ឌុប​សង្សា ទៅ​ប្រហារ​ឡង់​គ្រី​ស័​រ ក្នុងឱកាស​ចូលឆ្នាំ​ប្រពៃណី​ចិន​-​វៀតណាម ដេកស្លាប់​ក្នុង​ថ្លុកឈាម

, , Leave a comment

​រាជធានី​ភ្នំពេញ ៖ យ៉ាងហោចណាស់​មនុស្ស​ប្រុស​ស្រី​២​នាក់​បាន​ស្លាប់​ភ្លាមៗ​នៅនឹងកន្លែង​កើតហេតុ ក្នុង​ហេតុការណ៍​គ្រោះថ្នាក់​ចរាចរណ៍​របស់​រថយន្ត និង​ម៉ូតូ ។ ហេតុការណ៍​គ្រោះថ្នាក់​ចរាចរណ៍​នេះ​បាន​កើតឡើង​កាលពី​វេលា​ម៉ោង ១១ និង ២៥​នាទី យប់​ថ្ងៃទី​០១ កុម្ភៈ ២០១៤ នៅ​ចំណុច​ផ្លូវ​៣១៥ កែង​ផ្លូវ​៥៩២ ស្ថិតក្នុង​សង្កាត់​បឹងកក់​ទី​២ ខណ្ឌទួលគោក រាជធានី​ភ្នំពេញ ។​

 

​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​គេ​ឃើញ​អ្នក​ទាំងពីរ​ជិះ​ម៉ូតូ CBR ពណ៌​ខ្មៅ ១​គ្រឿង​ពាក់​ស្លាក​លេខ​ភ្នំពេញ 1BZ-3231 ធ្វើដំណើរ​យ៉ាង​លឿន​តាមផ្លូវ​៣១៥ ក្នុងទិសដៅ​ពី​លិចទៅ​កើត លុះ​មកដល់​ស្តុ​ប​ផ្សារ​មាន់​អាំង ជា​ចំណុច​ផ្លូវបែក​ជា​បួន​ក៏បាន​ជ្រុល​ល្បឿន​ទៅបុក​ចំពាក់​កណ្តាល​រថយន្ត​ឡង់​គ្រី​ស័​រ ១​គ្រឿង ពណ៌​ស្ករ ពាក់​ស្លាក​លេខ រដ្ឋ​13 2.3168 ដែល​បត់​ឆ្លងផ្លូវ​បណ្តាល​ឲ្យ​បុរស​អ្នកបើកបរ​ម៉ូតូ​ប៉ើង​ខ្ទាត​បុក​កញ្ចក់​រថយន្ត​របើក​លលាដ៍ក្បាល​ស្លាប់​គួរ​ឲ្យ​រន្ធត់ និង​នារី​ដែល​រួម​ដំណើរ​ជាមួយ​ក៏​ស្លាប់​ផងដែរ ។​

 

​ក្រោយ​កើតហេតុ​រថយន្ត និង​ម៉ូតូ ត្រូវ​សមត្ថកិច្ច​ធ្វើការ​វាស់វែង​នាំយកទៅ​រក្សាទុក​នៅ​ការិយាល័យ​ចរាចរណ៍​ផ្លូវគោក​រាជធានី​ភ្នំពេញ រង់ចាំ​ដោះស្រាយ​តាមច្បាប់ ។ ចំណែក​សព​ជនរងគ្រោះ​សមត្ថកិច្ច​បាន​ស្វែងរក​សាច់ញាតិ​មក​ទទួលយក​ទៅធ្វើ​បុណ្យ​តាម​ប្រពៃណី ៕

02-2-2014 (1)

 

Leave a Reply

(*) Required, Your email will not be published