កងកម្លាំង​សមត្ថកិច្ច​រាប់រយ​ពាន់​នាក់​បាន​ឡោមព័ទ្ធ និង​សម្រុកចូល​ផ្ទះ​លោក​ឧកញ៉ា ផាត់ ប៊ុន រង់ចាំ​សំណែន​

, , Leave a comment

រាជធានី​ភ្នំពេញ ៖ អ្នកដំណើរ​មានការ​ភ្ញាក់ផ្អើល​យ៉ាងខ្លាំង​នៅវេលា​ព្រឹក​នា​ថ្ងៃទី​៣១ ខែមករា ឆ្នាំ​២០១៤ ដែលជា​ថ្ងៃ​ចូលឆ្នាំ​ចិន​-​វៀតណាម នៅ​ពេ​ល​ដែល​កងកម្លាំង​សមត្ថកិច្ច​រាប់រយ​នាក់​សម្រុកចូល​ឡោមព័ទ្ធ​ផ្ទះ​លោក​ឧកញ៉ា​ម្នាក់ ឋិត​នៅ​បណ្តោយ​ផ្លូវ​លេខ​២០០៤ ភូមិ​ត្រពាំង​ល្វា សង្កាត់​កា​កា​ប ខណ្ឌ​ពោធិ៍​សែន​ជ័យ រាជធានី​ភ្នំពេញ ។​

 

​ហេតុការណ៍​នេះ​បាន​ទាញ​ក្រសែភ្នែក​មហាជន​ដោយ​ស្មាន​តែមាន​បទល្មើស​អ្វី តែ​តាមពិត​កម្លាំង​ទាំងនោះ​ដែល​មកពី​ស្ថាប័ន​នានា មាន​ប៉េអឹម ន​គ​រ​បាល​, យោធា​, កងសន្តិសុខ និង​កម្លាំង​ស៊ីវិល​មួយចំនួនទៀត​បាននាំគ្នា​តម្រង់​ជួរ​គ្នា​ចាំ​ទទួលយក អាំង​ប៉ាវ ពី​លោក​ឧកញ៉ា ផាត់ ប៊ុន ដែល​តែ​ង​តែ​​ធ្វើ​ទាន​ដាក់​លុយ ជា​អាំង​ប៉ាវ ឲ្យ​កងកម្លាំង​ទូទៅ និង​ប្រជាពលរដ្ឋ ជា​រៀងរាល់ឆ្នាំ​។​

 

​សកម្មភាព​នេះ នាំ​ឲ្យ​មានការ​រិះគន់ យ៉ាង​ចាស់ដៃ​ពី​ប្រជាពលរដ្ឋ ព្រោះ​មើលទៅ ហាក់ដូចជា ខ្វះ​ភាពថ្លៃថ្នូរ​។ មានការ​កត់សម្គាល់ថា រៀងរាល់ឆ្នាំ ឲ្យ​តែ​ជិត​ដល់​ថ្ងៃ ចូលឆ្នាំ​ប្រពៃណី​ចិន គេ​តែង​សង្កេតឃើញ នគរបាល​ប៉ុស្តិ៍ នៅ​រាជធានី​ភ្នំពេញ ឬ​ទីប្រជុំជន​នានា តែងតែ​សរសេរ​លិខិត ស្នើសុំ​ជំនួយ​ផ្សេងៗ ពី​ម្ចាស់​សិប្បកម្ម អាជីវកម្ម ឬ​ក្រុមហ៊ុន​នានា​។​

 

​ទង្វើ​របស់​នគរបាល ទាំងអស់នោះ ត្រូវ​មតិ​នានា​រិះគន់ថា មិន​សមរម្យ ឬក៏​មិនគួរ មាន​ឡើយ​។ តាមពិត នគរបាល​ទាំងអស់នោះ មិន​ចង់​ធ្វើ​បែ​ប​នេះ​​ទេ ព្រោះ​ទង្វើ​របៀបនេះ ប្រៀប​ដូច​អ្នកសុំទាន តែ​ដោយហេតុ​ប្រាក់ខែ​តិច ចាយ​មិន​គ្រាន់ ទើប​មុខ​ក្រាស់ ហ៊ាន​ធ្វើបែបនេះ​។ ដូច្នេះ​សូម​បងៗ សមត្ថកិច្ច​ពិចារណា ពី​បញ្ហា​នេះ​ឡើងវិញ​ផង ដែល​យ៉ាង​ណាស់ គួរតែ​ដោះ​ឯកសណ្ឋាន ពេល​ទៅយក​អាំង​ប៉ាវ​៕

333

1-2-2014 (1) 1-2-2014 (2) 

 

Leave a Reply

(*) Required, Your email will not be published