បុរស​ជនជាតិ​កាណាដា​វ័យចាស់​ម្នាក់​ស្លាប់​ដោយ​ជំងឺ​បេះដូង ក្រោយ​បញ្ជូន​ទៅដល់​មន្ទីរពេទ្យ​បង្អែក​

, , Leave a comment

​ខេត្ត​ព្រះសីហនុ ៖ ម្ចាស់​ហាង​ផឹកស៊ី​មួយកន្លែង​ឈ្មោះ ដាយ វ៉ឺ អ៊ិន មាន​ទីតាំងនៅ​ភូមិ​៣ សង្កាត់​លេខ​៣ ក្រុងព្រះសីហនុ ដែលជា​ជនជាតិ​កាណាដា បាន​ស្លាប់ កាលពី​ព្រឹក​ថ្ងៃទី​០៣ខែកុម្ភៈ ឆ្នាំ២០១៤ ដោយ​ជំងឺ​គាំងបេះដូង បន្ទាប់ពី​បាន​បញ្ជូន​ទៅដល់​មន្ទីរ​ពេទ្យ​បង្អែក ចំការចេក ។​

 

នគរបាល​មូលដ្ឋាន​បាន​ឲ្យ​ដឹងថា ជនជាតិ​កាណាដា​រូបនេះ ឈ្មោះ FOX ROBERT AITDEN ភេទ​ប្រុស កើត​ថ្ងៃទី​៣០ ខែសីហា ឆ្នាំ​១៩៤២ កាន់ Passort លេខ GG ៣២៥៤២៦ ចូលមក​កម្ពុជា​នៅ​ថ្ងៃទី ១៦ ខែតុលា ឆ្នាំ​២០១៣ ។​

 

​ប្រភពពី​ប្រពន្ធ​ជា​ជនជាតិខ្មែរ​ឈ្មោះ ម៉េង សុធា​រី អាយុ​២៩​ឆ្នាំ មាន​ស្រុកកំណើត​ភូមិ​អំពិល ឃុំ​អំពិល ស្រុក​កំពង់សៀម ខេត្តកំពង់ចាម​បាន​និយាយថា ប្តី​របស់គាត់​ជា​ម្ចាស់​ហាង​ខាងលើ គាត់​បានមក​ជួល​ទីតាំង​នេះ​នៅ​អំឡុង​ឆ្នាំ​២០១៣ ដោយ​បើក​ជា​ភោជនីយ៍ដ្ឋាន​បរទេស ។  លុះ​មកដល់​ព្រលប់​ថ្ងៃទី​២ ខែកុម្ភៈ ឆ្នាំ​២០១៤ គាត់​មាន​អាកា​រៈគាំង​បេះដូង​ពេលនោះ​នាង​បាន​ដឹកបញ្ជូន​គាត់​ទៅ​មន្ទីរ ពេទ្យ ដើម្បី​សង្គ្រោះ​តែ​គ្រូពេទ្យ​បាន​ប្រាប់ថា គាត់​មាន ជម្ងឺ​បេះដូង ។ រហូតដល់​ព្រឹក​ថ្ងៃទី​៣ ខែកុម្ភៈ ស្រាប់តែ​បេះដូង​របស់គាត់​មាន​អាកា​រៈ​មិនល្អ ក៏​ដឹក​បញ្ជូនទៅ​មន្ទីរពេទ្យ​ម្តងទៀត តែ​អកុសល​ពេលទៅដល់​មន្ទីរពេទ្យ​គ្រូពេទ្យ​បាន​ប្រាប់ថា​គាត់​ដាច់ខ្យល់​ស្លាប់​ទៅហើយ ។​

 

​ក្រោយ​ការស្លាប់ និង​ធ្វើ​កោសល​វិ​ច្ច័​យ​រួចរាល់​មន្ត្រីនគរបាល​ផ្នែក​កោសល្យវិច័យ​បានបញ្ជាក់​ថា ជនរងគ្រោះ​មាន​ជំងឺ​បេះដូង​ប្រចាំកាយ និង​ស្លាប់​ដោយសារ​គាំងបេះដូង​មែន ។ សាកសព​ជនរងគ្រោះ​ត្រូវបាន​ដឹក​យកមក​តម្កល់​នៅក្នុង​ហាង​វិញ ដើម្បី​រង់ចាំ​ឲ្យ​ស្ថានទូត​កាណាដា ដើម្បី​បញ្ជូនទៅ​ស្រុកកំណើត​វិញ ៕

 03-2-2014

03-2-2014 (1)

 

Leave a Reply

(*) Required, Your email will not be published