ហេតុអ្វី​ប្រុស​ក្មេង​ចូលចិត្ត​ស្រី​ចាស់​

, , Leave a comment

​តើ​បុរសៗ​ចូលចិត្ត​ស្ដ្រី​ដែលមាន​អាយុ​ច្រើន និង​ចាស់​ជាង​ខ្លួន​?  តើ​ស្ដ្រី​ដែលមាន​វ័យ​ចំណាស់​បែបនេះ​មាន​អ្វី​អស្ចារ្យ​ជាង​នារី​វ័យក្មេង​ស្រស់ស្អាត​?

 

-​ភាព​ឯករាជ​
​ស្ដ្រី​វ័យ​ចំណាស់​ធ្លាប់​ឆ្លងកាត់​អារម្មណ៍ល្អ​នៅពេល​នៅ​ម្នាក់ឯង​។ ពួកគេ​ធ្លាប់​ឆ្លងកាត់​ស្នេហា​ច្រើន​ប្រភេទ​ដូច្នេះ ពួកនាង​នឹងមាន​វិធី​ធ្វើ​ឲ្យ​ខ្លួនឯង​រីក​រា​យ​ មិនចាំបាច់​ឲ្យ​បុរស​នៅក្បែរ​ខ្លួន​ជានិច្ច​នោះទេ ។ ពួកនាង​ដឹងថា សេចក្ដីសុខ​ស្ថិតនៅក្នុង​ដៃ​របស់ខ្លួន និង​មិនចាំបាច់​មាន​បុរស​ណា​ម្នាក់​នៅ​ក្បែរ ទើប​អាចធ្វើ​ឲ្យ​មាន​សុភមង្គល​នោះដែរ ។ ស្ដ្រី​ដែលមាន​អាយុ​ច្រើន​នឹងមិន​មាន​ចរិត​ម្ញិ​ក​ម្ញ​ក់ ឬ​ខឹង​ច្រើន ដែលជា​កត្តា​មួយ​ធ្វើ​ឲ្យ​បុរស​ធុ​ញ​ទ្រា​ន់ បែបនេះ​បុរស​នឹង​ចូលចិត្ត​មិន​ខាន​។​

 

-​ភាពម្ចាស់ការ​
​ស្ដ្រី​វ័យ​ចំណាស់​តែង​ដឹង​ច្បាស់​ថា ខ្លួន​ជា​អ្នកណា និង​ចង់បាន​អ្វី​។ ដូច្នេះ​នៅពេល​ជួប​បុរស​ដែល​ត្រូវ​នឹង​ចិត្ត​ខ្លួន​ពួកនាង​នឹងមិន​អែអង់ ឬក៏​សា​ក​ល្ប​ង​​ច្រើន​នោះដែរ ។ ចំណែក​ការស្រឡាញ់​នារី​ដែលមាន​អាយុ​ទើប​ប្រហែល ២០ ឆ្នាំ នឹងធ្វើ​ឲ្យ​បុរស​ត្រូវ​ចំណាយពេល​ច្រើន​ក្នុងការ​តាម​ស្រឡាញ់​។ នា​រី​វ័យក្មេង​តែង​ចូលចិត្ត “​ទ្រនំ​ខ្ពស់​” ឬក៏​ធ្វើ​រឿង​អ្វីមួយ​ដែល​នាំ​ឲ្យ​បុរស​ត្រូវ​ប្រចណ្ឌ ។ ការស្រឡាញ់​នារី​វ័យ​ប្រហែល​៣០​ឆ្នាំ នាង​នឹង​ចេះ​កា​ត់​ប​ន្ថ​យ​​ពេលវេលា​ក្នុងការ “​លេងបិទពួន​” ហើយ​នាង​នឹង​ចែករំលែក​អារម្មណ៍​ដោយ​ត្រង់​ទៅ​ត្រង់​មក​។ ភាព​ត្រង់​ទៅ​ត្រង់​មក​បែបនេះ ធ្វើ​ឲ្យ​បុរស​ចូ​ល​ចិ​ត្ត និង​មាន​អារម្មណ៍​ជាង​មុន​។​

 

-​ប្រសប់​និយាយ​
​ការនិយាយស្ដី​របស់​នា​រិ​វ័យក្មេង​ក្នុង​រឿង​ស្នេហា ធ្វើ​ឲ្យ​បុរស​មិនសូវ​ចូលចិត្ត​នោះទេ ។ ពួកនាង​មិនមាន​ភាព​ប្រសប់​ក្នុង​ការនិយាយ​ដោយសារតែ​មិ​ន​ទាន់មាន​បទពិសោធ​ច្រើន​។ ចំណែក​នារី​វ័យ​ចំណាស់​នាង​ធ្លាប់បាន​ឆ្លងកាត់​រឿង​រ៉ៅ​ច្រើន ធ្លាប់​ដើរ​ច្រើន ឃើញ​ច្រើន យល់បាន​ច្រើន និង​មាន​ប​ទ​ពិសោធ​ច្រើន​ក្នុង​រឿង​ស្នេហា​។​

 

​ដូច្នេះ​នារី​វ័យ​ចំណាស់​នឹងមាន​រឿង​ល្អៗ​ជាច្រើន​និយាយ​ឲ្យ​បុរស​ស្ដាប់​។ ចូរ​កុំ​ឲ្យ​តម្លៃ​ទាប់​ចំពោះ​ការនិយាយស្ដី​ព្រោះថា វា​អាចជួយ​ធ្វើ​ឲ្យ​ទំ​នា​ក់​ទំ​ន​ង​​កាន់តែ​មាន​ភាព​ផ្អែម​ល្អែ​ម​។​

 

-​សេដ្ឋកិច្ច​មាន​ស្ថិរភាព​
​នេះ​គឺជា​ប្រការ​ចាំបាច់​? យើង​សូម​និយាយ​តែ​ពី​ភាពជាក់ស្ដែង​ប៉ុណ្ណោះ​។ ស្ដ្រី​ដែលមាន​អាយុ​ច្រើន មានលទ្ធភាព​ក្នុងការ​ធ្វើ​ឲ្យ​សេដ្ឋកិច្ច​មាន​ស្ថិរ​ភា​ព​ជា​នារី​វ័យក្មេង​។ ទោះជា​ប្រការនេះ​មិនមែនជា​កត្តា​អាទិភាព​ដំបូង​គេ​នៅពេល​បុរស​ម្នាក់​តាម​ស្រឡាញ់​នារី​ម្នាក់​នោះទេ ប៉ុន្ដែ​វា​ប្រាកដ​ណាស់​ថា បុរស​នឹងមាន​អារម្មណ៍​ធូរស្រាល​នៅពេល​ដឹងថា ខ្លួន​នឹង​មិនមែនជា​អ្នក​ត្រូវ​ចេញ​ប្រាក់​ទាំងស្រុង​នៅពេល​ទៅ​ញ៉ាំ​ស៊ុប​ជាមួយគ្នា​។ អ្នក​ប្រាកដជា​មិ​ន​​ចង់​ឮ​ពាក្យ​ថា “​បង​សំឡាញ់ អូ​នរក​ការងារ​ធ្វើ​មិនទាន់បាន​នោះទេ បង​ឲ្យ​លុយ​ចាក់​សាំង​ខ្លះ​ម​ក៏ ហើយ​ទិញ​កាត់​ទូរស័ព្ទ​ឲ្យ​ផង​។​ល​។​

 

-​ទំនាក់ទំនង​មិត្តភក្ដិ​
​នារី​វ័យក្មេង​តែង​ទទួល​ឥទ្ធិពល​ពី​មិត្តភក្ដិ​នាង​តែង​ត្រូវការ​ការ​យោបល់​ការវាយតម្លៃ​ពាក្យ​ណែនាំ​របស់​មិត្តភក្ដិ និង​តែងតែ​មើលមុខ មើល​ក្រោយ​ដើ​ម្បី​​ប្រ​កូត​ប្រជែង ធ្វើយ៉ាងណា​កុំ​ឲ្យ​ខ្លួន​ចាញ​អ្នកដទៃ​។ បើ​ចង់​ធ្វើជា​សង្សារ របស់​នារី​ប្រភេទ​នេះ​អ្នក​ត្រូវតែ​ចេះ​បំពេញចិត្ត​មិត្តភក្ដិ​របស់​នាង ប្រ​ការ​នេះ​​ជួនកាល​ធ្វើ​ឲ្យ​អ្នក​ត្រូវ​ដកខ្លួន​ថយ​តាំងតែ​ពីដំបូង​។​

 

​នារី​ដែលមាន​វ័យ​ចំណាស់​មិនត្រូវ​ការគាំទ្រ​របស់​មិត្តភក្ដិ​ចំពោះ​ការសម្រេចចិត្ត​ធ្វើ​អ្វីមួយ​។ នាង​មានការ​ជឿជាក់​លើ​ខ្លួនឯង ហើយ​មិត្តភក្ដិ​របស់​នា​ង​​ក៏​ជា​មនុស្ស​ចាស់ទុំ​។ នាង​ដឹងថា មិត្ត​មួយណា​មាន​ចរិត​បែ​បណ​។​

 

-​គោលដៅ​ទាក់ទង​ដ៏​អស្ចារ្យ​
​នារី​មាន​វ័យ​ចំណាស់ តែង​ធ្វើខ្លួន​ឲ្យ​សមល្មម​នឹង​សង្គម ថ្លៃថ្នូ ពួកនាង​ធ្វើ​ឲ្យ​បុរស​ពេញចិត្ត​ប្រកបដោយ​ភាព​ស្រណុក​ក្នុង​បេះដូង​។ ពួកនាង​មិនត្រូវ​កា​រ​បង្ហាញ​ភាព​អស្ចារ្យ​របស់ខ្លួន​នៅពេល​លើក​កែវស្រា ដែល​ក្រោយមក​ក៏ត្រូវ​ក្អួត​នៅក្នុង​បន្ទប់ទឹក​។​

 

​ស្ដ្រី​វ័យ​ចំណាស់​ក៏​ធ្លាប់បាន​ឆ្លងកាត់​ប្រការ​ខាងលើ ហើយ​ពេលនេះ​នាង​នឹងមិន​ចង់​ធ្វើខ្លួន​ឲ្យ​ក្លាយជា​ចំណុចកណ្ដាល​នៃ​ការចាប់អារម្មណ៍​នោះទេ​។​

 

-​មាន​វិធី​ដោះស្រាយ​បញ្ហា​
​ពិតណាស់ថា នារី​វ័យក្មេង​ខ្វះ​បទពិសោធ និង​មិនមាន​វិធី​ក្នុង​ការត្រៀម​ដើម្បី​ទប់ទល់​នឹង​ស្ថាន​ភាពលំបាក​លើកដំបូង​ក្នុង​ជីវិត​ដែល​ត្រូវ​ប្រឈមមុខ​ដូចជា ស្នេហា​លើកដំបូង​ខក​ស្នេហ៍​លើកដំបូង ឬ​លើកដំបូង​ត្រូវគេ​បោកប្រាស់​ជាដើម​។ ដោយសារ​មិនទាន់មាន​បទពិសោធ ពួក​នារី​វ័យក្មេង​តែង​យ​ក​ប្រការ​តូចតាច​ទាំងនេះ​ធ្វើជា​រឿង​សំខាន់​ជួនកាល​ពួកនាង​សម្រេច​ធ្វើ​អត្ដ​ឃាត​ទៀតផង​។​

 

​ស្ដ្រី​ដែលមាន​បទពិសោធ​ច្រើន​នឹងមាន​វិធី​តតាំង​ជាមួយ​សម្ពាធ​នៃ​បញ្ហា​។ ពួកនាង​នឹង​ដោះស្រាយ​បញ្ហា​ដោយ​ភាព​ឆ្លាត​វៃ និង​ចេះ​គ្រប់គ្រង​អា​រ​ម្ម​ណ៍​​របស់ខ្លួន សូម្បីតែ​ស្ថិតក្នុង​ស្ថានភាព​លំបាក​បំផុត​។​

 

-​ពូកែ “​ឡើង​គ្រែ​”
​ជាការ​ពិត នេះ​គឺជា​មូលហេតុ​ចម្បង​មួយ​ដែល​ធ្វើ​ឲ្យ​បុរស​ជ្រើសរើស​នារី​ដែលមាន​អាយុ​ច្រើន​ចាង​ខ្លួន ។ នាង​មាន​បទពិសោធ និង​មិនមាន​កា​រភ័​យ​ព្រួ​យ​ដូច​លើកដំបូង​នៃ​ការ “​ឡើង​គ្រែ​។ នាង​មាន​ជំនឿ​ចិត្ត​លើ​ខ្លួនឯង និង​ចេះ​ធ្វើ​ឲ្យ​បន្ទប់​គេង​ក្លាយជា​កន្លែង​ដ៏​ទាក់ទាញ​។ នាង​មាន “​មេរៀន​” ច្រើ​ន​ ​ដើម្បី​បង្រៀន​ដៃគូ​របស់​នាង​។​

 

-​បទពិសោធ​ក្នុង​សមរភូមិ​ស្នេហ៍​
​នា​រី​ដែលមាន​បទពិសោធ​នឹងមាន​វិធី​ដោះស្រាយ​បញ្ហា​ដែល​កំពុង​កើតឡើង​ចំពោះ​ស្នេហា​របស់​នាង​។ ព្រោះថា នាង​ធ្លាប់​ឆ្លងកាត់​ស្ថានភាព​ដូ​ច​គ្នា​នេះ​។ នាង​នឹង​មិនមាន​ទម្លាប់​បែប​ចុងស្រល ឬ​ដូច​សំឡី​នោះទេ​។ នាង​រស់នៅ​តាមបែប​ស​មរ​ម្យ នៅពេល​ប្រឈម​នឹង​វិបត្ដិ​ក្នុង​ការងារ ស្នេហា និង​ជី​វិត​រស់នៅ​។ ដូច្នេះ ទំនាក់ទំនង​របស់​អ្នក​ទាំងពីរ​នឹងមាន​ភាពរឹងមាំ គង់វង្ស​បានយូរ​អង្វែង​។​

 

-​នាង​គោរព​អ្នក​
​នាង​នឹង​ដឹង​ពីអ្វី​ដែល​សំខាន់​ក្នុង​ជីវិត ដូច្នេះ​រយៈពេល​នៃ​ការរស់នៅ​ក្បែរ​គ្នា​របស់​អ្នក​ទាំងពីរ​នឹងត្រូវ​បាន​គោរព​យកចិត្តទុកដាក់​។ នាង​នឹងមិន​មើ​ល​រំ​ល​ង​​អារម្មណ៍​របស់​អ្នក​ផ្ទុយទៅវិញ នាង​នឹង​កាន់តែ​យកចិត្តទុកដាក់ ថែទាំ ចំពោះ​តម្រូវការ​នៃ​មនោសញ្ចេតនា​ស្នេហា​។ នាង​ដឹង​ពី​តម្លៃ​របស់​បុរស​ល្អ​​ម្នាក់ ហើយ​នាង​នឹងមិន​ធ្វើ​ឲ្យ​របូត​ពី​ដៃ​នោះទេ​។ នាង​នាង​មិន​ទទួលយក​ការយកចិត្តទុកដាក់រ​បស់​អ្នក​ដោយ​ចាត់ទុកថា នោះ​ជា​រឿង​ធម្មតា​នោះ​ដែរ ។ ជាងនេះទៅទៀត​វិញ្ញាណ​ទី ៧​របស់​ស្ដ្រី​ដែល​ធ្លាប់មាន​បទពិសោធ​តែងតែមាន​ភាពខ្លាំង​ក្លា ដែល​អាចជួយ​ប្រាប់​ពី​ប្រការ​ជាច្រើន​ដល់​នាង​។ នៅ​ក្បែរ​នារី​បែបនេះ អ្នកនឹង​ហាក់ដូចជា​មិនចាំបាច់​និយាយ​ច្រើន​នោះឡើយ​តែ​នាង​នឹង​យល់បាន​ជានិច្ច​៕

3-2-2014

 

Leave a Reply

(*) Required, Your email will not be published