លោក ណៅ ធួ​ក ប្រ​ធា​ន​​រដ្ឋ​បា​ល​​​ជ​លផ​ល​ មើ​ល​រំ​លង​​លោ​ក ភឺន ផល្លា នាយ​​ផ្នែក​រដ្ឋបាល​ជលផល​ខេត្ត​កែប កំពុង​សប្បាយ​ប្រមូល​លុយ​ពីបទ​ល្មើស​នេសាទ​

, , Leave a comment

​ខេត្ត​កែប ៖​ សេចក្តីរាយការណ៍​បានអោយដឹងថា​បច្ចុប្បន្ន​នេះ ភាពអនាធិបតេយ្យ​នៃ​ការនេសាទ​លើ​ដែនសមុទ្រ​ខេត្ត​កែប មានប្រើ​ប្រាស់​ឧបករណ៍​ល្មើសច្បាប់​ប្រមូល​ផល​ត្រី​យ៉ាង​អ​នា​ធិ​ប​តេយ្យ​បំផុត គេ​មិនដែល​ឃើញ​លោក ភឺន ផល្លា ជា​នាយផ្នែក​រដ្ឋបាល​ជ​ល​ផល ប្រចាំខេត្ត​កែប ចាត់វិធានការ​ចុះទៅ​បង្ក្រាប​ម្តងណា​ឡើយ ពោលគឺ​លោក ភឺន ផល្លា បានត្រឹមតែ​ពង្រាយ​ម​ន្ត្រី​ឲ្យ​ជិះ​អូប័រ ក្រឡឹង​ក្បែរ​ទូក​នេសាទ ដើម្បី​ប្រមូល​លុយ​យកទៅ​ច្រក​ហោប៉ៅ​ធ្វើ​មាន​ធ្វើបាន​ផ្ទាល់ខ្លួន​តែប៉ុណ្ណោះ មិនដែល​ខ្វល់ខ្វាយ​អ្វី​ឡើយ ចង់​វិនាស​ហិនហោច​ធនធាន​សមុទ្រ និង​មាន​ការចាប់​ត្រី​យ៉ាង​អនាធិបតេយ្យ​បែបណាក៏ដោយ ឲ្យ​តែ​គាត់​មានឱកាស​អាច​ប្រមូល​លុយ​យកទៅ​អភិវឌ្ឍន៍​មុខតំណែង​។​

 

ប្រជា​សហគមន៍​នេសាទ​ក៏បាន​លើកឡើង​ផងដែរ​ថា ទូក​ប្រើ​ឧបករណ៍​នេសាទ​ល្មើសច្បាប់​ទាំងនោះ​តែងតែ​ធ្វើ​សកម្មភាព​នៅ​តំបន់​អង្កោល ព្រែក​តា​នេន ក្នុងភូមិ​សាស្ត្រ​ខេត្ត​កែប គេ​មិ​ន​ដែ​ល​​ឃើញ​មុខ​មន្ត្រីជលផល ក្រោម​ការបញ្ជា​ផ្ទាល់​របស់លោក ភឺន ផល្លា ចុះទៅ​បង្ក្រាប​ម្តងណា​ឡើយ​ឃើញតែ​ទៅ​ប្រមូល​លុយ​យ៉ាង​ប្រសេចប្រសាច​។ មានការ​បញ្ជាក់​ផងដែរ​ថា ទូក​ដែល​ប្រើ​​ឧបករណ៍​នេសាទ​ល្មើសច្បាប់​នៅ​ចំណុច​ព្រែក​តា​នេន មាន​ចំនួន​៤៧​គ្រឿង ហើយ​ត្រូវ​បង់លុយ​ឲ្យ​លោក ភឺន ផល្លា ក្នុង​មួយគ្រឿងៗ​ចំនួន​៤០​ទៅ​៦០​ម៉ឺន​រៀល ក្នុង​មួយខែ ជា​ប្រភេទ​ទូ​ក​​រ​បស់​ក្រុម​ឈ្មួញ មាន​លុយ​ទិញ​ឧបករណ៍​ល្មើសច្បាប់​មកប្រើប្រាស់ ប៉ុន្តែ​សម្រាប់​ពលរដ្ឋ​ក្រីក្រ​ដែលមាន​តែ​ទូក​តូចៗ​ចេញទៅ​នេសាទ​តាម​ជាយ​សមុទ្រ ក៏​រង​នូវ​ការ​គាប​ជំរិត​ឲ្យ​បង់លុយ​ចា​ប់ពី​១០​ម៉ឺន​ទៅ​២០​ម៉ឺន​រៀល​ផងដែរ​។​

 

​សម្រាប់​ទូក​នេសាទ​ជនជាតិ​យួន​ដែល​ចូលមក​ធ្វើ​សកម្មភាព​យ៉ាង​គគ្រឹកគគ្រេង​ទាំងយប់​ទាំង​ថ្ងៃ ត្រូវ​ជាប់​កាតព្វកិច្ច​បង់លុយ​ជូន​សមត្ថកិច្ច​ពាក់ព័ន្ធ​ប្រចាំការ​លើ​ផ្ទៃសមុទ្រ ហើយ​គេ​មិ​ន​ដែ​ល​​រំ​លង ​ឬ​ភ្លេច​ចូល​បង់លុយ​ឲ្យ​ជំនាញ​ជលផល​ក្រោម​បញ្ជា​របស់លោក ភឺន ផល្លា នោះទេ ព្រោះ​ក្នុងតួនាទី​ជា​មន្ត្រី​ជំនាញ​លោក ភឺន ផល្លា បាន​ស្រង់​ស្ថិតិ នៃ​ទូក​នេសាទ​របស់​ប្រ​ជា​ព​ល​រ​ដ្ឋក្រុម​ឈ្មួញ​ហើយ​ជា​ទៀងទាត់​ក៏មាន​ទំនាក់ទំនង​ល្អជា​មួយ​ជនជាតិ​យួន​ដែល​ប្រើ​ទូក​អូស​គូ ទូក​ឆក់​ធំៗ មាន​គ្រែង​២​ជាន់​ឬ​គ្រែង​៣​ជាន់​ប្រើ​ភ្លើង​ហ្វា​ភ្លឺ​ដូច​ទីក្រុង​នៅពេល​យប់​។ ទូក​យួន​ចូ​ល​មក​នេសាទ​ក្នុង​ដែនសមុទ្រ​ខេត្ត​កែប​មួយក្រុមៗ​មាន ៥​ទៅ​១០​គ្រឿង​ដែល​ទូក​ទាំងនេះ​ជាប់​កាតព្វកិច្ច​បង់លុយ​ប្រចាំខែ​ជូន​លោក ភឺន ផល្លា និង​សមត្ថកិច្ច​ពាក់ព័ន្ធ​ដទៃទៀត​ទើប​អាច​ចូ​ល​ម​ក​នេសាទ​យ៉ាង​អនាធិបតេយ្យ​លើ​ដែនសមុទ្រ​ខ្មែរ​គ្មាន​នរណា​ហ៊ាន​ហើបមាត់ ទាល់តែសោះ​ហើយ​បើ​គិតពី​ប្រាក់ចំណូល​វិញ មិនដឹង​ជាមួយ​ខែៗ​ជំនាញ​ជលផល​របស់ ភឺន ផល្លា ប្រ​មូ​​ល​បាន​ប៉ុន្មាន​នោះទេ តាមរយៈ​ការបិទ​ភ្នែក​បិទ​ត្រចៀក​ឲ្យ​មានការ​ប្រើប្រាស់​ឧបករណ៍​នេសាទ​ល្មើសច្បាប់​។​

 

​គេ​មិន​ច្បាស់​ទេ​ថា តើ​ប្រាក់ចំណូល​ដែល​លោក ភឺន ផល្លា ប្រមូលបាន​ក្នុងតួនាទី​ជា​នាយផ្នែក​ជលផល​គ្រប់គ្រង​តំបន់​សមុទ្រ​ខេត្ត​កែប មាន​បែងចែក​ទៅ​ថ្នាក់​ណាខ្លះ​ទេ ទើប​អ្វីៗ​អាច​ដំ​ណើ​រ​ការ​ដោយ​រលូន​ល្អ ហើយ​ប្រជា​នេសាទ​ក្រីក្រ​កំពុង​ប្រឈម​នឹង​ការបាត់បង់​អាជីព​ប្រចាំថ្ងៃ​ដោយសារតែ​ការនេសាទ​ល្មើសច្បាប់​ទាំងនោះ បាន​បំផ្លាញ​ធនធាន​មច្ឆជាតិ វិនាស​ហិ​ន​ហោ​ច​​ខ្ទេ​ច​ខ្ទី​រក​កន្លែង​បន្ត​ពូជ​គ្មានទេ​។ ឆ្នេរសមុទ្រ​ខេត្តកំពត ជា​តំបន់​សម្បូរ​ភោគផល​ធនធានធម្មជាតិ សព្វបែបយ៉ាង ប៉ុន្តែ​ពេលនេះ​ត្រូវបាន​បំផ្លិចបំផ្លាញ​ដោយ​ទូក​អូស​គូ និង​ទូក​ប្រើ​ខ្សែភ្លើង​ឆក់ កុំថាឡើយ​ក្តាម បង្គា សូម្បីតែ​ឈ្លើងសមុទ្រ​ក៏​ងាប់​ខ្ទេចខ្ទី​ពេល​ទូក​ទាំងនោះ​អូស​ទៅដល់​ទីណា មច្ឆជាតិ​ងាប់​អណ្តែត​ពេញ​ផ្ទៃ​ទឹក ប៉ុន្តែ​លោក ភឺន ផល្លា មិនដែល​ឈឺក្បាល​វិលមុខ​នោះ​ទេ ហើយ​គិតតែ​រឿង​ម្យ៉ាង​គត់​គឺ​ប្រមូល​លុយ​ច្រក​ហោប៉ៅ​ទុក​សម្រាប់​អភិវឌ្ឍន៍​មុខតំណែង​៕

10-2-2014 10-2-2014 (1)

 

Leave a Reply

(*) Required, Your email will not be published