ចេញពី​ផឹកស៊ី​ជិះ​ម៉ូតូ​លឿន​ហួស​ល្បឿន​កំណត់ ត្រូវ​រនាំង​ដែក​ចែក​ទ្រូងផ្លូវ​កាត់ទោស​ប្រហារជីវិត​

, , Leave a comment

​រាជធានី​ភ្នំពេញ ៖ បុរស​ម្នាក់​ត្រូវបាន​ដាច់​ក្បាល​ដេកស្លាប់​នៅ​កន្លែងកើតហេតុ និង​ម្នាក់ទៀត​បាន​រងរបួស​ធ្ងន់ ខណៈ ដែល​ជែង​ជាមួយនឹង​រថយន្ត ហើយ​ជ្រុល​ទៅបុក​រនាំង​ដែក​ចែក​ទ្រូងផ្លូវ ។ ហេតុការណ៍​នេះ​បាន​កើតឡើង​កាលពី​វេលា​ម៉ោង​១០​យប់ ថ្ងៃទី​២៨ ខែមករា ឆ្នាំ​២០១៤ នៅតាម​ផ្លូវ​សហព័ន្ធរុស្ស៊ី ស្ថិត​ក្នុងភូមិ​ប៉ប្រក​ខាងជើង សង្កាត់​កា​កាប ខណ្ឌ​ពោធិ៍​សែន​ជ័យ រាជធានី​ភ្នំពេញ ។​

 

​ជនរងគ្រោះ​ដែល​ដាច់​ក្បាល​ចេញពី​ខ្លួន​នោះ​មានឈ្មោះ យ៉េន រ៉ា​ម​បូ អាយុ​២៣​ឆ្នាំ ជា​សន្តិសុខ មាន​ស្រុកកំណើត​ភូមិ​សង្កែ​បង្វែ ឃុំ​ភ្នំ​កុង ស្រុក​អង្គ​ជ័យ ខេត្តកំពត និង​រួម​ដំណើរ​ម្នាក់ទៀត​ឈ្មោះ ហៀន ចាន់​រស្មី អាយុ​១៩​ឆ្នាំ មុខរបរ​សន្តិសុខ​ដូចគ្នា ស្នាក់នៅ​មជ្ឈមណ្ឌល​ទួលគោក មាន​ស្រុកកំណើត​ជាមួយ​ជនរងគ្រោះ​ខាងលើ ជិះ​ម៉ូតូ​ម៉ាក​ហុងដា​សេ​១២៥ ពណ៌​ខ្មៅ ស៊េរី​ឆ្នាំ​២០០៩ ពាក់​ស្លាក​ស្លាក​លេខ​កំពត 1D-0175 ។​

 

​ប្រភពពី​កន្លែងកើតហេតុ​បាន​ឲ្យ​ដឹងថា មុន​កើតហេតុ​ជនរងគ្រោះ​បាន​ផឹកស៊ី​ជាមួយគ្នា​នៅ​ហាង​យីហោ​សម្រាក​ជួប​មិត្ត ក្នុង​សង្កាត់​ភ្នំពេញ​ថ្មី ។ ពេល​ផឹកស្រា​អស់​ជាច្រើន​ថូ​រួចមក ក៏បាន​ចេញពី​ហាង​ជិះ​ម៉ូតូ​តាមផ្លូវ​សហព័ន្ធ​រុស្ស៊ី​យ៉ាង​លឿន ស្រាប់តែ​មកដល់​ចំណុចកើតហេតុ​ក៏មាន​រថយន្ត​មួយគ្រឿង​បើក​ស្រប​ទិស​គ្នា​ហើយ​បាន​ជែង​ម៉ូតូ​ជនរងគ្រោះ និង​កៀរ​ធ្វើ​ឲ្យ​ជ​ន​រ​ង​គ្រោះ​​គេច​ពី​រថយន្ត​មិន​ផុត​ក៏​ទៅ​ប៉ះ​នឹង​រនាំង​ចែក​ទ្រូងផ្លូវ​បណ្តាល​ឲ្យ​អ្នកបើកបរ​ដួល​ចំ​រនាំង​ដែក​ចែក​ទ្រូងផ្លូវ​ដាច់​ក្បាល​ចេញពី​ខ្លួន​ចម្ងាយ​ជាង​២០​ម៉ែត្រ​ស្លាប់​ភ្លាមៗ​នៅនឹងកន្លែង​កើតហេតុ និង​អ្នករួមដំណើរ​ម្នាក់ទៀត​បាន​រងរបួស​ធ្ងន់ ។ ដោយឡែក​រថយន្ត​ដែល​បើក​ជែង និង​ជ្រែ​ម៉ូតូ​ជនរងគ្រោះ​បាន​បើក​គេច​បាត់ស្រមោល ។​

 

​ក្រោយ​កើតហេតុ សមត្ថកិច្ច​មូលដ្ឋាន​បាន​ចុះ​មកដល់​កន្លែងកើតហេតុ​ដើម្បី​អន្តរាគមន៍ និង​ហៅ​រថយន្ត​សង្គ្រោះ​ដឹក​ជនរងគ្រោះ​ទៅកាន់​មន្ទីរពេទ្យ​។ រីឯ​សាកសព​ជនរងគ្រោះ​សមត្ថកិច្ច​ប្រគល់​ឲ្យ​ក្រុមគ្រួសារ​យក​ធ្វើបុណ្យ​តាម​ប្រពៃណី ៕

29-1-2014

 

Leave a Reply

(*) Required, Your email will not be published