុំ ខេត្ដ​កំពង់ចាម​, ទី​៤. ឈ្មោះ​មឿ​ន ស្រីណូ ហៅ​នូ ភេទ​ស្រី អាយុ ២៥​ឆ្នាំ រស់នៅ​ភូមិ​១៥ ឃុំ​ជប់ ស្រុក​ត្បូង ឃ្មុំ ខេត្ដ​កំពង់ចាម ទី​៥.​ឈ្មោះ​កែវ សារ៉ាត់ ហៅ​លីន ភេទ​ស្រី អាយុ​២៨​ឆ្នាំ នៅ​ភូមិ​ជើង​ខាល ឃុំ​មង់​ខៀវ ស្រុក​ត្បូង ឃ្មុំ និង​ទី​៦.​ឈ្មោះ​សុខ ឃាង ភេទ​ស្រី អាយុ​១៩​ឆ្នាំ មាន​ទីលំនៅ​ភូមិ​តា​ណេង សង្កាត់​សំបួរមាស ក្រុង​-​ខេត្ដ​កំពង់ចាម​។ ក្រោយពី​ឃាត់ខ្លួន​សមត្ថកិច្ច​ឆែកឆេរ​រកឃើញ​ថ្នាំញៀន​ប្រភេទ​ក្រាម​ពណ៌​ស​ចំនួន១២កញ្ចប់ ទម្ងន់២,០០ក្រាម ម៉ូតូចំនួន៣គ្រឿង និង​ឧបករណ៍​សេព​គ្រឿងញៀន​មួយចំនួនទៀត ។

 

​បច្ចុប្បន្ន​ជនសង្ស័យ​ទាំង​៦​នាក់​នឹងត្រូវ​សមត្ថកិច្ច​កសាង​សំណុំរឿង​បញ្ជូនទៅ​សាលាដំបូង​ខេត្ដ​កំពង់ចាម ដើម្បី​ចាត់ការ​តាម​នីតិវិធី ៕

13-2-2014

 

Leave a Reply

(*) Required, Your email will not be published