ទៅលេង​បុណ្យ​ភូមិ ត្រូវ​ក្រុម​ឃាតករ​ចិត្ត​ព្រៃផ្សៃ សម្លាប់​ដោយ​កាត់​ក្បាល សមត្ថកិច្ច​សង្ស័យ​រឿង​គំនុំ​

, , Leave a comment

​ខេត្តកំពង់ស្ពឺ  ៖  បុរស​ម្នាក់​ត្រូវបាន​ស្លាប់​យ៉ាង​អាណោចអាធ័ម ក្រោម​ស្នាដៃ​ក្រុម​ឃាតករ​ចិត្ត​ព្រៃផ្សៃ ដោយ​កាត់​ក្បាល​នៅ​កណ្តាល​វាលស្រែ ។ ហេតុការណ៍​នេះ​បាន​បង្ក​ការភ្ញាក់ផ្អើល​ដ​ល់​​ប្រជាពលរដ្ឋ ខណៈដែល​គេ​ប្រទះឃើញ​សាកសព​នេះ​កាលពី​វេលា​ម៉ោង ៨ និង ៣០ នាទី​ព្រឹក​ថ្ងៃទី​១៩ ខែមករា ឆ្នាំ​២០១៤ នៅ​ចំណុច​ភូមិ​បឹង​ស្តុក ឃុំ​បសេដ្ឋ ស្រុក​បសេដ្ឋ ខេត្តកំពង់ស្ពឺ ។​

 

​សព​ជនរងគ្រោះ​ដែល​ត្រូវ​ក្រុម​ឃាតករ​ចិត្ត​ឃូរ​ឃៅ​សម្លាប់​នោះ​មានឈ្មោះ ខៀវ ប៉ន អាយុ​៥៥​ឆ្នាំ មាន​ទីលំនៅ​ភូមិ​ត្រពាំង​ឈូក ឃុំ​បសេដ្ឋ ស្រុក​បសេដ្ឋ ខេត្ត​កំពង់​ស្អឺ ។​

 

​ប្រភពពី​សមត្ថកិច្ច​មូល​ដ្ឋា​ន​បាន​ឲ្យ​ដឹងថា មុន​ឈានដល់​ការសម្លាប់​ដោយ​កាត់​ក្បាល​នេះ នៅវេលា​យប់​ថ្ងៃទី​១៨ ខែមករា នៅក្នុង​ភូមិ​មាន​រៀ​បំ​ពិធីបុណ្យ​ដា​លាន ហើយ​ប្រជាពលរដ្ឋ​ក៏បាន​ចូលរួម​ក្នុង​ពិធីបុណ្យ​នេះ​យ៉ាងច្រើន​ផងដែរ ក្នុងនោះ​ក៏មាន​ជនរងគ្រោះ​និង​មានការ​ផឹកស៊ី​នៅ​កន្លែង​បុណ្យ ហើយក៏​បាត់​ជនរងគ្រោះ​ក្នុង​យប់នោះ​ទៅ តែ​ក៏​គ្មាន​អ្នកណា​ចាប់អារម្មណ៍​ថា ជនរងគ្រោះ​ទៅណា​នោះដែរ ។ លុះ​ព្រឹក​ឡើង​ប្រជាពលរដ្ឋ​ម្នាក់​ឈ្មោះ ហេង អាយុ​២៥​ឆ្នាំ រស់នៅ​ភូមិ​បឹង​ស្តុក បាន​ដើររក​ជីក​កណ្តៀរ ស្រាប់តែ​ប្រទះឃើញ​សព​បុរសរងគ្រោះ​ក្នុង​វាលស្រែ​ក៏​រាយការណ៍​ជូន សមត្ថកិច្ច​ចុះមក​ត្រួតពិនិត្យ​តែម្តង ។​

 

​ប្រភពព័ត៌មាន​ខ្សឹបខ្សៀវ​ពី​ប្រជាពលរដ្ឋនៅក្នុង​ភូមិ​ថា ជនរងគ្រោះ​គឺជា​មនុស្ស​ចេះ​អំពើ​អាប​ធ្មប់ និង​ធ្វើអំពើ​ទៅលើ​គេឯង​នៅក្នុង​ភូមិ ទើប​អ្នកខ្លះ​កើតការ​ក្តៅក្រហាយ​ចងគំនុំ​ជាមួយ​ជ​ន​រ​ង​គ្រោះ ហើយ​ឈានដល់​ការកាប់សម្លាប់​បែបនេះ ។ តែ​មជ្ឈដ្ឋាន​ខ្លះ​ក៏បាន​អះអាងថា ទោះជា​យ៉ាងណាក្តី​ក៏​មិនត្រូវ​ប្រព្រឹត្ត​អំពើ​មនុស្សឃាត​បែប​នេះដែរ​ព្រោះ​ជា​អំពើ​ខុស​នឹង​ច្បាប់ ។​

 

​ក្រោយ​កើតហេតុ​មន្ត្រីនគរបាល​បច្ចេកទេស​ដែល​បាន​ចុះមក​ពិនិត្យ​សាកសព​បាន​ឲ្យ​ដឹងថា នៅលើ​ខ្លួន​សាកសព​មាន​ស្នាម​កាប់​ត្រង់​ស្មា​ស្តាំ​២​កន្លែង និង​គន្លាក់ដៃ​ឆ្វេង​មួយកន្លែង ហើយ​ក្បាល​ត្រូវ​កាត់​ចេញពី​ដងខ្លួន​បាត់ ។ សព​ជនរងគ្រោះ​ក្រោយពី​សមត្ថកិច្ច​ត្រួតពិនិត្យ​ហើយ​បានប្រគល់​ក្រុមគ្រួសារ​ទទួលយក​ទៅធ្វើ​បុណ្យ​តាម​ប្រពៃណី ៕

20-1-2014

 

Leave a Reply

(*) Required, Your email will not be published