ស្ត្រី​ម្នាក់​ត្រូវ​រថយន្ត​ដឹក​ដី របស់​កងកម្លាំង​វិស្វកម្ម​បើក​បុក រងរបួស​ធ្ងន់​

, , Leave a comment

​ខេត្តព្រះវិហារ ៖ ស្ត្រី​វ័យ​ចំណាស់​ម្នាក់​បាន​រងរបួស​ធ្ងន់​ត្រូវបាន​ក្រុម​គ្រូ​សារ​ដឹក​យកមក​សង្គ្រោះ បន្ទាន់​នៅ​មន្ទីរពេទ្យបង្អែក​១៦​មករា ខណៈដែល​រថយន្ត​ដឹក​របស់​កងកំលាំង​វិស្វកម្ម បាន​បើក​បុក​យ៉ាង​ពេញទំហឹង ។ ហេតុការណ៍​គ្រោះថ្នាក់​ចរាចរណ៍​នេះ​បាន​កើតឡើង​កាលពី​វេលា​ម៉ោង​១០​ព្រឹក​ថ្ងៃទី​១០ ខែកុម្ភៈ ឆ្នាំ​២០១៤ នៅតាម​បណ្តោយ​ផ្លូវភ្លោះ​វិមានឯករាជ្យ ស្ថិតក្នុង​ក្រុង​ព្រះវិហារ ខេត្តព្រះវិហារ​។​

 

​ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​គេ​ឃើញ​រថយន្ត​ដឹក​ដី បិត​ស្លាក​កងកម្លាំង​វិស្វកម្ម​ពណ៌​ខៀវ ពាក់​ស្លាក​លេខ​ក្រចេះ​3A-0045 បាន​បើកបរ​ក្នុងទិសដៅ​ពី​កើ​តទៅ​លិច​បោះពួយ​យ៉ាង​លឿន ។ លុះ​មកដល់​ចំណុចកើតហេតុ​ជ្រុល​ទៅបុក​ជាមួយ​ម៉ូតូ​ម៉ាក​ហុងដា​ឌ្រី​ម​សេ​១២៥ ស៊េរី​ឆ្នាំ​២០០៤ បណ្តាលឱ្យ​ម៉ូតូ​ជាប់​ក្រោម​រថយន្ត​អ្នករងគ្រោះ​ខ្ទាត​ទៅលើ​ចិញ្ចើមផ្លូវ​ម្ខាង ។ ពេល​ឃើញ​ហេតុការណ៍​ដូចនេះ​ជនបង្ករ​បាន​រត់គេច​ខ្លួន​ដោយ​បន្សល់ទុក​រថយន្ត​នៅ​កន្លែងកើតហេតុ​។​

 

​ក្រោយ​កើតហេតុ​សមត្ថកិច្ច​បាន​ធ្វើ​អន្តរាគមន៍​យក​រថយន្ត​បង្ករ និង​ម៉ូតូ​ជនរងគ្រោះ​ទៅ​រក្សាទុក​នៅ​អធិការដ្ឋាន រង់ចាំ​ការដោះស្រាយ​ជា​ក្រោយ ។ ចំណែក​ជនរងគ្រោះ ត្រូវបាន​ក្រុម​គ្រូ​សារ​ដឹក​យកមក​សង្គ្រោះបន្ទាន់​នៅ​មន្ទីរពេទ្យបង្អែក​១៦​មករា ខេត្តព្រះវិហារ​៕

11-2-2014 (1)

 

Leave a Reply

(*) Required, Your email will not be published