គំនរ​សំរាម លេចមុខ​អបអរ​សាទរ​ក្រោយ​ទិវា​ចូលឆ្នាំ​ចិន​-​វៀតណាម ក្រោម​ក្រសែភ្នែក​រិះគន់ និង​ពាក្យ​ត្អូញត្អែរ​

, , Leave a comment

​រាជធានី​ភ្នំពេញ ៖ នា​ដើមឆ្នាំ​២០១៤​នេះ បាតុកម្ម កូដកម្ម​បានកើត​ឡើង​ជា​បន្តបន្ទាប់ ដែល​បង្កើតបានជា​កង្វល់​មួយ​ក្នុង​សង្គមជាតិ ។ ជាក់ស្តែង​តម្លៃ​ទំនិញ​លើ​ទីផ្សារ​ជា​បញ្ហា​ចម្បង​មួយ​ដែល​តម្រូវ​ឲ្យ​កម្មករ កម្មការិនី ទាមទារ​នូវ​ប្រាក់ខែ​សមរម្យ ដើម្បី​រស់នៅ​ប្រកបដោយ​ភាពថ្លៃថ្នូ​ក្នុងសង្គម​មួយ​។ នា​ដើមខែ​មករា កម្មករ កម្មការិនី បានធ្វើ​បាតុកម្ម​ទាមទា​រ​តំឡើង​ប្រាក់ខែ​គោល​១៦០​ដុល្លារ នៅ​សួន​ឧស្សាហកម្ម​ពិសេស​ភ្នំពេញ និង​សួន​ឧស្សាហកម្ម​កាណាឌីយ៉ា​។ ថ្មីៗ​នេះ​បុគ្គលិក​ក្រុមហ៊ុន ស៊ីន​ទ្រី បានធ្វើ​បាតុកម្ម​ទាមទា​រ​ប្រាក់ខែ​១៥០​ដុល្លារ ។​

 

​ក្រោយពី​ធ្វើបាតុកម្ម មិន​ព្រម​ធ្វើការ រាជធានី​ភ្នំពេញ ក្លាយជា​កន្លែង​ចាក់សំរាម​ពាសវាល​ពាសកាល ស្រប​ពេលដែល​ភាគី​ទាំងបី គឺ​ភាគី​កម្មករ តំណាង​ក្រុមហ៊ុន និង​តំណាង​រដ្ឋាភិបាល​កំពុង​ចរចា​គ្នា​នៅ​ថ្ងៃទី​៤ កុម្ភៈ នេះ គំនរ​កាកសំណល់ និង​សំរាម​រាប់ពាន់​គំនរ​នៅតាម​ដង​វិថី និង​ទីសាធារណៈ​នានា​នៅ​ភ្នំពេញ ត្រូវគេ​គរ​ទុកចោល​គ្មាន​អ្នកប្រមូល​ដឹកយក​ទៅ​ចាក់ចោល​ដូច​សព្វមួយដង ។​

 

​ប្រជាពលរដ្ឋ​រស់នៅក្នុង​រាជធានី​ភ្នំពេញ​មួយចំនួន​បាន​ត្អូញត្អែរ​នៅ​ថ្ងៃទី​៤ កុម្ភៈ ថា គំនរ​សំរាម​ដែល​គេ​គរ​ទុកចោល​នៅលើ​ផ្លូវ និង​នៅមុខ​ផ្ទះ​ជាច្រើន កំពុង​ចោល​ក្លិនស្អុយ រុយ​រោម ធ្វើ​ឲ្យ​ប៉ះពាល់​ដល់​បរិស្ថាន និង​សុខភាព​អ្នកជិតខាង​យ៉ាងខ្លាំង​។ របាយការណ៍​របស់​ក្រុមហ៊ុន ស៊ីន​ទ្រី កន្លងមក​ឲ្យ​ដឹងថា កាកសំណល់ និង​សំរាម​នៅ​ភ្នំពេញ ក្នុង​មួយថ្ងៃ​មាន​ចំនួន​ប្រហែល ១.៤០០​តោន ដែល​ក្រុមហ៊ុន ស៊ីន​ទ្រី ធ្លាប់​ប្រមូល​ដឹក​ចេញ​ក្រៅ​ទាំងយប់​ទាំង​ថ្ងៃជា​រៀងរាល់ថ្ងៃ​៕

04-2-2014 (1) 04-2-2014 (2) 04-2-2014

 

Leave a Reply

(*) Required, Your email will not be published