វិធី​បោក​សំលៀកបំពាក់​ឲ្យ​បាន​ស្អាត​

, , Leave a comment

​វិធីសាស្ត្រ​បោក​សម្លៀកបំពាក់​ឱ្យ​ស្អាត គឺជា​ចំណេះដឹង​យ៉ាងសំខាន់​សម្រាប់​ស្ត្រី​មេផ្ទះ​ទូទៅ ។ ការ​មិនចេះ​ជំនាញ​មួយ​នេះ គឺជា​រឿង​គួរឱ្យ​សោកស្តាយ ពីព្រោះ​សម្លៀក​ស្អាត​នឹងធ្វើ​ជីវិត​របស់​លោកអ្នក​ស្រស់ស្រាយ​គ្រប់ ពេលវេលា ។ ជាទូទៅ​ជំនាញ​មួយ​នេះ​គ្មានអ្វី​ពិបាក​ឡើយ ហើយ​ខាងក្រោម​នេះ​គឺជា​វិធីសាស្ត្រ​មួយចំនួន​ពាក់ព័ន្ធ​នឹង​ការ​បោកគក់​សម្លៀកបំពាក់​របស់​លោកអ្នក​ឱ្យបាន​ស្អាត​ល្អ​៖

 

-​លោកអ្នក​ត្រូវ​ប្រមូល​សម្លៀកបំពាក់​ប្រឡាក់​ចេញពី​បន្ទប់​ឱ្យអស់ ទោះជា​សម្លៀកបំពាក់​នោះ​នៅ​ទីកន្លែង​ណាក៏ដោយ ហើយ​ត្រូវ​ប្រាកដថា ខោអាវ​របស់​លោកអ្នក​មិន​មាននៅ​សេសសល់​ក្រោម​គ្រែ​នោះទេ ។​

 

-​ការដាក់​គ​សម្លៀកបំពាក់​លោកអ្នក​មិន ត្រូវ​ចេះតែ​គរ​លើ​គ្នា​តែ​ផ្តាស​នោះទេ លោកអ្នក​គួរតែ​គរ​វា​ទៅតាម​សាច់​ក្រណាត់ និង​ពណ៌​របស់​វា​ឱ្យបាន​ត្រឹមត្រូវ ។​

 

-​គួរ​ចងចាំ​ថា​កន្សែង និង​កម្រាលពូក​មិនអាច​បោក​ជាមួយគ្នា​បានទេ ។ ម៉ាស៊ីន​បោកគក់​បើក​គម្រក​ពីលើ គួរប្រើ​ប្រាស់​សម្រាប់​បោកគក់​កន្សែង រីឯ​កម្រាលពូក​គួរតែ​បោក​នៅក្នុង​ម៉ាស៊ីន​បោកគក់​បើក​គម្រប​ពីមុខ ។​

 

-​បោកគក់​តាម​ពណ៌​របស់​សម្លៀកបំពាក់ ។ សម្លៀកបំពាក់​ពណ៌​សត្រូវ​បោក​ជាមួយគ្នា រីឯ​សម្លៀកបំពាក់​ដែលមាន​ពណ៌​ក្រហម ឬ​ផ្កាឈូក និង​ទឹកក្រូច​អាច​បោក​ជាមួយគ្នា​បាន ។​

 

-​មិនត្រូវ​ត្រាំ​ទុកចោល​សម្លៀកបំពាក់​រប​ស់លោក​អ្នក​ក្នុង​ម៉ាស៊ីន​បោកគក់​រយៈពេល​ជាង​២៤​ម៉ោង​នោះឡើយ ពីព្រោះថា​វា​អាច​នាំឱ្យ​ធុំក្លិន និង​ដុះ​ផ្សិត ។​

 

-​គួរប្រើ​ប្រាស់​សាប៊ូ​ម្ស៊ៅ​តាម​ចំនួន​ត្រឹមត្រូវ និង​តាម​ការណែនាំ​ពី​អ្នកជំនាញ ។​

 

-​ត្រូវ​ហាល​នឹង​ប្រដាប់​ព្យួរ​ខោអាវ​ឱ្យបាន​ត្រឹមត្រូវ ហើយ​ក្រោយពេល​ស្ងួត​មិនត្រូវ​យកទៅ​ទុកចោល​នោះឡើយ​។​

 

-​ប្រសិនបើ​លោកអ្នក​រស់នៅក្នុង​បន្ទប់​តែមួយ​ជាមួយនឹង​មនុស្ស​ដ៏​ទៃ គួរតែ​ជួយ​គ្នា​បោកគក់ ដើម្បី​ធ្វើឱ្យ​ខោអាវ​របស់លោក​អ្នកកា​ន់​តែ​ស្អាត​ល្អ ហើយ​ថែមទាំង​ចំណេញ​ពេលវេលា​ទៀតផង ។​

 

-​គួរ​ប្រុងប្រយ័ត្ន​ឱ្យបាន​ខ្ពស់​ចំពោះ​ការ​បោកគក់​សម្លៀកបំពាក់​ពណ៌​ក្រហម និង​ពណ៌​.​ស ពីព្រោះថា​សម្លៀកបំពាក់​អាច​នឹង​ប្តូរ​ពណ៌​បាន ។​

 

-​បោក​រួច​ត្រូវ​យកទៅ​ហាល​នៅ​កន្លែង ដែលមាន​កម្តៅថ្ងៃ​ល្អ ពិសេស​មិនត្រូវ​ហាល លើ​ស្នួរ​ប្រឡាក់ ឬ​មាន​ធូលី​ឡើយ ៕

Washing-Clothes

 

Leave a Reply

(*) Required, Your email will not be published