សមត្ថកិច្ច​ចាប់ខ្លួន​តា​ចាស់​ល្មោភកាម​ម្នាក់ ពាក់ព័ន្ធ​ករណី​ចាប់រំលោភ​កុមារី​អាយុ​៥​ឆ្នាំ បានសម្រេច​៥​ដង​

, , Leave a comment

​រាជធានី​ភ្នំពេញ ៖ បុរស​វ័យ​ចំណាស់​អាយុ​៦៨ ម្នាក់ ត្រូវបាន​សមត្ថកិច្ច​ធ្វើការ​ឃាត់ខ្លួន បន្ទាប់ពី​ទទួលបាន​ពាក្យបណ្តឹង​ពី​ក្រុមគ្រួសារ​ក្មេងស្រី​រ​ង​គ្រោះពាក់ព័ន្ធ​ករណី​បៀតបៀន​កេរ​ខ្មាស​កូនស្រី​អាយុ​៥​ឆ្នាំ ។ ការឃាត់ខ្លួន​បុរស​វ័យ​ចំណាស់​ល្មោភកាម​នេះ​ធ្វើឡើង​កាលពី​វេលា​ម៉ោង​៦​និង​៣០​នាទី​ល្ងាច​ថ្ងៃទី​២៤ ខែមករា ឆ្នាំ​២០១៤ នៅ​ភូមិ​វិមាន​ទ្រង់ សង្កាត់​ក្រាំងធ្នង់ ខណ្ឌ​ពោធិ៍​សែន​ជ័យ រាជធានី​ភ្នំពេញ ។​

 

​តាម​របាយការណ៍​រប​ស់​សមត្ថកិច្ច​បាន​ឲ្យ​ដឹងថា បុរស​វ័យ​ចំណាស់​ដែល​ត្រូវ​ឃាត់ខ្លួន​មានឈ្មោះ ជ័យ ទង អាយុ​៦៨​ឆ្នាំ ស្នាក់នៅ​ភូមិ​ខាងលើ ។ ចំណែក​កុមារី រងគ្រោះ​ឈ្មោះ រ​.​រ​.​ន អាយុ​៥​ឆ្នាំ ស្នាក់នៅ​សង្កាត់​ជាមួយ​ជនសង្ស័យ​ខាងលើ​។​

 

​ប្រភព​ដដែល​បាន​បន្តទៀតថា នៅក្នុង​ពាក្យបណ្តឹង​នោះបាន​បញ្ជាក់​ឲ្យ​ដឹងថា នៅ​ព្រលប់​ថ្ងៃទី​២៤ ខែមករា កុមារី​រងគ្រោះ​បាន​ទៅលេង​ផ្ទះ​ជន​ស​ង្ស័​យ​ខាងលើ ហើយ​ពេល​ម្តាយ​វិលត្រឡប់​មកពី​ធ្វើការ​វិញ​ដើរទៅ​ហៅ​កូន​មក​ហូបបាយ និង​បាន​ឱបថើប​កូនស្រី​មាន ធំក្លិន​បារី ព្រមទាំង​មាន​អាការ​ខុសប្លែក​ពី​ធម្មតា ។​

 

​នៅពេលនោះ​ម្តាយ​ក្មេងស្រី​រងគ្រោះ មានការ​សង្ស័យ​ក៏​ពិនិត្យមើល​ប្រដាប់ភេទ​របស់​កូនស្រី​ឃើញ​មាន​ទឹកកាម​បុរស​នៅ​ថ្មីៗ​ទើប ។ ពេលឮ​ដំ​ណឹ​ង​​នេះ​ភ្លាម​ម្តាយ​ក្មេងស្រី​រងគ្រោះ​បាន​យក​កូនស្រី​ទៅកាន់​មន្ទីរពេទ្យ​ដើម្បី​ឲ្យ​គ្រូពេទ្យ​ពិនិត្យមើល ពេលនោះ​គ្រូពេទ្យ​បាន​ប្រាប់ថា ក្មេងស្រី​រងគ្រោះ​ទំនងជា​ត្រូវគេ​រំលោភ​មិនតិចជាង​៥​ដង​ឡើយ ។​

 

​ម្តាយ​ក្មេងស្រី​រងគ្រោះ​បានដាក់​ពាក្យបណ្តឹង​ឲ្យ​ឃាត់ខ្លួន​បុរស​វ័យ ចំណាស់​ខាងលើនេះ​បញ្ជូនទៅ​អធិការដ្ឋាន​នគរបាល​ខណ្ឌ​ពោធិ៍​សែន​ជ័យ ដើ​ម្បី​​មាន​ចំណាត់ការ​តាមផ្លូវ​ច្បាប់ ខណៈដែល​សមត្ថកិច្ច​សាកសួរ​បុរស​វ័យ​ចំណាស់​រូបនេះ ​មិន​ព្រម​សារភាព​បែរជា​សុំ​សម្របសម្រួល​ជាមួយ​ក្រុ​ម​គ្រួសារ​ក្មេងស្រី​រងគ្រោះ​ទៅវិញ ៕

26-1-2014

 

Leave a Reply

(*) Required, Your email will not be published