ប្រាក់​ខែ​ចាយ​មិន​គ្រប់​មន្ត្រី​យោធា​ នាំ​គ្នីគ្នា​​​ជួញដូរ​​គ្រឿង​ញៀន​ ក្រែង​មាន​ឆាប់ ត្រូវ​សមត្ថកិច្ច​ចាប់​ញាត់​ទ្រុង

, , Leave a comment

​ខេត្តបាត់ដំបង ៖ ជនសង្ស័យ​៤​នាក់ និង​គ្រឿងញៀន​ប្រភេទ​ម៉ា​ទឹកកក​ប្រមាណ​១​គីឡូ (៩៩៩​ក្រាម​) ត្រូវបាន​សមត្ថកិច្ច​ធ្វើការ​បង្ក្រាប និង​ឃាត់ខ្លួន ខណៈដែល​ក្រុម​នេះ​កំពុង​ធ្វើ​សកម្មភាព ។ ហេតុការណ៍​បង្ក្រាប​ធ្វើឡើង​កាលពី​វេលា​ម៉ោង​១៩​និង​៣០​យប់ ថ្ងៃទី​២៨ ខែមករា ឆ្នាំ​២០១៤ នៅ​ចំណុច​សួន​នាគ​បាញ់​ទឹក ឋិត​ក្នុ​ភូមិ​កម្មករ សង្កាត់​ស្វាយប៉ោ ក្រុង​បាត់ដំបង​។​

 

​ប្រភពពី​សមត្ថកិច្ច​បា​ន​ឲ្យ​ដឹងថា ជនសង្ស័យ​ដែល​សមត្ថកិច្ច​ឃាត់ខ្លួន​៤​នាក់ ទី​១-​ឈ្មោះ ធី សុភ័ក្ត្រ អាយុ​២៩​ឆ្នាំ ជា​យោធា​កងពល​លេខ​៦​រស់នៅ​ផ្លូវ​លេខ​១៤៨ សង្កាត់​ផ្សារកណ្តាល​២ ខណ្ឌដូនពេញ រាជធានី​ភ្នំពេញ ទី​២-​ឈ្មោះ ថុង គឹម​លាង អាយុ ២១​ឆ្នាំ ជា​អ្នក​កាន់​ថ្នាំញៀន​ស្នាក់​បណ្តោះអាសន្ន ខណ្ឌទួលគោក រាជធានី​ភ្នំពេញ ទី​៣-​ឈ្មោះ សុខ ហេង អាយុ​៥០​ឆ្នាំ​ជា​អ្នកទិញ​រស់នៅ​ភូមិ ឃុំ​ស្វាយ​រលំ ស្រុក​ស្អាង ខេត្តកណ្តាល និង​ទី​៤-​ឈ្មោះ សារី ថា​ន់ អាយុ ៣៤​ឆ្នាំ​ជា​អ្នកទិញ​រស់នៅ​សង្កាត់​ផ្សារ​ដើមថ្កូវ ខណ្ឌមានជ័យ រាជធានី​ភ្នំពេញ ។​

 

​ក្រោយ​ធ្វើការ​ឃាត់ខ្លួន​សមត្ថកិច្ច​បាន​ដកហូត​បាន​ថ្នាំញៀន​ប្រភេទ​ម៉ា​ទឹកកក ១​ថង់​ធំ​ស្មើ​ទំងន់​៩៩៩​ក្រាម រថយន្ត​ម៉ាក​ប៉ា​ជី​រ៉ូ​១​គ្រឿង កាំភ្លើងខ្លី​ម៉ា​កឡុក​១​ដើម គ្រាប់​ចំនួន​១២​គ្រាប់ ប័ណ្ណ​យោធា និង​លិខិត​បេសកកម្ម​១​សន្លឹក​និង​សម្ភារៈ​មួយចំនួនទៀត​។​

 

​បច្ចុប្បន្ន​សមត្ថកិច្ច​កំពុង​កសាង​សំណុំរឿង និង​បញ្ជូន​ជនសង្ស័យ​ទាំង​៤​នាក់ រួមទាំង​វត្ថុតាង​ទៅ​តុលាការ ដើម្បី​ចាត់ការ​តាម​នីតិវិធី ៕

29-1-2014 (2)

29-1-2014 (4) 29-1-2014 29-1-2014 (1)  29-1-2014 (3)

 

Leave a Reply

(*) Required, Your email will not be published