ភាព​ក្តួល​អាណិត​ជីវិត​សត្វលោក ភិក្ខុ ធូ​ត រ៉េ​លី​ក គង់នៅ​ភាគ​កណ្តាល​នៃ​ប្រទេស​ស្រីលង្កា ដុត​ព្រះកាយ ដើម្បី​ប្រឆាំងនឹង​ការសម្លាប់​សត្វ​គោក្របី (​វិ​ដេ​អូ​)

, , Leave a comment

​ប្រទេស​ស្រីលង្កា ៖ ដោយ​ភាព​ក្តួល​អាណិត​នូវ​ជីវិត​សត្វលោក​ព្រះ​ភិក្ខុ​មួយអង្គ​សុខចិត្ត​បូជា​ព្រះកាយ​ដោយ​ការដុត​សម្លាប់ខ្លួន ដើម្បី​ប្រឆាំងនឹង​កា​រ​សម្លាប់​សត្វ​គោក្របី​យកមក​ធ្វើជា​ម្ហូបអាហារ​នៅក្នុង​ប្រទេស​ស្រីលង្កា​នោះបាន​រងរបួស​យ៉ាងធ្ងន់ធ្ងរ​បំផុត ហើយ​ត្រូវបាន​ឧបាសក​ឧបាសិកា​នាំគ្នា​រួសរាន់​ដឹក​ប​ញ្ជួ​ន​ទៅកាន់​មន្ទីរពេទ្យ​ភ្លាមៗ ។ នេះ​បើ​យោងតាម​ការចុះផ្សាយ​រប​ស់​គេហទំព័រ​កម្សាន្ត​ប្រទេស​អង់គ្លេស​ឈ្មោះ ម៉ែ​លអន​ឡាញ​។​

​តាម​ប្រភពព័ត៌មាន​ពី​មន្ត្រីប៉ូលិស​បានឱ្យដឹងថា សង្ឃ​ដែល​បាន​បូជា​ខ្លួនឯង នៅ​ជិត​វត្ត​ព្រះពុទ្ធ​នោះ មាន​ព្រះនាម​ព្រះ ភិក្ខុ​ធូ​ត រ៉េ​លី​ក គង់នៅ​ទីក្រុង​ឃែ​ន​ឌី ភាគ​កណ្តាល​នៃ​ប្រទេស​ស្រីលង្កា ។ ប្រភពនោះបាន​បន្តទៀតថា នៅមុន​ពេល​បូជា ព្រះកាយ​នឹង​ព្រះ​អគ្គី ដើម្បី​ជាការ​ប្រឆាំងនឹង​កា​រ​ស​ម្លា​ប់​​គោក្របី​ធ្វើជា​អាហារ​នោះ ព្រះ​ភិក្ខុ​អង្គ​នេះ​បាន​មាន​សង្ឃដីកា ប្រាប់​ពុទ្ធបរិស័ទ​ថា អាត្មា​នឹង​ពលី​ជីវិត​ខ្លួនឯង ដើម្បី​ស្រោចស្រង់​ជីវិត​សត្វលោក​ពិ​សេ​ស​គឺ​ជីវិត​គោក្របី​នេះ​តែម្តង ។​

 

​ទោះបីជា​យ៉ាងណា​ព្រះ​ភិក្ខុ​អង្គ​នេះ​មិនទាន់​អស់​សង្ខារ​នោះទេ ដោយសារ​តែមាន​គេ​ជួយសង្គ្រោះ​ទាន់ពេលវេលា និង​បា​នប​ញ្ជួ​ន​ទៅកាន់​មន្ទី​រ​ពេ​ទ្យ​ប​ង្អែក​នៅក្នុង​ទីក្រុង​ឃែ​ន​ឌី ប៉ុន្តែ​ព្រះអង្គ​កំពុងស្ថិត​ក្នុងស្ថានភាព​ធ្ងន់ធ្ងរ​បំផុត ។​ ​សាសនាព្រះពុទ្ធ​ដែលជា​សាសនា​របស់​រដ្ឋ​នៃ​ប្រទេស​ស្រីលង្កា​នោះ​ប្រឆាំង​ដាច់ខាត​នឹង​ការសម្លាប់​ជីវិត​សត្វ​ពិសេស គឺ​ជីវិត​សត្វ​គោក្របី ។ ៧៥​ភាគរយ​នៃ​ប្រជាជន​របស់​ប្រទេស​នេះ គឺជា​ពុទ្ធ សាសនិក ។ ពុទ្ធ​សាសនិក​ភាគច្រើន​នៅក្នុង​ប្រទេស​ស្រីលង្កា​បរិភោគ​សាច់​ជា អាហារ ប៉ុន្តែ​ពួកគេ​ចៀសវាង​ការបរិភោគ​សាច់គោ ពីព្រោះ​ពួកគេ​ចាត់ទុក​សត្វ​គោ គឺ​ជាទី​សក្ការបូជា​ដូចជា​ព្រះ​របស់​ពួកគេ ។​

 

​ករណី​ដុត​សម្លាប់ខ្លួន​ពី​សំណាក់​ព្រះសង្ឃ​ក៏​ធ្លាប់​កើត​ឡើងជា​ញឹកញាប់​ផងដែរ​នៅ​តំបន់​ស្វយ័ត​ទី​បេ ប្រទេស​ចិន ដោយ​ព្រះសង្ឃ​ទាំងនោះ​បូជា​ខ្លួន​ជាមួយ​ព្រះ​អគ្គី​ដើម្បីឱ្យ​មានការ​ចាប់អារម្មណ៍​ខ្លាំង​ពី​មនុស្ស​ទូទាំង​ពិភពលោក​ឱ្យដឹងពី ការតវ៉ា​របស់​ពួក​ទ្រង់​ប្រឆាំងនឹង​ភាពជា​អាណាព្យាបាល​ រ​ប​ស់​​ទីក្រុង​ប៉េកាំង​មកលើ តំបន់​ទី​បេ និង​ការគាបសង្កត់​ឥត​ព្រំដែន ពី​សំណាក់​អាជ្ញាធរ​ចិន​ចំពោះ​សិទ្ធិ​សេរី ភាព​សាសនា និង​វប្បធម៌​ដែលមាន​ជា​យូរលង់​ណាស់​មកហើយ​នៅក្នុង​តំបន់​នេះ ៕

26-1-2016 (2)

26-1-2016 (4) 26-1-2016 (1)  26-1-2016 (3)

 

Leave a Reply

(*) Required, Your email will not be published