សាលាដំបូង​រាជធានី​ភ្នំពេញ សម្រេច​ឃុំខ្លួន​បុរស​ជនជាតិ​វៀតណាម​ដាក់ពន្ធនាគារ ករណី​ជួញដូរ​គ្រឿងញៀន​ឆ្លង​ប្រទេស​

, , Leave a comment

​រាជធានី​ភ្នំពេញ ៖ បុរស​ជនជាតិ​វៀតណាម​ម្នាក់​ត្រូវបាន​ចៅក្រម​ស៊ើបសួរ​សាលាដំបូង​រាជធានី​ភ្នំពេញ បានសម្រេច​ឃុំខ្លួន​ដាក់ពន្ធនាគារ ដោយ​ចោទប្រកាន់​ពីបទ​ជួញដូរ​ដោយ​ខុសច្បាប់​នូវ​សារធាតុ​ញៀន កាលពី​រសៀល​ថ្ងៃទី​២៣ មករា ២០១៤ ។

 

​យោងតាម​របាយការណ៍​របស់​សមត្ថកិច្ច​បាន​ឲ្យ​ដឹងថា បុរស​ជនជាតិ​វៀតណាម​រូបនេះ​ឈ្មោះ វ៉ាន់ វាយ អាយុ​៤៦​ឆ្នាំ ត្រូវ​ក្រុម​សមត្ថកិច្ច​ចម្រុះ​រួមមាន​ក្រុម​ប្រតិបត្តិការ​នៃ​ក្រុម​ស៊ើបអង្កេត​បទល្មើស​ឆ្លងដែន TCT របស់​អគ្គស្នងការ​ន​គ​របាល​ជាតិ​មន្ទីរ​ប្រឆាំង​គ្រឿងញៀន​ក្រសួងមហាផ្ទៃ និង​នគរបាល​សន្តិសុខ​ផ្ទៃក្នុង​ក្រសួងមហាផ្ទៃ​ឃាត់ខ្លួន​កាលពី​វេលា ម៉ោងជាង​៩​ព្រឹក ថ្ងៃទី​២០ មករា ២០១៤ នៅ​ចំណុច​ខាងក្រោយ​ផ្សារ​អូឡាំពិក ក្នុង​សង្កាត់​អូឡាំពិក ខណ្ឌចំការមន ដោយ​រឹបអូស​បាន​គ្រឿងញៀន​ប្រភេទ​ព្យូ​ដូរ​អេ​ហ្វេ​ទ្រី​ន និង​ល្បាយ​មេ​តំ​ហ្វេ​តា​មីន​សម្រេច​ទម្ងន់​ប្រមាណ​៨,៤​គីឡូក្រាម​។​

 

​ក្រោយពី​ទទួលបាន​ព័ត៌មាន​នេះ សមត្ថកិច្ច​ជំនាញ​បាន​សហការ​ជាមួយ​ប៉ុស្តិ៍​ប្រៃសណីយ៍​កម្ពុជា​កំណត់​បាន​ពី​អត្តសញ្ញាណ​អ្នក​ផ្ញើ​កញ្ចប់​ទាំង​២​លើក​នេះ​ទៅ​អូស្ត្រាលី ហើយ​នៅ​ព្រឹក​ថ្ងៃទី​២០ មករា ២០១៤ ឈ្មោះ​វ៉ាន់ វាយ ក៏​យក​កញ្ចប់​មក​ផ្ញើ​ទៅ​ប្រទេស​អូស្ត្រាលី​ម្តងទៀត ដោយមាន​តុក្កតា​ចំនួន​៥ ទម្ងន់​៣៦​គីឡូក្រាម ដែលមាន​បង្កប់​គ្រាប់​ថ្នាំ​ពណ៌​សលាក់​ក្នុង​ដុំ​ពូក​អេ​ប៉ុង​ជាច្រើន​រយ​ដុំ​៕

23-1-2014

 

Leave a Reply

(*) Required, Your email will not be published