ជិះ​ម៉ូតូ​លឿន​ជ្រុល​ទៅបុក​រថយន្ត បោក​ក្បាល​ស្លាប់​ម្នាក់ និង​របួសធ្ងន់​ស្រាល​២​នាក់​

, , Leave a comment

រាជធានី​ភ្នំពេញ ៖ យ៉ាងហោចណាស់​បុរស​ម្នាក់​បាន​ស្លាប់​នៅនឹងកន្លែង​កើតហេតុ និង​២​នាក់​ផ្សេងទៀត​បាន​រងរបួស​ធ្ងន់​ស្រាល​ក្នុង​ហេតុការណ៍​គ្រោះថ្នាក់​ចរាចរណ៍​មួយ​ដែល​កើតឡើង​រវាង​រថយន្ត និង​ម៉ូតូ ។ ហេតុការណ៍​គ្រោះថ្នាក់​ចរាចរណ៍​នេះ​បាន​កើតឡើង​កាលពី​វេលា​ម៉ោង​១០​និង​៤៥​នាទី​យប់​ថ្ងៃទី​១០ ខែកុម្ភៈ ឆ្នាំ​២០១៤ ស្ថិតនៅតាម​បណ្តោយ​ផ្លូវជាតិ​លេខ​៣ ក្នុងភូមិ​ទូល​កី សង្កាត់​ភ្លើង​ឆេះ​រទេះ ខណ្ឌ​ពោធិ៍​សែន​ជ័យ រាជធានី​ភ្នំពេញ ។​

 

​ប្រភពពី​សមត្ថកិច្ច​មូល​ដ្ឋា​ន​បាន​ឲ្យ​ដឹងថា មុនពេល​កើតហេតុ​គេ​ឃើញ​បុរសរងគ្រោះ​បាន​គេ​ស្គាល់ឈ្មោះ​ហ៊ុយ សំ​អូន អាយុ​២៤​ឆ្នាំ បាន​ជិះ​ម៉ូតូ​ម៉ាក ហុងដា​សេ​១១០ ស៊េរី​ឆ្នាំ​២០១២ ពណ៌​ខ្មៅ ពាក់​ស្លាក​លេខ​ភ្នំពេញ 1BE-7714 ដោយ​ឌុប​នារី​២​នាក់​ដែលមាន​ឈ្មោះ ឈ្មោះ អោម យ៉ង់ ភេទ​ស្រី អាយុ​៣៥​ឆ្នាំ រងរបួស​ធ្ងន់ និង​ម្នាក់ទៀត​ឈ្មោះ អោម អម ភេទ​ស្រី អាយុ​២៥​ឆ្នាំ  អ្នក​ទាំង​៣​មាន​ស្រុកកំណើត​នៅ​ភូមិ​-​ឃុំ​ព្រៃ​កំប៉ុក ស្រុក​សំរោង​ទង ខេត្តកំពង់ស្ពឺ ដោយ​ធ្វើដំណើរ តាម​បណ្តោយ​ផ្លូវជាតិ​លេខ​ក្នុងទិសដៅ​ពី​ត្បូង​ទៅ​ជើង ។ លុះ​មកដល់​ចំណុចកើតហេតុ​ស្រាប់​តែមាន​រថយន្ត​ឡិច​មួយគ្រឿង​ម៉ាក​ឡិច​ស៊ី​ស​៤៧០ ពណ៌​ស្ករ ពាក់​ស្លាក​លេខ ភ្នំពេញ​2Q-0728 បាន​បើក​សន្សឹមៗ​ឆ្លងផ្លូវ ពេលនោះ​ជនរងគ្រោះ​ជិះ​ម៉ូតូ​លឿន​ពេក ជាន់​ហ្វ្រាំង​មិនទាន់​ក៏​ជ្រុល​ទៅបុក​រថយន្ត​ពីក្រោយ​ពេញទំហឹង​ប ណ្តា​ល​ឲ្យ​ជនរងគ្រោះ​ដែលជា​អ្នកបើកបរ​ស្លាប់​ភ្លាមៗ​នៅនឹងកន្លែង កើតហេតុ និង​នារី​ដែល​ជិះ​ពីក្រោយ​ទាំង​២​នាក់​ម្នាក់​រងរបួស​ស្រាល និង​ម្នាក់ទៀត​របួសធ្ងន់ ត្រូវបាន​រថយន្ត​សង្គ្រោះ​របស់​អង្គភាព​ង​៧០ ដឹក​ទៅ​សង្គ្រោះ​នៅ​មន្ទីរពេទ្យ​កាល់ម៉ែត​ភ្លាម​ផងដែរ ។ ចំណែក​ម្ចាស់​រថយន្ត​ឡិច​ស៊ី​ស​ឃើញ​សភាពការណ៍​មិន​ស្រួល​ក៏​ទុក​រថយន្ត ចោល​រត់​គេចខ្លួនបាត់​ស្រមោល ។​

 

​ក្រោយ​កើតហេតុ​សមត្ថកិច្ច​មូល​ដ្ឋា​ន​បាន​ចុះមក​អន្តរាគមន៍​ដោយ​យក​រថយន្ត​បង្ក និង​ម៉ូតូ​ជនរងគ្រោះ​ទៅ​រក្សាទុក​នៅ​ការិយាល័យ​ចរាចរជើងគោក​នៃ​ស្នងការដ្ឋាន​រាជធានី​ភ្នំពេញ​ដើម្បី​រង់ចាំ​ដោះស្រាយ​តាមច្បាប់​ជា​ក្រោយ​។ ចំណែក​សព​ជនរងគ្រោះ ត្រូវប្រគល់​ឲ្យ​ក្រុមគ្រួសារ​ដើម្បី​យកទៅ​ធ្វើបុណ្យ​តាម​ប្រពៃណី ៕

11-2-2014 11-2-2014 (1)

 

Leave a Reply

(*) Required, Your email will not be published