សមត្ថកិច្ច​ឃាត់ខ្លួន​ជនសង្ស័យ​៤​នាក់ ពីបទ​ចោរកម្ម​បញ្ជូន​ទៅកាន់​តុលាការ​

, , Leave a comment

​ខេត្ដ​ស្ទឹងត្រែង ៖ ជនសង្ស័យ​ចំនួន​៤​នាក់ ត្រូវបាន​សមត្ថកិច្ច​ឃាត់ខ្លួន ករណី​ចោរកម្ម ក្រោយពី​ពួកគេ​បានធ្វើ​សកម្មភាព​លួច​ម៉ាស៊ីន​ទូក​របស់​ប្រ​ជា​ពលរដ្ឋ ។ ការឃាត់ខ្លួន​នេះ​ធ្វើឡើង​កាលពី​វេលា​ម៉ោង​១​និង​៣០​នាទី​រំលងអធ្រាត្រ​ថ្ងៃទី​១៨ ខែមករា ឆ្នាំ​២០១៤ ស្ថិតក្នុង​ភូមិ​ស្វាយ ឃុំ កោះ​ស្រ​ឡាយ ស្រុក​សៀម​បូក ខេត្ដ​ស្ទឹងត្រែង​។

 

​ជនសង្ស័យ​ដែល​ត្រូវ​សមត្ថកិច្ច​ឃាត់ខ្លួន​ជនសង្ស័យ​៤​នាក់ ទី​១-​ឈ្មោះ ភូម្មា សារិទ្ធ (​ចិត្រ​) ភេទ​ប្រុស អាយុ​២៣​ឆ្នាំ ទី​២-​ឈ្មោះ ភូម្មា សារ៉ាត់​(​សាយ​) ភេទ​ប្រុស អាយុ​២៦​ឆ្នាំ អ្នក​ទាំងពីរ​រស់នៅ​ភូមិ​ថ្មី សង្កាត់​សាមគ្គី ក្រុង​ស្ទឹងត្រែង ខេត្តស្ទឹងត្រែង ។ ចំណែក​ទី​៣-​ឈ្មោះ ច្រឹង កុស​ល្យ (​ភា​) ភេទ​ប្រុស អាយុ​៣៣​ឆ្នាំ ទី​៤-​ឈ្មោះ ជួន ពី​ន ភេទ​ប្រុស អាយុ​៣៤​ឆ្នាំ អ្នក​ទាំងពីរ​រស់នៅ​ភូមិ​អន្លង់​ស្វាយ ឃុំ​អូរ​រៃ ស្រុក​ថា​ឡា​បរិ​វ៉ា​ត់ ខេត្តស្ទឹងត្រែង​។

 

​ក្រោយពី​ទទួលបាន​ពាក្យបណ្តឹង​ពី​ប្រជាពលរដ្ឋ​ដែលជា​ជនរងគ្រោះ​សមត្ថកិច្ច​បាន​ចុះ​ធ្វើការ​បង្ក្រាប​ភ្លាមៗ ចាប់បាន​ជនល្មើស​ដកហូត​ម៉ាស៊ីន​ទូក​៣​គ្រឿង និង​ប្រគល់ជូន​ម្ចាស់​វិញ ព្រោះ​ពួកគាត់​ពឹង​លើ​របរ ចិញ្ចឹមជីវិត​តាម​ដង​ទន្លេ​ដោយសារ​ទូក ណាមួយ​ចម្ងាយ​ពី​ស្រុក​មក​ខេត្ដ​មាន ចម្ងាយ​ឆ្ងាយ​រាប់​គីឡូ ។​ ​បច្ចុប្បន្ន​ជនសង្ស័យ​ទាំង​៤ ត្រូវបាន ឃាត់ខ្លួន​នៅ​ស្នងការដ្ឋាន​នគរបាល​ខេត្ដ ដើម្បី​ចាត់ការ​តាម​នីតិវិធី​៕

22--1-2014

 

Leave a Reply

(*) Required, Your email will not be published